Morgunblaðið - Sunnudagur - 30.12.2012, Blaðsíða 51

30.12. 2012 MORGUNBLAÐIÐ SUNNUDAGUR 51
rnar um árið 2013?
Alls kyns tækifæri blasa við krabbanum á árinu sem nú fer í hönd og hann verður meira en til í að baða
sig í sviðsljósinu. Sjálfstraust krabbans verður með mesta móti og hann finnur til meiri bjartsýni gagn-
vart framtíðinni en gerst hefur í háa herrans tíð. Sársauki og missir liðins árs munu heyra sögunni til.
Ekki er ósennilegt að krabbinn hafi þurft að horfast í augu við djúpstæðan ótta á árinu sem er að líða
og fást við alls kyns fjölskyldumál. Það var að sjálfsögðu erfitt en færði krabbanum mikinn innri styrk
í kjölfarið. Nú er sá tími liðinn og við blasir ást, rómantík og sköpunargleði. Á næstunni er krabbanum
ætlað að nota tímann til þess að uppfylla sínar innstu hjartans þrár og gefa sér tíma fyrir allt það sem
hann hefur yndi af. Þannig verður lífið miklu ánægjulegra en það hefur verið um langt skeið. Depurðin
verður sem betur fer senn á undanhaldi. Hvað ástamálin varðar virðast miklar ástríður í spilunum inn-
an tíðar, eða allt það sem krabbinn hefur látið sig dreyma um síðastliðin tvö ár eða svo. Á sama tíma
þráir krabbinn meira öryggi tilfinningalega en nokkru sinni. Þess vegna verður hann að gæta þess að
treysta engum fyrir hjarta sínu nema þeim sem hægt er að stóla á.
21. JÚNÍ – 22. JÚLÍ
Krabbi
Nýtt ár ber með sér mikið umbreytingaskeið hjá ljóninu, framundan eru eins konar hamskipti. Það
mun útheimta talsvert mikla sjálfsskoðun og gaumgæfilega yfirferð á gamalgrónu hegðunar-
mynstri en slík fyrirhöfn mun á endanum borga sig. Ljónið er í þann mund að uppgötva hversu
kraftmikið það er og sterkt og fljótt að ná sér á strik aftur. Fjölskyldumál og sálræn mynstur sem
ljónið fékk í arf frá foreldrum sínum munu koma upp á yfirborðið á nýju ári og gera það sér betur
meðvitandi um neikvæða vana, sem um leið verður auðveldara að vinna bug á. Ljóninu er ætlað að
vakna og endurfæðast á árinu sem nú fer í hönd. Lánið mun leika við ljónið í félagslífinu og gera því
kleift að halda áfram að vera stórhuga, fram á mitt ár. Ljónið hefur sem betur fer orðið þeirrar gæfu
aðnjótandi að kynnast frábæru fólki á árinu sem er að líða, sem hefur hjálpað því til þess að ná tak-
marki sínu. Síðari hluta nýja ársins væri betra að það drægi sig örlítið í hlé og notaði tímann til þess
að láta sig dreyma og gera áætlanir því í upphafi þar næsta árs mun ljónið enn einu sinni venda sínu
kvæði í kross. Ljónið mun finna til mikillar þarfar fyrir að festa ráð sitt á nýju ári.
23. JÚLÍ – 22. ÁGÚST
Ljón
Miklar breytingar eru í vændum hjá meyjunni á nýju ári, ekki síst á hugarfari hennar. Samskipti og
nýjar námsleiðir munu gegna mikilvægu hlutverki og sú meyja sem tekur til við að tala opinberlega
eða fást við kennslu eða skriftir á nýja árinu verður eflaust hissa á því hversu mikill máttur mun felast í
orðum hennar. Leitin að aukinni þekkingu verður í fyrirrúmi og meyjan mun finna sig knúna til þess
að bæta við þekkingu sína og lappa upp á ferilskrána. Á vinnusviðinu bíður annaðhvort viðurkenning
eða ýmis fyrirheit, ekki síst fyrri hluta ársins. Síðari hluta ársins mun meyjan væntanlega hafa meiri
áhuga á því að blanda geði og kynnast nýju fólki en að koma afrakstri erfiðis síns á framfæri. Meyjan
kynnist hugsanlega ástríðufullu og stórbrotnu fólki á nýju ári sem verður hluti af lífi hennar í framtíð-
inni. Samskipti við systkini eða nána ættingja gætu reynst streituvaldandi og þá ríður á að meyjan
temji sér að setja öðrum mörk. Það á reyndar við á fleiri sviðum, svo meyjan ofgeri sér ekki. Fram-
undan er mikið annríki og meyjan verður umkringd fleira fólki en hún kemst yfir að umgangast. Hún
getur verið einræn að eðlisfari og þarf því að passa að draga sig stundum í hlé.
23. ÁGÚST – 22. SEPTEMBER
Meyja
Eins konar endurfæðing er í vændum hjá voginni á árinu sem nú fer í hönd, enda hefur hún fengið
sinn skerf af lexíum hvað varðar ástamál og skuldbindingar að undanförnu. Nú fær vogin tækifæri
til þess að sýna hvað hún hefur lært af reynslunni með því að fylgja hinni sönnu köllun sinni og
ástríðum. Vogin verður reiðubúin til þess að kafa eins djúpt og nauðsynlegt er til þess að skapa eitt-
hvað varanlegt. Hún sættir sig ekki við annað en sannleikann og hafnar öllu sem ekki hefur djúp-
stæða merkingu. Vogin mun gefa fjármálum sínum meiri gaum en áður og taka til við að gera fjár-
hagsáætlun sem gerir henni kleift að auka tekjur sínar án þess að slíta sér út. Nú er rétti tíminn til
þess að grynnka á skuldum eins og kostur er svo hún hafi eitthvað aukreitis þegar breytingar gera
vart við sig. Vogin mun leggja sig fram við að losna út úr samskiptamynstri sem einkennist af með-
virkni. Hún hefur lært að meta heilindi og sjálfstæði í samskiptum við aðra og mun ekki lengur falla
í þá gryfju að vera of indæl. Núna veit vogin hversu áríðandi það er að setja mörk í samskiptum og
gangast undir skuldbindingar án þess að hika. Háttvísi hennar og þokki falla þó aldrei úr gildi.
23. SEPTEMBER – 22. OKTÓBER
Vog
Árið sem nú fer í hönd er sérstaklega merkt sporðdrekanum, ef svo má að orði komast. Talan 13
táknar meðal annars endalok og í hans tilfelli á það við endalok alls í fari sporðdrekans og í lífi hans
sem ekki lengur þjónar tilgangi sínum. Ný dögun og endurfæðing er hins vegar ævinlega á næsta
leiti. Umbreyting, hamskipti, ástríður og kynhlutverk eru lykilorð nýs árs og sporðdrekinn fær
tækifæri til þess að rífa niður og byggja upp frá grunni. Nú er kominn tími til þess að svipta hulunni
af útsjónarsemi sinni og losa sig við sálrænan farangur sem hefur verið til trafala. Þær breytingar
og sú þróun sem er að verða á lífi sporðdrekans mun eiga sér stað á ógnarhraða og hvirfilvindurinn
sem hófst seint á árinu sem er að líða er engan veginn genginn niður. Ekki er ólíklegt að sporðdrek-
inn skipti um vinnu, flytji búferlum, hefji nýtt ástarsamband, slíti gömlu sambandi eða að kaflaskipti
verði í lífi hans á næstunni. Hann getur að minnsta kosti búist við að allt sem hann beinir orku sinni
að á þessu ári verði að einhverju varanlegu og fallegu. Árið framundan gæti hæglega orðið eitt and-
legasta og mest spennandi ár sem sporðdrekinn hefur upplifað í háa herrans tíð.
23. OKTÓBER – 21. NÓVEMBER
Sporðdreki
Hafi bogmanninn einhvern tímann langað til þess að taka sér langt frí mun sú löngun svo sann-
arlega gera vart við sig af meira krafti en nokkru sinni árið 2013. Bogmaðurinn hefur kannski lát-
ið sig dreyma um að hvíla sig á lífsgæðakapphlaupinu og annríkinu að undanförnu. Hvernig ætli
það væri annars að upplifa algera friðsæld, umkringdur náttúrunni eða bara búa á dýru hóteli
með 24 tíma herbergisþjónustu um tíma? Bogmaðurinn heldur áfram að hafa heppnina með sér í
gegnum samvinnu við aðra og náin sambönd njóta enn fremur blessunar. Ef bogmaðurinn er í
langtímasambandi á hann í vændum eftirminnileg tímamót fyrri hluta ársins. Einhleypi bogmað-
urinn fær hugsanlega stórkostlegt tækifæri og kemst loks í kynni við einhvern sem hann getur
litið upp til. Hvernig sem högum hans er háttað verður bogmaðurinn að minnsta kosti ekki ein-
mana á nýja árinu. Bogmaðurinn verður einstaklega úrræðagóður og enn sáttari við breytingar
en áður og þá á hann að nota tækifærið og sleppa takinu af öllu því sem ekki lengur þjónar hans
háleitasta markmiði. Honum gæti tæmst arfur alveg óvænt og þá væri ráð að losa sig við skuldir.
22. NÓVEMBER – 21. DESEMBER
Bogmaður
– FULLT HÚS ÆVINTÝRA
GLEÐILEGT
HLÝTT ÁR
Ellingsen óskar viðskiptavinum
og landsmönnum öllum gleðilegs
árs með þökkum fyrir viðskiptin
á liðnum árum.