Árbók skálda - 01.12.1956, Blaðsíða 9
Formálsorð
Arbók skálda er að þessu sinni með nokkuð ólíku sniði og áður.
Efnið er blandað: bæði ljóð og smásögur og auk þess nýtt, langflest
frá árinu, sem bókin er við kennd, 1956. Samkvæmt því er bók-
inni ætlað að veita nokkra yfirsýn um viðfangsefni hinna yngri
höfunda á stundinni, sem líður og „kynna" verk þeirra eins og nú
er til orða tekið, með sýnishornum. f þeim tilgangi hefir útgefandi
ákveðið að senda út nokkurn hluta upplagsins, sem fylgirit með
Nýju Helgafelli. Fer Árbók '56 og framvegis því miklu víðar heldur
en fyrri bindin.
Ritstj. fékk í hendur frá ýmsum höfundum meira efni, en birt er
hér. Sömuleiðis barst honum efni frá miklu íleiri höfundum en
nokkur kostur var að fá rúm í bókinni. Samt ber að gæta þess að
Árþók '56 er ekki úrval að sama skapi og fyrri árbækur, sem náðu
yfir alllangt árabil í valinu og tóku til prentaðra verka sem óprent-
aðra. Og að sjálfsögðu vantar hér höfunda, sem æskilegt væri að
birta eftir í sýnisbók eins og þessari, enda er þess ekki að vænta,
að allir höfundar, sem til greina koma, eigi á hverju ári óprentað
efni handbært.
Ég vil geta þess, úr því að efninu er ekki skipað niður eftir staf-
rófsröð höfunda, að ég fylgdi engri annarri reglu um niðurröðun
en þeirri að láta ljóð og óbundið mál skiptast á eins og gert er í
tímaritum.
Ég þakka öllum þeim höfundum, sem lögðu til efni í þessa bók,
ágæta samvinnu.
Kristján Karlsson