Morgunblaðið - 12.04.2013, Síða 19
FRÉTTIR 19Innlent
MORGUNBLAÐIÐ FÖSTUDAGUR 12. APRÍL 2013
Ergo býður 100% afslátt
af lántökugjöldum í apríl
Suðurlandsbraut 14 > sími 440 4400 > www.ergo.is > ergo@ergo.is
Það er gaman að fá sér grænan bíl sem eyðir litlu.
Í tilefni af grænum apríl býður Ergo 100% afslátt á lántökugjöldum af
umhverfishæfum bílum. Gott fyrir þig, fyrir umhverfið og okkur öll.
Við aðstoðum þig með ánægju!
VIÐTAL
Gunnar Dofri Ólafsson
gunnardofri@mbl.is
Gestur Jónsson og Ragnar Hall,
verjendur Sigurðar Einarssonar og
Ólafs Ólafssonar, tveggja sakborn-
inga í Al Thani-málinu svokallaða,
mættu ekki við upphaf aðalmeðferð-
ar málsins í gærmorgun.
Pétur Guðgeirsson, dómari í mál-
inu, þurfti af þeim sökum að fresta
aðalmeðferð málsins. Hann hafði áð-
ur synjað Gesti og Ragnari um að
segja sig frá verjendastörfunum, en
sá sér ekki annan kost en að fallast á
þá kröfu þeirra í gærmorgun þegar
þeir mættu ekki við réttarhöldin.
Sigurður Einarsson og Ólafur
Ólafsson mættu með nýja verjendur
til aðalmeðferðarinnar, þá Ólaf Ei-
ríksson og Þórólf Jónsson.
Sigurður Líndal lagaprófessor tel-
ur ástæður þess að Gestur og Ragnar
sögðu sig frá málinu undarlegar.
„Þegar maður fær leyfi til að flytja
mál fyrir dómstólum þá tekur maður
á sig ákveðnar skyldur í staðinn, það
er að taka að sér verjendastörf,“ seg-
ir Sigurður Líndal.
Hindrar framgang réttvísinnar
„Það eru engin fordæmi fyrir að
menn segi sig frá máli með þessum
hætti. Þetta getur skapað slæmt for-
dæmi ef menn fara að tefja mál á
þennan hátt með því að segja sig frá
málum. Gefum okkur svo að nýju
verjendurnir segðu sig frá málinu
eftir einhverja mánuði, þá yrði Lög-
mannafélagið hreinlega að grípa í
taumana. Lögmenn eru opinberir
sýslunarmenn og á þeim hvíla
ákveðnar skyldur. Það gengur ekki
ef menn ætla að leika svona leiki og
hindra með því framgang réttvísinn-
ar,“ segir Sigurður.
„Lögmenn geta neitað að taka við
skipun sem verjandi eða vikið sér
undan því af gildum ástæðum, vegna
veikinda eða vanhæfis vegna fjöl-
skyldutengsla. Ég hef ekki séð að
verjendurnir hafi borið við neitt slíkt.
Gestur og Ragnar báru því við
þegar þeir kröfuðust lausnar að
rannsókn málsins og meðferð þess
fyrir dómstólum hefði verið svo
ábótavant að þeir teldu sér ekki leng-
ur fært að reka málið. „Væri ekki rétt
að taka það upp við dómarann og
krefjast ómerkingar?“ segir Sigurð-
ur um lausnarástæður verjendanna.
„Ég hef heyrt þessi rök en mér finn-
ast þau ekki skiljanleg. Það sem ég
segi, lögmenn taka á sig þær skyldur
að taka við skipun verjanda, og þeim
ber að rækja þær skyldur sínar.“
Vankantar á rannsókn og máls-
meðferð varnarástæður
Sigurður segir ennfremur að þær
ástæður sem verjendurnir bera við
séu þess eðlis að þeim ætti frekar að
tefla fram við málsvörnina.
„Ef mál eru svo flókin og langdreg-
in eða að það vantar eitthvað í rann-
sóknina þá eru það varnarástæður.
Ef ég væri lögmaður þá segði ég að
ég teldi rannsóknni svo ábótavant að
ég krefðist ómerkingar eða frávísun-
ar eða jafnvel sýknu. Mér finnst
skrýtið að þeir skuli segja að þeim
finnist málið svo illa upplýst að þeir
treysti sér ekki til að verja skjólstæð-
inga sína. Ákæruvaldið ber sönnun-
arbyrðina í sakamálum. Ef mál er illa
eða mjög illa upplýst, þá á það að
vera sakborningi í hag. Eða bara
hvaða vafi sem er, hann á að vinna
með sakborningi,“ segir Sigurður.
„Mér finnst það liggja í augum uppi,
ef málið er illa unnið þá hlýtur það að
vera varnarástæða.“
Réttarfarssektir eða svipting
lögmannsréttinda
Sigurður veltir fyrir sér til hvaða
ráða sé hægt að grípa í aðstæðum
sem þeim sem nú eru upp komnar.
„Það er ekki hægt að neyða menn
til að flytja málið, en sakamálalögin
gera ráð fyrir þeim möguleika að
leggja á menn réttarfarssektir. Svo
væri hægt að svipta lögmennina mál-
flutningsréttindum, þó svo að ég telji
að það síðarnefnda væri ansi langt
gengið og afar ólíklegt. Mér þykir
líka skrýtið hvað þeir gera þetta
stuttu fyrir aðalmeðferð og af þeim
ástæðum sem þeir tilgreina. Ég sé
ekki alveg hvernig þessar ástæður
sem þeir tilgreina leiða til þessarar
niðurstöðu sem þeir komast að,“ seg-
ir Sigurður.
Hann efast jafnframt um að túlkun
verjendanna á lögum um lögmenn sé
rétt. Í 1. málsgrein 20. greinar er
lögð sú skylda á lögmenn að taka að
sér verjendastörf. Í 6. málsgrein 21.
greinar sé lögmanni gert kleift að
segja sig frá verki ef umbjóðandi
hans verður ekki fyrir réttarspjöllum
af þeim sökum.
„Krafan um að lögmenn taki að sér
verjendastörf yrði merkingarlaus ef
menn gætu sagt sig frá málinu á
hvaða tíma sem væri. Það gengur
bara ekki upp. Mér virðist því sem
reglan í 6. málsgrein 21. grein eigi
bara við um einkamál en taki ekki til
sakamála. Annað myndi ekki stand-
ast þar sem í því fælist mótsögn og 1.
málsgrein 20. greinar yrði merking-
arlaus,“ segir Sigurður.
Afsögn hindr-
ar framgang
réttvísinnar
Lagaprófessor telur afsögn verjenda
í Al Thani-máli setja slæmt fordæmi
Al Thani-málið
» Aðalmeðferð í Al Thani-
málinu var frestað þar sem
Gestur Jónsson og Ragnar
Hall, verjendur Sigurðar Ein-
arssonar og Ólafs Ólafssonar,
mættu ekki við upphaf hennar
í gærmorgun
» Lagaprófessor telur var-
hugavert að verjendur geti
sagt sig frá málum með þess-
um hætti með tilheyrandi töf-
um
» Óljóst hvort og þá til hvaða
viðurlaga er hægt að grípa
þegar verjendur segja sig frá
máli með þessum hætti
Morgunblaðið/Árni Sæberg
Lagaprófessor Sigurður Líndal hef-
ur miklar áhyggjur af réttarfarinu.
„Það er verið að undirbúa það að
fara með þetta í opinbera nauða-
samninga,“ segir Sigurður Rúnar
Sigurjónsson, framkvæmdastjóri
hjúkrunarheimilisins Eirar, spurð-
ur út í stöðu heimilisins.
Að sögn Sigurðar Rúnars verður
unnið við þetta í næstu viku en
hann bendir á að það taki smá tíma
að taka þetta saman og ganga frá
málum. „Það er verið að undirbúa
þetta, ganga frá frumvarpi og svo
er það héraðsdómur sem skipar að-
ila í verkið þannig að þetta er þá
nánast komið úr okkar höndum
þegar við erum búin að skila af okk-
ur upplýsingunum,“ segir Sigurður
Rúnar og bætir við að ef samskonar
samningur verður boðinn í þessu
ferli og kröfuhafar Eirar höfnuðu
nýlega, þ.e. samningur án allra af-
skrifta af höfuðstól, þá þurfi sam-
tals 60% kröfuhafa og 60% af kröfu-
fjárhæð að samþykkja
nauðasamninginn til að hann nái í
gegn.
Samkvæmt tilkynningu frá stjórn
Eirar voru haldnir þrír kynningar-
fundir um málið með íbúum Eirar í
gær. skulih@mbl.is
Undirbúa nauðasamning
Morgunblaðið/Ómar
Nauðasamningar Hjúkrunar-
heimilið Eir að Fróðengi 1 til 11.
Þurfa samþykki
60% kröfuhafa