Sveitarstjórnarmál - 01.10.1993, Blaðsíða 50
ÍÞRÓTTIR OG ÚTIVIST
staður vestan við íþróttahúsið.
A teikningum er gert ráð fyrir að
húsið verði tengt við skólann með
gangi með sama hætti og núverandi
gangur skólans tengir kennsluálmu
við heimavistarálmu.
Fyrsta skóflustungan - verktakar
Fyrsta skóflustungan að húsinu var
tekin 4. október 1990. Leitað var til-
boða í flesta verkþætti eftir því sem
byggingu hússins miðaði. Verktakar
við það voru því margir. Halldór Ein-
arsson, húsasmíðameistari í Hafnar-
firði, smíðaði sökkla og sá um aðra
steypuvinnu við húsið. Jarðvinnu
önnuðust Ræktunarfélag Hruna-
manna með jarðýtu og Vignir Svav-
arsson með skurðgröfu. Vörubílaeig-
endur í sveitinni önnuðust akstur á
fyllingarefni í grunn. Hreiðar Her-
mannsson, byggingameistari á Sel-
fossi, sá um uppsetningu á húsinu
sjálfu, það er límtrésrömmunum og
einingunum á þær, og gerði húsið
fokhelt nema útbyggingu og lágbygg-
ingu að norðanverðu. Trésmíðameist-
ararnir Guðmundur Magnússon,
Smári Vignisson og Þröstur Jónsson
sáu um smíði á lágbyggingu og vest-
urálmu svo og Helgi Guðmundsson á
lokasprettinum. Viðar Magnússon
pípulagningameistari annaðist pípu-
lögn, Rafn Thorarensen múrarameist-
ari múrverk og Rafsel hf. sá um raf-
lögn. Blikk og Stál hf. sá um
loftræstikerfi hússins, en heimantað-
ur, Skúli Guðmundsson blikksmiður
í Hvammi, sá um alla vinnu á bygg-
ingarstað. Árvirkinn hf. á Selfossi
annaðist raflagnir í steypu. Málning-
arþjónustan sá um málningarvinnu.
Á gólfí fþróttasalarins er parket með
tilheyrandi tvöfaldri grind keypt hjá
Agli Árnasyni hf. en gólfefni á böðum
og búningsaðstöðu eru frá Gólf hf.
Dúkalögn annaðist Oddur B. Gríms-
son dúklagningameistari. Selós hf.
smíðaði allar hurðir og aðrar innrétt-
ingar. Vélsmiðja Bjarna Harðarsonar
smíðaði festingar úr járni undir bekki
og fatahengi og hannaði og smíðaði
festingar fyrir allar körfur í húsinu, og
eru það mikil snilldarvinnubrögð og
miklum mun ódýrari heldur en að
kaupa slíkar festingar innfluttar hjá
umboðsaðila.
Á byggingartímanum kom upp sú
hugmynd að leysa vandamál sveitar-
félagsins varðandi leikskólahúsnæði í
þessari byggingu og var ákveðið að
svo yrði gert. Steypt plata er yfir
búnings- og baðaðstöðu, 260 nf að
flatarmáli. Þar var ákveðið að leik-
skóli skyldi fá húsnæði. Gert var gott
skilrúm milli salar í íþróttahúsi og
leikskóla og milliloft yfir leikskóla-
rýminu, bæði til að gera leikskólann
skemmtilegri og einnig til að fá 90 m2
sal sem nýtist vel sem áhorfendasvæði
auk annarra nota sem upp kunna að
koma.
Iþróttatæki, s.s. handboltamörk,
dýnur, hestar, rimlar og kaðlar, eru
annars keypt hjá Ágústi Oskarssyni
hf.
Stærö hússins
Salur hússins er 538 m2 að stærð,
búningsaðstaðan er 260 m2, forstofan
150 m2, leikskólarými með forstofu er
urn 240 m2, annað rými á annarri hæð
ca 40 nf. Þá er þriðja hæðin ca 90 nf,
eins og áður greinir. Þannig er heild-
argólfflötur hússins 1318 m2.
Byggingarkostnaður
Kostnaðaráætlun hússins var upp-
haflega 65 millj. króna sem þýðir
framreiknað nálægt 75 milljónunt
króna, en húsið kostar fullbúið um 85
milljónir. Nokkrar breytingar voru
gerðar á byggingartímanum, m.a. var
ákveðið að innrétta fyrir leikskóla
sem ekki var gert ráð fyrir í upphaf-
legri áætlun og verður að taka tillit til
þess.
Miðað við 85 milljónir kostar hver
fermetri á gólfi kr. 65.400,-. Sam-
kvæmt áðurnefndum normtölum og
nýlegum upplýsingum frá Jöfnunar-
sjóði sveitarfélaga er gert ráð fyrir
kostnaði um kr. 80.000,- á nf og eitt-
hvað hærri í leikskóla og getum við
því unað allvel við árangurinn hvað
hagkvæmni í byggingu varðar. Inn í
þessar tölur er í báðurn tilfellum
reiknaður lágmarksútbúnaður vegna
íþróttatækja. Samkvæmt reglum jöfn-
unarsjóðs tekur sjóðurinn ekki þátt í
kostnaði vegna íþróttaaðstöðu í sveit-
arfélagi af okkar stærð nema sem
svarar 756 m2. Umframstærð ber
sveitarfélagið eitt en af þessum 756
fermetrum greiðir sjóðurinn 40%
samkvæmt normum sínum. Leik-
skólarýmið er hins vegar innan þeirra
stærðarmarka, sem við eigum rétt á,
og mun því sjóðurinn greiða að fullu
40% af normum fyrir hvern m2.
Auk fjármagns frá sveitarfélaginu
hefur fé borist húsinu frá Ungmenna-
félagi Hrunamanna, kr. 1.000.000,-,
frá Kvenfélagi Hrunamannahrepps og
ágóði af basar og tveimur hlutavelt-
um, sem börn héldu til styrktar bygg-
ingunni, samtals kr. 238 þús. kr.
Stigatafla á vegg er gjöf til hússins frá
Flúðasveppum. Auk þessa var unnin
allmikil sjálfboðavinna við steinrif og
grunnun undir málningu.
Jöfnunarsjóður sveitarfélaga hefur
greitt kr. 16.940.000,- en á ógreiddar
um 15 milljónir. Vantar ekki nema
lítið á að framlag jöfnunarsjóðs í
heildarbyggingarkostnaði nemi 40%
en eigi að síður er hlutur hreppsins
yfir 50 milljónir kr.
Ég vil geta þess að forsendan fyrir
því að þetta hús er risið er breytt
verkaskipting ríkis og sveitarfélaga.
Fyrst er að telja að alveg er óvíst hvort
byggingin hefði komist á fjárlög
gegnum fjárveitinganefnd þá - og
kannski ekki síður hagnaðist okkar
sveitarfélag verulega á breytingunni.
Við höfum alla tíð haft ntjög lágar
meðaltekjur á íbúa og fyrir verka-
skipti stóð jöfnunarsjóður varla undir
nafni því megnið af greiðslum úr
honum fór eftir höfðatölureglu þannig
að sterk og tekjuhá sveitarfélög eins
og Reykjavíkurborg fengu mest.
Tekjujöfnunarframlög voru á hinn
bóginn skert þannig að síðasta árið
fyrir breytinguna voru aðeins greidd
rúm 20% af þörfinni. Nú er tekju-
jöfnunin hins vegar greidd að fullu
sem þýðir í okkar tilfelli yfir kr.
20.000,- á hvern íbúa, heildargreiðsla
kr. 13 milljónir.
Ég veit að nýja íþróttahúsið á eftir
að verða lyftistöng íþróttaiðkun og
heilbrigðu félagslífi í sveitinni og í
mínum huga ber að stefna að stækkun
hússins sem allra fyrst, helst innan
fárra ára. Þá vænti ég þess að leik-
skólinn megi efla þroska barna okkar
og standa vörð um það uppeldislega
hlutverk sent honum er ætlað.
296