Sveitarstjórnarmál - 01.10.1997, Blaðsíða 36

FÉLAGSMÁL
MINNINGARORÐ
allmörg minni sveitarfélög samein-
ast um félagsþjónustu og er sú leið
skynsamleg ef menn hyggja ekki á
sameiningu sveitarfélaga.
Að lokum eru hér kynnt markmið
um félagsþjónustu og barnavernd
sem verðugt er að stefna að á lands-
byggðinni:
1. Að raunhæf félagsþjónusta og
bamavemd verði veitt í nálægð við
fjölskyldur og öflugt bamavemdar-
starf verði í öllum landshlutum.
2. Að fjölskyldur og einstaklingar
þurfi ekki að leita til margra aðila
vegna félagslegra eða sálrænna erf-
iðleika.
3. Að félagsþjónustan og barna-
vemdarstarf verði skipulagt svæðis-
bundið með þátttöku a.m.k. 800 -
1000 manna samfélaga með það
fyrir augum að starfsmaður verði
ráðinn.
4. Að starfsmenn hafi menntun og
reynslu til að skipuleggja og veita
félagslega þjónustu.
Heimildir:
Frumvarp til laga um félagsþjónustu sveit-
arfélaga lagt fyrir Alþingi 1990-1991.
Gísli Agúst Gunnlaugsson: Omagar og ut-
angarðsfólk, Fátækramál Reykjavíkur,
1786-1907. Reykjavík: Sögufélag,
1982.
Jón Jóhannesson: íslendingasaga, I. Þjóð-
veldisöld, Almenna bókafélagið, 1956.
Jónas Guðmundsson: „Fátækraframfærslan
á Islandi" í Félagsmál á íslandi, ritstj.:
Jón Blöndal, félagsmálaráðuneytið,
Reykjavík 1942.
Könnun á framkvæmd félagsþjónustu
sveitarfélaganna. Obirtar niðurstöður, fé-
lagsmálaráðuneytið, nóv. 1996.
Sveitarsjóðareikningar, Hagstofan,
1992-1995.
Sveinn Ragnarsson: „Félagsleg þjónusta
undanfarið og framundan. Yfirlit um
þróun og horfur“ í Félagsleg þjónusta
undanfarið og framundan, Samband ís-
lenskra sveitarfélaga, 1985.
Þórir Þorgeirsson, oddviti
Laugardalshrepps
Þórir Þorgeirsson,
oddviti Laugardals-
hrepps, varð bráð-
kvaddur á heimili
sínu að Reykjum á
Laugarvatni hinn
25. júní sl. Útför
hans var gerð frá
Skálholtskirkju 4.
júlí en hann var
jarðaður á Laugar-
vatni. Þórir hafði átt
sæti í hreppsnefnd
frá árinu 1970 og
verið oddviti sama
tíma eða í 27 ár.
Hann var nær átt-
ræður er hann féll frá og var þá elst-
ur starfandi oddvita á landinu.
Þórir var fæddur á Hlemmiskeiði
á Skeiðum 14. júlí árið 1917 og átti
sjö systkini. Hann lauk prófi frá
Héraðsskólanum á Laugarvatni
1938, íþróttakennaraprófi frá
Iþróttaskóla Björns Jakobssonar á
Laugarvatni 1941 og stundaði síðar
framhaldsnám í íþróttafræðum í
Danmörku, Noregi og í Svíþjóð.
Hann var kennari við Héraðsskól-
ann á Laugarvatni 1941-1943 og
jafnframt stundakennari við barna-
skólann þar, 1941-1948, Hússtjóm-
arskóla Suðurlands, 1943-1949,
Menntaskólann að Laugarvatni,
1953-1969, íþróttaskóla Bjöms Jak-
obssonar, 1941-1943, og íþrótta-
kennaraskóla íslands á Laugarvatni
frá 1943 til 1983 er hann lét af
kennslu.
Þórir tók sæti í hreppsnefnd
Laugardalshrepps árið 1970 og varð
þá þegar oddviti. Því embætti
gegndi hann til dauðadags eða sam-
tals í 27 ár, eins og áður segir. Hann
var fulltrúi hreppsins í sýslunefnd
Ámessýslu frá árinu 1978 til 1988
og í framhaldi af því í héraðsnefnd
Árnesinga. Þá sat hann af hálfu
hreppsins í stjórn
Heilsugæslustöðvar-
innar í Laugarási,
sem hefur rekið
heilsugæslusel að
Laugarvatni frá ár-
inu 1986. Einnig var
hann í samstarfs-
nefnd hreppanna í
uppsveitum Árnes-
sýslu. Hann átti sæti
í skólanefndum
Hússtjórnarskóla
Suðurlands
1974-1986 og Hér-
aðsskólans á Laug-
arvatni 1978-1991.
Hann var hreppstjóri Laugardals-
hreppsfrá 1972 til 1987.
Áuk kennslustarfa á Laugarvatni
stundaði Þórir um langt árabil þjálf-
un og kennslu í sundi og öðrum
íþróttum víða urn land, þjálfaði og
stýrði íþróttafólki Héraðssambands-
ins Skarphéðins m.a. á landsmótum,
stjómaði glímusýningu á heimsmóti
skáta í París 1947, var í stjórn
Iþróttamiðstöðvar Iþróttasambands
íslands (ÍSÍ) á Laugarvatni frá
stofnun hennar. Hann var heiðursfé-
lagi Skarphéðins og Körfuknatt-
leikssambands Islands og var
sæntdur gullmerki ISI og Ung-
mennafélags íslands.
Eftirlifandi eiginkona Þóris er
Esther Kristinsdóttir íþróttakennari.
Þau eignuðust fimm börn sem nú
em uppkomin.
I 4. tbl. Sveitarstjórnarmála árið
1994 birtist ítarlegt samtal við Þóri
þar sem hann sagði frá starfí sínu að
málefnum Laugardalshrepps.
Hreppsnefnd Laugardalshrepps
hefur nú kosið Guðmund Rafnar
Valtýsson, skólastjóra gmnnskólans
á Laugarvatni, oddvita hreppsins.
226