Morgunblaðið - Sunnudagur - 30.12.2012, Síða 16

*Ferðalög og flakkSífellt fleiri Íslendingar kjósa að verja myrkustu mánuðum ársins í sól og yl eða á skíðum »18
Elsku fjölskylda og vinir! Ákvað að senda bara eitt jólakort í ár
og hér er það.
Fyrir utan krísuna á Spáni er jólastemning í Sevilla, jólabás-
ar og kórar á götum úti, sölumenn að selja grillaðar valhnetur,
sem er mjög týpískt hátíðarsnakk. Þá eru enn aðrir sem bjóða
upp á ferðir á kameldýrum sem þau yngstu nýta sér.
Við litla fjölskyldan tökum okkur frí í næstu viku og þá er
bara að njóta sín og bíða eftir vitringunum sem koma í skrúð-
göngu með karamellur hinn 5. janúar og skilja svo eftir pakka
handa okkur daginn eftir, 6. janúar.
Kærar kveðjur til ykkar allra og vonast til að hitta ykkur sem
fyrst! Elín Hrund Heiðarsdóttir
Elín Hrund með vinkonu sinni
Ágústu Björk Haarde sem heim-
sótti hana fyrir nokkrum vikum.
Beðið eftir vitringunum
PÓSTKORT F
RÁ SEVILLA
Fallegt er um að
litast í spænsku
borginni um
þessar mundir.
Elín Hrund ásamt eiginmanni sínum;
Angel Martín Bernal og syni þeirra
Darra. Elín hefur búið og starfað í
Sevilla í 13 ár en hún er viðskiptafræð-
ingur á sviði ferðamála að mennt.
H
jónin Hjalti S. Hjaltason og Valey Erlends-
dóttir, sem búa á Álftanesi, ákváðu að bregða
undir sig betri fætinum og dveljast erlendis yf-
ir hátíðirnar að þessu sinni ásamt börnum sín-
um þremur, Hildi Maríu, Hönnu Karítas og Nökkva Þór.
Stefndu þau skónum vestur um haf, nánar tiltekið til smá-
bæjarins Danbury í Norður-Karólínu.
„Okkur var boðið að koma út og vera í Norður-Karólínu
yfir hátíðarnar og þáðum við það boð. Enda gaman að
breyta til og prófa eitthvað nýtt,“ segir Hjalti. „Anna Lo-
uise Ásgeirsdóttir, systir Valeyjar, bauð okkur í ferðina og
var hún skipulögð í mars 2012. Við dveljumst hjá hjón-
unum Ásgeiri Ásgeirssyni, föður Önnu Louise, og Sandy
eða Söndru Diann Asgeirsson. Dóttir Sandy og eiginmaður
hennar ásamt eins árs dóttur þeirra eru einnig hjá þeim.“
Hvernig var að halda jól í smábæ í Norður-Karólínu?
„Þetta var frekar frábrugðið því sem maður þekkir,
töluvert afslappaðra og miklu minni áhersla á gjafir.
Börnin fá auðvitað gjafir, en það er ekki þetta brjálæði að
pakkarnir taki upp hálfa stofuna. Á aðfangadag fórum við
til Winston-Salem, sem er í um það bil 40 mínútna fjar-
lægð, og keyptum jólagjafir. Á aðfangadagskvöld var eld-
aður saltfiskur, svínakótilettur og pasta og börnin fengu
að opna eina gjöf. Á jóladag komu allir inn í stofu þegar
börnin vöknuðu, og byrjað var á því að skoða hvað jóla-
sveinninn, eða Santa Claus/St. Nicholas eins og hann heit-
ir hér, setti í jólasokka allra – líka þeirra fullorðnu. Hér
virðist miklu minna um formlegheit þegar það kemur að
jólum, það var ekki verið að klæða sig upp heldur bara
verið í þægilegum fötum.“
Hvernig er stemningin fyrir áramótin?
„Stemningin er góð fyrir áramótin. Hér er lítið um flug-
elda á svona tímamótum og líkt og með jólahaldið er
meira lagt upp úr því að fólk eyði tíma saman, borði góð-
an mat og ræði lífsins gagn og nauðsynjar. Almenningur
má ekki kaupa flugelda hér, en það eru einhverjar sýn-
ingar – sem eru þó ekkert í líkingu við dýrðina sem er
heima á miðnætti. Það kvöld er búið að bjóða fullorðna
hlutanum af hópnum hér að koma í áramótahóf á kaffihús
eða bar, sem verður fyrsta hóf staðarins sem er verið að
opna. Það er einmitt annað sem er frábrugðið því sem
maður venst heima, hófið byrjar kl. 20.30 og endar kl.
22.00.“
Saknið þið einhverra siða eða hefða að heiman?
„Nei, við getum ekki sagt það, það er ótrúlega gott,
sérstaklega með svona stóra fjölskyldu. Við vorum sex
sem fórum út saman, kjarnafjölskyldan og systir kon-
unnar, að hafa allt svona afslappað og rólegt. Sérstaklega
var gott að opna gjafirnar um morguninn.“
Hefur eitthvað annað skemmtilegt á daga ykkar drifið?
„Á jóladag var svo gott veður að við fórum í göngutúr
hérna í skóginum á bak við hús, þetta er algjör drauma-
heimur fyrir börnin! Eftir það fórum við í bíltúr og skoð-
uðum lamadýr og strúta, sem eru í girðingu hér rétt fyrir
ofan, um það bil fimm mínútur í bíl. Við fórum svo í lang-
an bíltúr og skoðuðum það sem er hér í næsta nágrenni.
Það var svo ótrúlega gott veður að stoppað var við Dan
River Company, sem er bátaleiga við ána Dan River, og
börnin fengu að hlaupa um og skoða ána og umhverfið.
Það var líka gaman að keyra um og skoða jólaskreyt-
ingarnar, sumir eru með svo mikið að þeir slá sjálfan
Griswold út, á meðan húsið á móti er kannski bara með
eina seríu, eða jafnvel ekki neitt.“
ERLENDIS UM JÓL OG ÁRAMÓT
Pakkarnir
taka ekki
hálfa stofuna
JÓLIN Í DANBURY, NORÐUR-KARÓLÍNU, ERU
TÖLUVERT FRÁBRUGÐIN JÓLUNUM Á
ÁLFTANESI. ÞAÐ ERU ÁRAMÓTIN LÍKA.
ÞESSU HAFA HJÓNIN HJALTI S. HJALTASON
OG VALEY ERLENDSDÓTTIR OG BÖRN
ÞEIRRA VERIÐ AÐ KYNNAST.
Orri Páll Ormarsson orri@mbl.is
Fjölskyldan í heimsókn hjá Dan River Company á jóladag. Nökkvi Þór, Valey, Hjalti, Hanna Karítas og Hildur María.
Húsið í Danbury sem fjölskyldan dvelst í yfir hátíðirnar.
Ekki ónýtt að rekast á lamadýr í bíltúrnum á jóladag. Krakkarnir
ásamt Önnu Louise frænku sinni.