Sveitarstjórnarmál - 01.10.1993, Page 10

KYNNING SVEITARFÉLAGA
í Reynisfjalli er mikið af
lunda og fýl en lundann
veiða heimamenn nokkuð í
háf. Seinni hluta ágústmán-
aðar og í byrjun september
er nokkuð gert að því að
veiða fýl, það er ungann.
Hann er reyttur og sviðinn
og ýmist borðaður nýr eða
saltaður. Fýll er sérstakur
matur og eru fáir aðrir staðir
á landinu sem nýta sér hann
í nokkrum mæli til matar.
A Dyrhólaey er nokkuð um
lunda, kríu, svartfugl, fýl og
æðarfugl auk mófugla.
Skúmurinn verpir aðallega
á tveimur stöðum á landinu,
þ.e. á Skeiðarársandi og á
Mýrdalssandi, og fjölgar
honum þar ört.
Börnin á leikskólanum í Suður-Vík í útgerðarleik. Ljósm. Hafsteinn Jóhannesson.
og Reynisdranga sunnan undir Reynisfjalli en þeir heita
Skessudrangur, Landdrangur og Langhamar. Hafursey
og Hjörleifshöfði (á Mýrdalssandi) og Dyrhólaey og
Pétursey (í vestur Mýrdal) eru stakir móbergshöfðar og
landfastir, þótt nafngiftir þeirra og lega bendi til þess að
fyrr hafi þeir allir verið umflotnir sjó.
Katla
Ein virkasta eldstöð á Islandi er Katla í Mýrdalsjökli.
Hefur hún að jafnaði gosið á 60 ára fresti, síðast 1918
en þó tala vísindamenn nú um að líklega hafi orðið
smágos í Kötlu árið 1955 sem ekki hafi komist upp úr
jöklinum. Gos í Kötlu hafa jafnan valdið miklum skaða
á náttúru og dýralífi. Sárafá tilfelli eru þekkt þar sem
mannskaði hefur orðið af völdum Kötlugosa þótt oft
hafi þar látið nærri. Mjög fullkomið skipulag er til hjá
Almannavömum í hreppnum um viðbrögð við Kötlu-
gosi ef til þess kentur. Auk þessara náttúruvætta eru
margir aðrir þekktir og athyglisverðir staðir sem vert
væri að nefna og margar sögur eru til sem tengjast öll-
um þessum stöðum, margar hverjar bráðskemmtilegar.
Fuglalíf
Fuglalíf er nokkuð sérstakt í héraðinu. I Vík er eitt
stærsta kríuvarp á landinu og verpir krían inni í miðju
iðnaðarhverfi í Vík. Er hún þeim. er þar starfa, oft til
ama, sérstaklega þegar unginn er að koma úr eggjunum.
Góö ræktunarskil-
yröi
Mýrdalurinn er fyrst og
fremst landbúnaðarhérað
með hefðbundinn búskap,
þ.e. sauðfé og nautgripi.
Hin seinni ár hefur garðrækt þó aukist mikið. Hér er
meðalhiti hvað hæstur á landinu, það vorar snemma,
tveim til þrem vikum fyrr en í Reykjavík, og haustið
kemur yfirleitt seint. Þessar aðstæður gefa bændum
tækifæri til að taka upp kál, gulrófur, gulrætur og annað
útiræktað grænmeti allt fram í október/nóvember eða
jafnvel fram í desember. í Vík eru fyrst og fremst störf
er lúta að þjónustu og iðnaði.
Feróaþjónusta
Þjónusta við ferðamenn hefur farið mjög vaxandi í
hreppnum. Á síðustu áruin hefur orðið mikil uppbygg-
ing í ferðaþjónustu bænda, bæði í gistingu og afþrey-
ingu ýmiss konar. Margar skemmtilegar gönguleiðir
eru í hreppnum og útsýnissiglingar með hjólabátum eru
ógleymanleg ævintýri.
I Vík er öll almenn opinber þjónusta, bankar, sýslu-
maður með skrifstofu, Rafmagnsveitur ríkisins með
starfsmann, póst- og símstöð, Vegagerð ríkisins með
áhaldahús, heilsugæslustöð með lækni og hjúkrunar-
fræðing og í Vík er aðsetur sóknarprests en hann þjónar
þrem kirkjum. Ennfremur er hér ýmis önnur þjónusta í
boði, svo sem verslanir, bílaverkstæði, byggingarfyrir-
tæki, sokkaverksmiðja og ullariðnaður, flutningafyrir-
tæki og þungavinnuvélar, svo nokkuð sé nefnt.
256