Sveitarstjórnarmál - 01.10.1993, Síða 41

FRÁ LANDSHLUTASAMTÖKUNUM
Ársþing SSNV
haldið á Siglufirði 27. og 28. ágúst
Ársþing Sambands sveitarfélaga á
Norðurlandi vestra (SSNV) var
haldið að Hótel Læk á Siglufirði 27.
og 28. ágúst sl.
Formaður stjórnar SSNV, Björn
Sigurbjörnsson, formaður bæjarráðs
á Sauðárkróki, setti þingið og flutti
skýrslu stjórnarinnar. í henni kom
fram að helstu mál, sem stjórnin
hefði haft afskipti af, væru sameining
sveitarfélaga og framhaldsmenntun
á Norðurlandi vestra og að þau yrðu
jafnframt helstu umræðuefni þings-
ins.
Forseti þingsins var kosinn Skarp-
héðinn Guðmundsson, bæjarfulltrúi
á Siglufirði, og varaforseti Þorsteinn
Ásgrímsson, oddviti Staðarhrepps í
Skagafirði, en þingritarar Ólöf
Kristjánsdóttir, bæjarfulltrúi á Siglu-
firði, og Örn Þórarinsson, oddviti
Fljótahrepps. Ráðinn þingritari var
Hinrik Aðalsteinsson, kennari á
Siglufirði.
Á þinginu störfuðu þrjár nefndir,
kjörnefnd, allsherjarnefnd og fjár-
hags- og laganefnd.
Ávarp gesta
Vilhjálmur Þ. Vilhjálmsson, for-
maður Sambands íslenskra sveitarfé-
laga, flutti á þinginu ávarp og ræddi
í því nt.a. tilfærslu grunnskólans frá
ríki til sveitarfélaga og breytingar á
tekjuskiptingu milli ríkis og sveitar-
félaga eftir niðurfellingu aðstöðu-
gjaldsins.
Jónína Óskarsdóttir, bæjarfulltrúi
á Ólafsfirði, flutti kveðjur stjórnar
EYÞINGS og Hjörtur Þórarinsson,
framkvæmdastjóri SASS, kveðjur
þess. Kveðjur bárust frá öðrum
landshlutasamtökum.
Sameining sveitarfélaga
Björn Sigurbjömsson, formaður
umdæmanefndar SSNV. hafði fram-
sögu um sameiningu sveitarfélaga og
kynnti tillögur umdæmanefndar, sem
stefna að fækkun sveitarfélaganna í
umdæminu úr 30 í 5. Taldi Björn þær
tillögur styrkja mjög stöðu sveitarfé-
laganna og gera þau hagkvæmari
rekstrareiningar.
Jóhanna Sigurðardóttir félags-
málaráðherra ræddi einnig samein-
ingu sveitarfélaga. Taldi hún ástæðu
til að flytja frá ríki til sveitarfélaga
verkefni svo sem grunnskólann,
heilsugæslu, málefni fatlaðra, öldr-
unarþjónustu og fleiri, t.a.m. um-
hverfismál og húsnæðismál. Komi til
sameiningar fengju sveitarfélögin
samkvæmt samningum við ríkið
tekjustofna er svöruðu til nýrra
verkefna og jöfnunarsjóður yrði að
koma hinum veikburða sveitarfélög-
um til aðstoðar. Með því að setja á
stofn reynslusveitarfélög, eins og
fyrirhugað væri, mætti fá reynslu
sem hagnýtt yrði við tilfærslu verk-
efna frá ríki til sveitarfélaga.
Vilhjálmur Þ. Vilhjálmsson taldi
eflingu sveitarfélaganna eitt stærsta
og mesta landsbyggðarmálið.
Reynslan sýndi að samstarf sveitar-
félaga, sem þó væri af hinu góða,
gæti ekki komið í staðinn fyrir sam-
einingu.
Framhaldsmenntun á Noröur-
landi vestra
Annað meginmál þingsins var
framhaldsmenntun á Norðurlandi
vestra. Um það efni hafði framsögu
Jón Hjartarson, skólameistari Fjöl-
brautaskóla Norðurlands vestra á
Sauðárkróki. Hann skýrði m.a. frá
því að í skólanum yrðu í vetur um
460 nemendur, á Blönduósi yrðu 25
nemendur í framhaldsdeild, á Siglu-
firði lykju 8 vélstjóranámi um ára-
mót og 18 nemendur yrðu á sjúkra-
liðabraut. Taldi hann það mikið
byggðamál að hafa framhaldsmennt-
unina sem allra mest innan umdæm-
isins.
Ársæll Guðmundsson, skipulags-
stjóri Farskóla Norðurlands vestra,
lýsti skólanum. Kvað hann farskóla
vera skipulagt námskeiðahald fyrir
fullorðna sem fram færi á vegum til-
tekins framhaldsskóla.
Stofnaðilar Farskólans eru Fjöl-
brautaskóli Norðurlands vestra, hér-
aðsnefnd V-Húnvetninga, héraðs-
nefnd A-Húnvetninga, héraðsnefnd
S kagafj arðar, S iglufj arðarkaupstað-
ur, INNVEST, þ.e. Iðnþróunarfélag
Norðurlands vestra, og MFA, þ.e.
Menningar- og fræðslunefnd alþýðu.
Fræóslustarfsemi í kjölfar
sveitarstjórnarkosninga
Að tillögu allsherjarnefndar
þingsins var samþykkt að fela stjórn
SSNV að hlutast til um að haldin
287