Morgunblaðið - Sunnudagur - 30.09.2012, Side 14

*Í stórborginni Stokkhólmi geta allir fundið eitthvað við sitt hæfi, börn og fullorðnir »16Ferðalög og flakk
H
ver hefur ekki talað um að fara í almennilega reisu út í
heim, jafnvel árum saman, en aldrei komið því í verk?
Fjórir tæplega þrítugir félagar; Einar Jóhannes Finn-
bogason, Gunnar Marteinsson, Sigurgeir Jónsson og
Heimir Orri Magnússon, voru í þeim hópi þangað til í sumar, að þeir
létu slag standa. Fóru í draumaferðina til Bandaríkjanna og flengdust
vítt og breitt í þrjár vikur, einkum á Kyrrahafsströndinni.
„Til að guggna örugglega ekki á þessu borguðum við flugið í nóv-
ember. Þá varð ekki aftur snúið. Það var síðan með ráðum gert að
fljúga utan um verslunarmannahelgina en þannig spöruðum við fimm-
tíu þúsund krónur hver,“ segir Einar Jóhannes hlæjandi.
Hann vinnur sjálfur á ferðaskrifstofu og var því búinn að búa til leið-
arlýsingu fyrir hópinn fyrirfram. Flogið var til Seattle þar sem þeir
tóku bílaleigubíl og var hann 4.900 km lífsreyndari þegar upp var stað-
ið. Fyrst var ekið til Portland, Oregon. „Það er enginn söluskattur í
Oregon, þannig að þar var verslað. Við fengum það reyndar allt í bakið
í tollinum,“ segir Einar og hlær aftur, eilítið beiskari hlátri.
Næst lá leiðin meðfram ströndinni til San Francisco og þaðan áfram
til Los Angeles, þar sem félagarnir leigðu sér íbúð í sex daga. Frá Los
Angeles var gert út, meðal annars til San Diego og Mexíkó. Því næst
var ekið til Arizona, að skoða Miklagljúfur og fleira, og loks til Las Ve-
gas í Nevada, þar sem hópurinn dvaldist í góðu yfirlæti yfir langa
helgi. Þaðan var flogið til New York, þar sem félagarnir spókuðu sig í
nokkra daga áður en haldið var heim.
„Þetta var ótrúleg upplifun og ferðin stóð algjörlega undir vænt-
ingum,“ segir Einar. „Hvað mig varðar bar San Francisco af; ótrúlega
virðuleg og menningarleg borg, þar sem útilokað er að láta sér leiðast.
Það var líka gaman að vera á fimm stjörnu hóteli í Vegas. Í þeirri borg
er allt til sölu. Það stakk mann stundum. Það gekk á ýmsu í Vegas en
best að láta ímyndunarafli lesenda það eftir,“ segir Einar og heyra má
glottið gegnum símann. Þeir heimsóttu líka Pebble Beach-golfvöllinn
fræga en það bíður betri tíma að taka hring – þangað til eftir lottó-
vinning! Þá stóð til að sjá David Beckham spyrna í Los Angeles en
kappinn var að heiman, að opna Ólympíuleikana í Lundúnum.
Einar segir allt annað andrúmsloft í Mexíkó en þar urðu félagarnir
meðal annars vitni að því að lögregla handtók mann og henti honum
upp á bílpall. „Okkur leið ekki vel í Mexíkó, fannst við ekki nægilega
öruggir, og ákváðum að drífa okkur aftur yfir til Bandaríkjanna.“
DRAUMAFERÐ UM BANDARÍKIN
Alveg ótrú-
leg upplifun
FJÓRIR FÉLAGAR LÉTU GAMLAN DRAUM RÆTAST.
Orri Páll Ormarsson orri@mbl.is* Það gekk áýmsu í Vegasen best að láta
ímyndunarafli
lesenda það eftir.
Sigurgeir fór alla leið
til að vera eins og inn-
fæddur í Mexíkó.
Boðið er upp á frítt
HIV-próf í þessari fata-
búð í San Francisco.
Glæpamaðurinn í Tijuana
kominn á pallinn hjá lögreglu.
Einar við
stjörnu Les-
lies Nielsens
í Holly-
wood.
Einar hress í
bragði í Central
Park í New York.
Félagar: Sig-
urgeir, Heimir,
Einar, Gunnar.
Öll NBA-
liðin saman
komin.
Þegar siglt er inn til Þórshafnar í Færeyjum er staðurinn ekki
ólíkur Hafnarfirði að sjá. Bærinn er í eins konar skel og milli
kletta, þar sem elstu húsin eru niðri við fjöru. Þaðan teygir
byggðin sig upp brekkurnar. Milli Færeyja og Íslands frá
Reyðarfirði er þetta sextán tíma stím. Þegar að eyjunum er
komið er farið Sundin svonefndu og þaðan inn til Þórshafnar.
Viðdvöl okkar í Færeyjum er fáeinir klukkutímar. Stundum
gefst þó tími til að rölta eitthvað upp í bæ og til dæmis á gömlu
húsin sem er sérstaklega vel við haldið. Stundum finnst mér
sem Færeyjar séu eins konar svipmynd af Íslandi eins og það
var fyrir kannski tíu til tuttugu árum.
Ríkharður Sverrisson, skipstjóri á ms. Dettifossi,
siglir reglulega til Þórshafnar.
Þórshöfn með stjórn-
arbyggingarnar á Þinga-
nesi áberandi í forgrunni.
Bær í skel milli kletta
Ríkharður
Sverrisson
skipstjóri.
PÓSTKORT FR
Á ÞÓRSHÖFN

Færeysk
hjón í þjóð-
búningum.