Sveitarstjórnarmál - 01.06.1975, Qupperneq 51

samtökin hefðu fengið fyrirheit um
lóð í væntanlegum miðbæ Garða-
hrepps undir skrifstofuhúsnæði.
Einnig fjallaði hann um helztu
verkefni samtakanna. M. a. gat
hann þess, að Axel Jónsson gegndi
nú hálfu starfi sem framkvæmda-
stjóri hjá SASÍR, en Þórhannes
Axelsson, sonur hans, hefði verið
ráðinn til starfs hjá samtökunum.
Axel Jónsson, framkvæmdastjóri,
gerði grein fyrir helztu verkefnum
samtakanna á starfsárinu. Sagði
hann m. a. frá byggingu Krísuvík-
urskólans og ræddi ýmis atriði
grunnskólalaganna.
Þá lagði hann fram og skýrði
ársreikninga samtakanna frá 1. 10.
1973 til 30. 9. 1974 svo og tillögu
að fjárhagsáætlun.
Miklar umræður urðu á fundin-
um i framhaldi af skýrslu stjórnar.
Umræður snérust m. a. um stöðu
samtakanna, verkefnaval og upp-
byggingu þeirra. Allir fulltrúar
Hafnarfjarðarkaupstaðar tóku til
máls í þeim umræðum. Mæltu þeir
gegn auknum umsvifum samtak-
anna og lýstu sig andvíga lögfest-
ingu landshlutasamtakanna al-
mennt. Kynntu þeir ályktun, sem
bæjarstjórn Hafnarfjarðar hafði
nýlega gert um það efni.
Bæjarfulltrúar Hafnarfjarðar-
kaupstaðar lögðu m. a. áherzlu á
það í ræðum sínum, að kosninga-
fyrirkomulagi til aðalfunda sam-
takanna yrði að breyta, ef þeim
yrði falin meðferð stjórnsýsluverk-
efna og kosning fræðsluráðs. Yrði
þá að taka fullt tillit til mismun-
andi íbúafjölda sveitarfélaganna
til þess að byggðarleg og pólitísk
sjónarmið fengju notið sín. Einnig
gagnrýndu þeir ýmis ákvæði grunn-
skólalaga, sem þeir töldu andsnúin
hagsmunum sveitarfélaga, sem haft
hefðu fræðsluskrifstofu. Árni Grét-
ar Finnsson taldi fulla þörf á þrem-
ur fræðsluskrifstofum í Reykjanes-
kjördæmi í stað einnar, sem lögin
mæltu fyrir um. Þyrftu þær að vera
í Kópavogi, í Hafnarfirði og í
Keflavík, og þjónaði sú sveitarfé-
lögunum á Suðurnesjum.
Kosningu fræðsluráðs
frestað
í beinu framhaldi af þessum um-
ræðum urðu allmikil orðaskipti
um skipan fræðsluráðs og tilhögun
kosningar til þess. Árni Grétar
Finnsson, bæjarfulltrúi, kvaðst
ekki vilja una því fyrir hönd 11000
Hafnfirðinga, að atkvæði kaup-
staðarins vægi ekki þyngra en at-
Jóhann Ejnvarðsson, lormaSur SASlR.
kvæði tveggja 200 íbúa hreppsfé-
laga. „Fámennu hreppsfélögin geta
ekki vænzt þess að halda fullu jafn-
rétti við fjölmennustu sveitarfélög-
in í mikilvægum kosningum, ef
landshlutasamtökin fá í hendur
völd og stjórnsýsluverkefni," sagði
Árni Grétar Finnsson.
Haukur Helgason, bæjarfulltrúi,
lagði áherzlu á, að taka verði tillit
til bæði mismunandi íbúafjölda
og mismunandi stjórnmálaviðhorfa,
ef samstarf eigi að haldast gott. á
vettvangi landshlutasamtakanna.
Niðurstaða þessara umræðna var
sú, að kosning fræðsluráðs var tek-
in af dagskrá fundarins, enda álið-
ið kvölds og viðstaddir 26 af 39
fulltrúum á fundinum, þegar um-
ræðu um þetta mál lauk.
Athugun á stöðu
sjávarútvegs
Helgi Þórðarson, verkfr., og
Hannes Valdimarsson, verkfr.,
fluttu á fundinum erindi um stöðu
sjávarútvegs í umdæminu. Sérstak-
lega tóku þeir til meðferðar Sand-
gerði, hafnaraðstöðu þar og útgerð.
Lýstu þeir fiskvinnslufyrirtækjum,
vinnslugreinum, afurðum og verð-
mæti, en þeir hafa gert á vegum
samtakanna eins konar úttekt á
stöðu sjávarútvegsins i umdæminu.
Könnun skólamála
Helgi Jónasson, fræðslustjóri í
Hafnarfirði, gerði grein fyrir niður-
stöðum könnunar, sem hann hefur
gert ásamt Þórhannesi Axelssyni á
stöðu skólamála í umdæminu.
Könnun þessi tekur til 18 skóla á
svæðinu og sýnir m. a. hvernig hús-
næði einstakir skólar búa við, mið-
að við nemendafjölda og viður-
kennd norm. Lagt var fram yfir-
lit, er sýnir, að margir skólar um-
dæmisins búa við mjög þröngt hús-
næði.
Málefni aldraðra
Þórhannes Axelsson og Þór Hall-
dórsson, yfirlæknir á Sólvangi í
Hafnarfirði, lýstu niðurstöðum
rannsóknar, sem þeir hafa gert á
högum aldraðra í Reykjanesum-
dæmi. Auk þeirra er starfandi á
vegum samtakanna fimm manna
nefnd, sem á að gera tillögur um
þjónustu við aldraða á svæðinu.
Könnun þessi er gerð til undir-
búnings slíkri tillögugerð.
SVEITARSTJÓRNARMÁL