Morgunblaðið - Sunnudagur - 30.12.2012, Blaðsíða 60

60 MORGUNBLAÐIÐ SUNNUDAGUR 30.12. 2012
Þýski landsliðsmaðurinn Marco Reus gekk til liðs viðsína menn í Dortmund síðastliðið sumar og hefur fariðá kostum. „Sína menn“ er hægt að kalla það, vegna
þess að Reus fæddist og ólst upp spölkorn frá leikvangi
Dortmund, hélt með félaginu frá barnsaldri og var með ung-
lingaliðinu.
Haustið 2005, þegar Reus var 16 ára, var hann orðinn
óþreyjufullur því leiðin inn í lið 17 ára og yngri var erfiðari
en hann vonaðist til. Þegar hann innti þjálfarann eftir því
hvers vegna hann fengi ekkert að spila fékk Reus hreinskilið
svar: hann væri of veikburða. Þetta varð unglingnum mikið
áfall. Hann mat stöðuna svo að ekki þýddi að bíða eftir tæki-
færi og bað föður sinn – sem var starfsmaður Dortmund –
að koma sér að hjá öðru félagi. Honum væri alveg sama
hvar; aðalatriðið væri að spila. Reus baðst lausnar frá Dort-
mund og fór til Rot Weiss Ahlen, smáliðs í þriðju efstu deild.
Ári síðar var Reus kominn í lið 19 ára og yngri hjá Ahlen
og ekki leið á löngu þar til hann komst í aðalliðið hjá Christi-
an Wück. Liðið komst upp um deild þann vetur. „Það var al-
veg sama hvað ég bað hann um, Reus gat allt – og gerði allt
á fullri ferð. Það er ekki endilega merki um snilli þó að leik-
maður plati fimm mótherja í 19 ára liðinu, en það er undra-
vert ef einhver gerir það á hámarkshraða.“
Óhjákvæmilegt var að Reus færi til sterkara liðs fljótlega.
Borussia Mönchengladbach hafði fylgst með honum margoft
og nældi í Reus sumarið 2009. Max Eberl, einn forkólfa
Gladbach, var sérstaklega hrifinn af tvennu í fari leikmanns-
ins: hann hélt boltanum aldrei lengur en nauðsyn krafði, auk
þess sem hann féll vel inn í liðsheildina; var harður af sér og
mjög agaður. Þessir eiginleikar gerðu það að verkum að
Reus tókst vel upp á fyrsta ári með Gladbach, var mjög góð-
ur næsta vetur og frábær haustið 2011, í upphafi þriðja tíma-
bilsins. Í byrjun janúar 2012 reiddi Dortmund fram rúmar 17
milljónir evra (tæpa þrjá milljarða króna) fyrir þennan gamla
liðsmann félagsins!
Það var eitt best geymda leyndarmál knattspyrnuheimsins
að Japaninn Shinji Kagawa færi til Manchester United sl.
sumar og Reus var hugsaður sem eftirmaður hans. „Hann
hefur verið besti maður liðsins í vetur – meira að segja betri
en Götze,“ sagði þýskur fótboltablaðamaður við Morg-
unblaðið á dögunum. Þetta þykir mikið hól í Þýskalandi.
Mario Götze er hálfgert undrabarn; aðeins tvítugur og þeir
félagar sannarlega framtíðarmenn Dortmund og landsliðsins.
Klopp þjálfari er ekki á flæðiskeri staddur. Pólska tríóið
hjá félaginu er mikilvægt; Robert Lewandowski, einn eftir-
sóttasti framherji Evrópu í dag, Jakub Blaszczykowski og
Lukasz Piszcek. markvörðurinn Roman Weidenfeller er
traustur og miðverðirnir hafa verið stórkostlegir í vetur. Þar
eru á ferð Serbinn Nevin Subotic og fyrirliðinn Mats Hum-
mels. Fleiri mætti auðvitað telja en bíður betri tíma.
Hummels er aðeins 24 ára, mikill leiðtogi og á þegar 23 A-
landsleiki að baki. Forráðamenn Bayern München naga sig
líklega í handarbökin nú, vegna þess að Hummels var samn-
ingsbundinn félaginu en komst ekki að, var lánaður til Dort-
mund 2009 og hikaði ekki þegar honum bauðst að semja til
nokkurra ára. Nú er Hummels lykilmaður í vörn Dortmund
og landsliðsins. Rólegur og yfirvegaður. Sumir ganga svo
langt að líkja honum við Franz „keisara“ Beckenbauer.
Leikmenn Dortmund eru, eins og segir í auglýsingunni:
Bara flottir!
BARA FLOTTIR
VALINN MAÐUR ER Í HVERJU RÚMI HJÁ DORTMUND. MARCO REUS FÓR FJALLA-
BAKSLEIÐ INN Í AÐALLIÐIÐ EN ER FREMSTUR MEÐAL JAFNINGJA Í VETUR. Roman Weidenfeller Lukasz Piszczek Mats Hummels Jakub Blaszczykowski
E
kki kemur á óvart að
Barcelona er uppáhaldslið
Jürgens Klopps, þjálfara
Þýskalandsmeistara Bo-
russia Dortmund. Í hans
sveit eru ekki jafnmargir listamenn
og í katalónska draumaliðinu, heildin
er engu að síður frábær og leik-
aðferðin ámóta.
Árangurinn er heldur ekkert slor:
Dortmund hefur orðið þýskur meist-
ari tvö ár í röð og sigraði örugglega í
D-riðli Meistaradeildarinnar í haust,
Dauðariðlinum sem svo var kallaður.
Manchester City, Real Madrid, Dort-
mund og Ajax drógust saman og ég
man að kliður fór um salinn þar sem
dregið var í Mónakó! Tvö fyrstnefndu
liðin voru talin sigurstranglegust en
Klopp og flokkur hans gáfu spámönn-
um langt nef.
Háþrýstingur er lykilorðið í leik-
aðferð Jürgens Klopps. Þegar lið
hans missir boltann í sókninni bakkar
það ekki heldur reynir strax að ná
boltanum aftur;
slíkt kann góðri
lukku að
stýra ef
mannskap-
urinn er
samheldinn
og Klopp
heldur því
fram að
gagnárás
af
þessu tagi sé besti „leikstjórnandi“
sem völ er á. Ekki síst þegar leik-
menn búa yfir miklum hraða eins og
raunin er hjá Dortmund, enda vill
þjálfarinn að leikmenn sæki bæði og
verjist mjög hratt. Bæði leikmenn
Real Madrid og Manchester City
áttu í miklum vandræðum þegar gula
og svarta fljóðbylgjan skall á þeim.
Dortmund-vélin er vel smurð, hver
og einn sinnir sínu hlutverki af
kostgæfni og þegar allt geng-
ur upp er unun á að
horfa en kvöl að
glíma við.
Þegar hópurinn verst saman á
fullri ferð næst oft að þröngva and-
stæð-
ingnum
til þess að
gera mis-
tök; ein
slök
sending í
flýti verður
til þess að
Dortmund nær
boltanum aftur og
kemst jafnvel strax í
gott tækifæri til að
skora vegna þess hve
varnarleikurinn byrjar fram-
arlega á vellinum.
Klopp tók við þjálfun Dortmund
2008. Hann er alls ekki að finna upp
hjólið; Rússinn Viktor Maslov beitti
þessari leikaðferð fyrstur með FC
Dinamo frá Moskvu á sjöunda ára-
tugnum, Ajax-liðið undir stjórn Ri-
nus Michels þróaði hugmyndafræð-
ina framan af áttunda áratugnum og
var allt að því ósigrandi – varð Evr-
ópumeistari þrjú ár í röð. Michels og
Johan Cruyff breiddu út boðskapinn
þegar þeir gengu til liðs við Barce-
lona og ítalska stjörnuliðið AC Mil-
an, sem varð Evrópumeistari 1989
og 1990, beitti svipaðri leikaðferð
undir stjórn Arrigos Sacchi með
stórbrotnum árangri. Og nú er hægt
að benda á lið Barcelona, fyrst undir
stjórn Peps Guardiola og nú Titos
Villanova. Sókn er besta vörnin!
Stórhættulegt þríeyki. Frá
vinstri; Robert Lewandowski,
Mario Goetze og Marco Reus.
AFP
Jürgen Klopp, hinn
skemmtilegi og snjalli
aðalþjálfari Borussia
Dortmund.
Háþrýstingur í hæsta gír
*„Boltinn er hnöttóttur og leikurinnstendur yfir í 90 mínútur.“Sepp Herberger landsliðsþjálfari þegar
Þýskaland varð heimsmeistari 1954.
Boltinn
SKAPTI HALLGRÍMSSON
skapti@mbl.is