SunnudagsMogginn - 19.08.2012, Page 31

19. ágúst 2012 31
Ína Ólöf Sigurðardóttir grunnskólakennari opnarmyndaalbúmið sitt að þessu sinni. Ína fæddist 15.október 1976 í Reykjavík en ólst upp í Mosfellsbæ.Hún útskrifaðist frá Kennaraháskóla Íslands árið
2005 og starfar nú sem grunnskólakennari við Lækjarskóla
í Hafnarfirði.
Á menntaskólaárunum kynntist hún Árna Sigurðarsyni
eiginmanni sínum og hafa þau verið saman í 18 ár. Fyrir
tveimur árum greindist hann með heilaæxli og hefur fjöl-
skyldan staðið í baráttu við sjúkdóminn síðan. Það sem
hefur hjálpað henni í ferlinu er meðal annars að fara út að
hlaupa. Í fyrra hljóp hún 10 km í Reykjavíkurmaraþoninu
ásamt góðum vini þeirra hjóna, Ingva Snæ Einarssyni. Þau
hlupu til styrktar KRAFTI sem er stuðningsfélag fyrir ungt
fólk sem greinst hefur með krabbamein.
Í júlí sl. greindist Árni með fjórða heilaæxlið og ákváðu
vinir, ættingjar og vinnufélagar að hlaupa/skokka/ganga
saman 10 km í Reykjavíkurmaraþoninu honum til heiðurs.
Hópurinn safnar áheitum fyrir KRAFT og hefur söfnunin
farið vel af stað. Þessi sameining hefur gefið hópnum ótrú-
lega mikinn kraft og finnst öllum gott að fá að vera með og
leggja sitt af mörkum. Ína trúir því og treystir að bjartari
tímar séu framundan og þetta framtak veiti Árna og öllu
þeirra fólki styrk í baráttunni. Þeim sem vilja leggja hópn-
um lið í söfnuninni er bent á að fara inn á hlaupastyrk.is –
Áfram Árni og er áheitanúmer hópsins 2454.
Ína Ólöf á sínum yngri árum. Ína er hér ásamt bræðrum sínum.
Um síðustu jól gat fjölskyldan ekki verið saman þar
sem Árni þurfti að fara í skurðaðgerð í Bandaríkjunum.
Áfram KRAFTUR. Það er styrktarfélagið sem hópurinn hleypur fyrir.
Árni og dóttirin Selma Lind í Barcelona. Myndin
er tekin í júlí rétt áður en hann greinist aftur.
Hlaupið
hjálpar
Ína Ólöf Sigurðardóttir hleypur
í dag Reykjavíkurmaraþon til
styrktar KRAFTI.
Brúðkaupsdagurinn 7. ágúst 2004.
Hópurinn fór saman í fylkingu og kom Árna á óvart með yfirvofandi hlaupi.
Barcelona í sumar. Horft á úrslitaleikinn í sjónvarpinu: Spánn-Ítalía.
Feðgarnir Árni og Sigurður Bjarmi á góð-
um degi á milli meðferða.
Ína og Ingvi Snær vinur þeirra hjóna
en hann hljóp með henni í Reykja-
víkurmaraþoninu í fyrra.
Ína og Árni í brúðkaupsveislu góðra vina.
Myndaalbúmið
Árni og systkini hans. Þau systkinin eru einstaklega náin og
hafa reynst hvert öðru vel.