Morgunblaðið - 01.05.2013, Blaðsíða 11

Viðhorfsbreyting Kristján Guðmundsson segir það hafa snarbreytt lífi sínu að lenda í alvarlegu slysi og hann hafi í
kjölfarið áttað sig á um hvað lífið snýst og hvetur fólk til að líta jákvæðum augum á lífið og setja sér markmið.
ast í þessu og gefast aldrei upp! Það
var eiginlega strax þá sem ég ákvað
að ég myndi nálgast þetta þannig.“
Kristjáni var haldið sofandi fyrstu
dagana og segist hann lítið muna
fyrsta mánuðinn eftir slysið þar sem
hann hafi verið það mikið lyfjaður. Á
þessu tímabili viku foreldrar hans
ekki frá honum og segir hann það
hafa komið sér í gegnum erfiðleik-
ana hversu góðan og mikinn stuðn-
ing hann fék. Um haustið voru
haldnir styrktartónleikar á Dalvík
og þangað mættu 800 manns. „Það
er svolítið mikið í 1.600 manna bæ.
Enn þann dag í dag er ég að fá
hvatningu í tölvupósti og sms-um.
Ég held að ég sé búinn að fá 3.500
kveðjur þannig að ég finn fyrir mikl-
um stuðningi og það hefur bara bætt
við jákvæðni mína og það viðhorf að
gefast ekki upp.“
Missti tuttugu kíló
Eftir þriggja mánaða
sjúkrahúslegu tók við uppbygging
sem Kristján segir hafa verið mjög
erfiða. „Ég missti tuttugu kíló og það
er ekkert grín að byggja upp vöðv-
ana aftur. Ég er enn þann dag í dag í
endurhæfingu og sjúkraþjálfun.
Maður þarf að leggja allt í að komast
í gegnum endurhæfinguna. Ef mað-
ur er neikvæður og nennir þessu
ekki og finnst allt ömurlegt og leið-
inlegt gerist að sjálfsögðu ekki neitt.
Auðvitað hugsa ég samt stundum um
hvað þetta er ógeðslega leiðinlegt.“
Kristján er nú þegar búinn að
fara í fjórar aðgerðir og eins og stað-
an er í dag lítur ekki út fyrir að hann
þurfi að fara í fleiri. Hann fer reglu-
lega niður á höfn í landanir til að
heilsa upp á vini sína og segist aldrei
endurupplifa slysið. „Ég hef samt
alveg hugsað einu sinni eða tvisvar:
Af hverju gat þetta ekki gerst ein-
hvers staðar annars staðar á land-
inu? En þá hugsar maður lengra og
áttar sig á að þá hefði einhver annar
lent í þessu og það er ekkert víst að
hann hefði lifað þetta af. Síðan
hugsa ég bara með mér að fyrst
þetta þurfti að gerast þá var líklega
best að ég lenti í þessu af því að ég
get tekist á við það.“
Fyrirlestur Kristjáns, Gefstu
aldrei upp, hefur vakið mikla athygli
þó að það hafi ekki verið ætlunin í
upphafi að vera með vinsæla fyrir-
lestraröð. „Ég ákvað að halda bara
einn fyrirlestur í Dalvíkurskóla. Það
finnst svo mörgum krökkum leiðin-
legt í skóla og þá var markmiðið hjá
mér að segja sögu mína og sýna
þeim myndir frá slysinu og upp-
byggingunni. Svo hefur fyrirlest-
urinn undið upp á sig og nú segi ég
sögu mína niður í minnstu smáatriði.
Sýni myndir og fer svo yfir hvað það
getur hjálpað manni mikið að setja
sér markmið og þá er fyrst á þeim
lista að setja sér það markmið að
vera jákvæður. Alveg sama hvað þú
ert að gera, hvort það er að jafna sig
eftir slys eða ná árangri í skólanum
eða á fótbolta- eða handboltaæf-
ingum; þá hjálpar alltaf að vera já-
kvæður.“
Heilsan í fyrsta sæti
Næst heldur Kristján fyrir-
lestur á Akureyri í maí, á ársþingi
Landsbjargar. Hann var með opinn
fyrirlestur í menningarhúsinu Bergi
á Dalvík fyrir nokkru og þá komust
færri að en vildu svo hann hélt auka-
fyrirlestur þann daginn. „Svona
reynsla snarbreytir manni. Ég fór í
vinnuna þennan morgun með doll-
aramerki í augunum af því að ég var
að fara að fá svo mikinn pening og
svo næsta klukkutíma var ég næst-
um dáinn í lest á skipi. Þá var fót-
unum kippt undan manni og ég var
nær dauða en lífi í viku og þurfti að
liggja kyrr í þrjá mánuði. Þá sá mað-
ur að peningarnir skipta engu máli.
Þá fyrst sá ég líka um hvað lífið
snýst. Heilsan og maður sjálfur þarf
að vera í fyrsta sæti og þetta snýst
um að kunna að lifa lífinu.“
Hægt er að hafa samband við
Kristján í gegnum netfangið
mooppii@gmail.com
DAGLEGT LÍF 11
MORGUNBLAÐIÐ MIÐVIKUDAGUR 1. MAÍ 2013
Nú standa yfir sýningar í Kamesi
Borgarbókasafns á „stop-motion“
mynd sem ber heitið Ófreskjur og
dýr. Mynd þessi er samstarfsverkefni
Frístundaheimilisins Draumalands í
Austurbæjarskóla, frístundaheimilis-
ins Vinasels í Seljaskóla og Peters
Obel sem er menntaður animator frá
Danmörku. Fyrsti og annar bekkur á
frístundaheimilunum sömdu sögu,
gerðu sviðsmyndir og persónur sem
þriðji og fjórði bekkur gáfu líf í stop-
motion stíl undir leiðsögn Peters.
Sýningarnar verða til 5. maí, en
myndin verður látin rúlla frá kl. 13-19.
Stop-motion er aðferð sem notuð
er í gerð hreyfimynda. Notaðar eru fí-
gúrur, gjarnan úr leir, og eru þær
hreyfðar lítillega til og mynd tekin af
hverri stöðu. Í sýningu lítur út fyrir
að fígúrurnar hreyfist.
Vefsíðan
www.borgarbokasafn.is
Leir Litríkar fígúrur úr leir.
Ófreskjur
og dýr
Skannaðu kóðann
til að fara inn á
vefsíðuna.
Margar vinnandi hendur koma að starfsemi og framleiðslu Alcoa Fjarðaáls, sem er eitt stærsta
iðnfyrirtæki landsins. Í störfum okkar göngum við út frá virðingu fyrir einstaklingnum og jöfnum
tækifærum til starfsframa. Hvar sem Alcoa starfar í heiminum er leitast við að setja velferð
starfsmanna í fyrsta sæti.
Okkar dýrmætasta auðlind býr í afli hugar og handa og við hjá Alcoa Fjarðaáli erum stolt af því
að fá að virkja mannvitið til hagsbóta fyrir starfsmenn, fjölskyldur þeirra og samfélagið allt.
www.alcoa.is
Fyrir samfélagið
og komandi kynslóðir
Sendum öllu launafólki hátíðarkveðju á 1. maí
ÍSLE
N
SK
A
/SIA.IS
ALC
63991
04/13
Starfsmenn Alcoa Fjarðaáls
hafa aðgang að heilsugæslu
á vinnustaðnum.