Sveitarstjórnarmál - 01.06.1975, Page 8

arfélögum með upplýsingum um tæknileg og
fjárhagsleg atriði.
200 ÍBÚA ÞORP FÁ
ÞÉTTBÝLISFÉ
Þá var sú breyting gerð á vegalögunum, að
íbúatala þeirra staða, sem hlotið geta þéttbýlisfé,
var lækkuð úr 300 í 200, þannig, að nú geta sveit-
arfélög með 200 íbúa eða fleiri í þéttbýli hlotið
framlag úr vegasjóði. Fimm þéttbýlisstaðir njóta
góðs af þessari lagabreytingu i ár, Búðardalur,
Súðavík, Hofsós, Hrísey og Breiðdalsvík, sem
allir telja milli 200 og 300 íbúa.
ÞÉTTBÝLISFÉÐ 1141 KRÓNA
Á ÍBÚA 1975
Auk þeirra breytinga á vegalögunum, sem áður
getur og áhrif hafa á upphæð þéttbýlisvegafjár-
ins til sveitarfélaganna á þessu ári, er þess enn að
geta, að fellt var niður ákvæði, sem undanskilur
þær tekjur, sem varið er til hraðbrautarfram-
kvæmda, þegar reiknuð eru út þau I2y2 af heild-
artekjum vegamála, sem verja skal til gatnagerðar
í þéttbýli. Hraðbrautarframlagið í ár nemur
336.3 milljónum króna, svo þessi breyting verkar
til nokkurrar hækkunar á almenna framlaginu
frá því, sem ella hefði orðið með hliðsjón af
breytingunni úr 10% í 25% á framlaginu, sem
varið er til að flýta framkvæmdum, þar sem sér-
stök ástæða þykir til að ljúka tilteknum áfanga
eða stuðla að hagkvæmari vinnubrögðum.
Vegagerð ríkisins hefur þegar reiknað út þétt-
býlisféð í ár og skiptingu þess milli sveitarfélaga,
með hliðsjón af þeim lagabreytingum, sem gerð-
ar voru í maí og hér hefur verið getið. Til skipta
koma í ár um 213.6 millj. króna og skiptast þær
jafnt milli þéttbýlisstaðanna með 200 íbúa og
fleiri, en þeir hafa samanlagt 187334 íbúa.
Skiptitalan verður því kr. 1141 á hvern íbúa.
Getur þá hver reiknað út þéttbýlisféð með því
að margfalda þá tölu með íbúatölu staðarins
110 hinn 1. desember 1974.
HREPPAR FÁ HLUTVERK
í VEGAMÁLUM
Veigamikil breyting var nú gerð á vegalögun-
um að því er varðar frumkvæði hreppa í sam-
bandi við sýsluvegi innansveitar. Sýsluvegasjóðs-
gjöld hvers hrepps eru reiknuð eins og áður sem
andvirði þriggja dagvinnustunda fyrir hvern
íbúa hreppsins, miðað við kaupgjald í almennri
verkamannavinnu hjá Vegagerð ríkisins 1. des. ár-
ið áður en gjaldið er lagt á. Breytingin er fólgin í
því, að þetta gjald ber nú að skoða sem lágmark,
og er hreppsnefndum heimilt að ákveða gjaldið
allt að tvöfalt hœrri upphœð heldur en sem nem-
ur lágmarkinu, og ber pá ríkissjóði að reiða fram
i mótframlag tvöfalda þá fjárhceð, sem hrepps-
nefnd hefur ákveðið að leggja fram og skal það
fé renna óskipt til sýsluvega i viðkomandi hreppi.
Hreppsnefnd, sem ákveður að hagnýta sér þessa
möguleika, skal tilkynna sýslumanni um það fyr-
ir 15. febrúar ár hvert, og reiknar þá sýslumaður
út framlag hreppsins, sem greiðist eigi síðar en
á manntalsþingi næst á eftir.
Um nokkurt árabil hafa hreppsnefndir ekki átt
þess kost að láta til sín taka vegamál, hvernig
sem ástand innansveitarvega hefur verið, og hef-
ur það valdið nokkurri óánægju hjá ýmsum. Með
þessari lagabreytingu opnast hreppsnefndum á
nýjan leik tækifæri til frumkvæðis í þá átt að
leggja meira fé en ella til sýsluvega innan eigin
umdæmis, og leggur ríkissjóður tvær krónur fyrir
hverja eina, sem hreppssjóður leggur í þessu
skyni.
Samkvæmt upplýsingum Vegagerðar ríkisins
var nokkurri fjárveitingu ráðstafað í þessu skyni
í ár, og verður þetta nýmæli í lögunum fram-
kvæmt á þessu ári, eftir því sem sú fjárveiting
hrekkur til.
Unnar Stefánsson.
SVEITARSTJÓRNARMÁL