Sveitarstjórnarmál - 01.10.1997, Blaðsíða 14

HEIÐURSBORGARAR
Guðmundur Magnússon
heiðursborgari Egilsstaðabæjar
Á hátíðarfundi bæjarstjómar Eg-
ilsstaða hinn 8. júlí sl. var Guð-
mundur Magnússon, fyrrverandi
sveitarstjóri, kjörinn heiðursborgari
Egilsstaðabæjar, en þá var þess
minnst að 50 ár voru frá því að
fyrsta hreppsnefndin kom saman,
eins og frá er skýrt annars staðar í
þessu tölublaði.
Guðmundur Magnússon er fædd-
ur 6. desember 1922 að Hjartarstöð-
um í Eiðaþinghá, og voru foreldrar
hans hjónin Olöf Guðmundsdóttir
og Magnús Sigurðsson er var odd-
viti Eiðahrepps um skeið.
Guðmundur réðst sem kennari að
barnaskólanum á Egilsstöðum árið
1951 og kenndi þar samfellt í 20 ár.
Hann var fyrst kosinn í sveitarstjóm
árið 1954 og ruddi brautina fyrir
fjölda kennara, sem áttu eftir að
koma að sveitarstjóm á Egilsstöðum.
Þetta var upphaf að 30 ára giftu-
samlegum ferli hans sem sveitar-
stjórnarmanns, fyrst í hreppsnefnd
og síðar sent fyrsti sveitarstjóri Eg-
ilsstaðahrepps.
Guðmundur var oddviti frá 1966
til 1974 og sveitarstjóri á árunum
1972 til 1985.
Hann starfaði sem formaður í
stjóm Hitaveitu Egilsstaða og Fella
allt frá upphafi 1979 fram til 1994
er hann lét af störfum að eigin ósk.
I sögu Egilsstaða, „Frá býli til
bæjar“, er Guðmundur kallaður full-
trúi þjónustu og þéttbýlisbúa. Hann
reyndist fulltrúi allra stétta um lang-
an tíma. Hann var sæmdur heiðurs-
merki Egilsstaðabæjar á 40 ára af-
ntæli hans fyrir störf að sveitar-
stjómarmálum.
Guðmundur gegndi fjölda trúnað-
arstarfa fyrir sveitarfélagið og sveit-
arfélögin á Austurlandi og hvar-
vetna starfaði hann af samviskusemi
og trúmennsku.
Guðmundur er þriðji heiðursborg-
ari Egilsstaða. Fyrsti heiðursborgar-
inn var Sveinn Jónsson, fyrsti odd-
viti Egilsstaðahrepps, og 1994 var
Sigríður Fanney Jónsdóttir, kona
hans, gerð að heiðursborgara á 100
ára afmæli hennar, en hún er jafn-
framt elsti borgari bæjarins.
BÆKUR OG RIT
Egilsstaðabók -
Hinn 24. maí sl. voru liðin 50 ár
frá því að samþykkt voru á Alþingi
„lög um Egilsstaðakauptún í Suður-
Múlasýslu", eins og frumvarpið
kallaðist í meðförum Alþingis. Af
þessu tilefni kom út þennan dag Eg-
ilsslaðabók -frá býli til bœjar, sem
er saga Egilsstaðahrepps, Egils-
staðabæjar og þess þéttbýlis sem
myndaðist í landi Egilsstaða á Völl-
um á seinni hluta aldarinnar.
Egilsstaðabók er rétt um 500 síð-
ur og hana prýða á 6. hundrað ljós-
myndir bæði svarthvítar og í lit.
Bókin skiptist í 20 kafla. Fyrstu
fimm kaflamir fjalla um aðdragand-
ann að myndun þéttbýlisins og
stofnun Egilsstaðahrepps. Næstu 14
frá býli til bæjar
kaflar fjalla um afmörkuð svið
Egilsstaðasögunnar, s.s. atvinnulíf,
fyrirtæki, félög og stofnanir. Ástæða
er til að nefna að um bifreiðina í
sögu Egilsstaða og ræktun garða og
trjáa á Egilsstöðum er fjallað í sér-
stökum köflum. í 20. kafla bókar-
innar, sem jafnframt er sá lengsti og
ber yfirskriftina Ar og dagar í lífi
Egilsstaða, er brugðið upp ýmsum
myndum úr hálfrar aldar mannlífs-
sögu á Egilsstöðum. Sérstök áhersla
er þar lögð á fyrstu 10 árin og þátt
frumbyggjanna.
Ritstjóri Egilsstaðabókar er Bjöm
Vigfússon. Á þriðja tug höfunda
auk ritstjóra á texta í bókinni - allt
frá einnar síðu innskoti upp í veiga-
miklar umfjallanir. Af þessum höf-
undum má nefna Þorstein P. Gúst-
afsson, Vilhjálm Hjálmarsson, Sig-
urð Blöndal, Olöfu M. Guðmunds-
dóttur, Jón Kristjánsson, Guðrúnu
Maríu Kristinsdóttur, Sigurjón Jón-
asson og séra Vigfús Ingvar Ingv-
arsson. Söfnun mynda og gerð
myndatexta var að mestu í höndum
Amdísar Þorvaldsdóttur. Sögunefnd
Egilsstaða sá um útgáfuna í umboði
bæjarstjórnar. Sögunefndina skipa
Ólöf M. Guðmundsdóttir, Ármann
Halldórsson og Arndís Þorvalds-
dóttir.
Egilsstaðabók -frá býli til bœjar
kostar 4500 krónur og fæst keypt
hjá Kaupfélagi Héraðsbúa, Bóka-
búðinni Hlöðum í Fellabæ og á
skrifstofu Egilsstaðabæjar. Lítið
upplag er brátt á þrotum.
204