Morgunblaðið - 01.05.2013, Blaðsíða 36

36 DÆGRADVÖL
MORGUNBLAÐIÐ MIÐVIKUDAGUR 1. MAÍ 2013
Stjörnuspá
21. mars - 19. apríl 
Hrútur Ráðgátur daglegs lífs vekja forvitni
þína. Sýndu fyllstu gætni þegar skilmálar
eru settir og skoðaðu smáa letrið.
20. apríl - 20. maí 
Naut Miklar kröfur eru gerðar til þín í
vinnunni. Ræddu sparnaðarhugmyndir við
yfirmann eða foreldra, þú færð snjallar
hugmyndir. Ekki vera of stíf/ur.
21. maí - 20. júní 
Tvíburar Fagnaðu því að þér líður betur í
dag en í gær. Lágstemmd verk eru vinsæl,
eins og að sinna heimilisstörfum eða bogra
úti í garði.
21. júní - 22. júlí 
Krabbi Lífið er eiginlega eins og þrívídd-
armynd núna. Láttu ekki tækifæri til að
halda á ungbarni fram hjá þér fara.
23. júlí - 22. ágúst 
Ljón Þú sérð ekki fram úr verkefnum og
veist ekki þitt rjúkandi ráð. Oft er það svo
að bestu lausnirnar bíða þar sem síst
skyldi.
23. ágúst - 22. sept. 
Meyja Hefðirnar sem þú heldur í heiðri
hafa meiri merkingu en gjafir, því tengsl
myndast með því sem maður gerir með
öðrum. Lykilorðið er skilningur.
23. sept. - 22. okt. 
Vog Leggðu þitt af mörkum svo að sam-
vinnan gangi sem allra best. Gamall vinur
birtist aftur þér til mikillar ánægju.
23. okt. - 21. nóv.
Sporðdreki Það skiptir miklu fyrir fram-
vindu mála að þú farir að leikreglum því
annars fer allt úr böndunum og þú kemur
engu máli í höfn. Forystu þinnar er krafist.
22. nóv. - 21. des.

Bogmaður Margir elska þig. Með þetta í
huga ættir þú að hætta að hafa áhyggjur og
njóta í auðmýkt þeirra gjafa sem dagurinn
færir þér.
22. des. - 19. janúar 
Steingeit Þú þarft að finna þér nýjar verk-
lagsreglur því annars situr þú bara uppi
með óviðráðanleg verkefni. Nýttu þér þetta
og skapaðu ánægjulegar minningar fyrir
framtíðina.
20. jan. - 18. febr. 
Vatnsberi Þú sérð fram á að þurfa að gera
einhverjar breytingar en skalt ekki rasa um
ráð fram. Nú þarf heilsan að ganga fyrir
öllu öðru. Þér hættir til að gera úlfalda úr
mýflugu.
19. feb. - 20. mars

Fiskar Yfirleitt viltu finna út úr hlutunum
jafnóðum. Reyndu að komast hjá rifrildi því
þetta er ekki góður dagur til slíks. Hlustaðu
vel, og þú heyrir í lönguninni til að tengjast
öðrum. Þú hefur heppnina með þér næstu
daga.
Hólmfríður Bjartmarsdóttir, Fíaá Sandi, orti í vikubyrjun:
Í kvöld fellur logndrífan létt
og leggur sig fallega og nett
yfir fannhvíta fold
yfir frækorni og mold
yfir hraunið mitt hrufótt og grett.
Hjálmar Freysteinsson velti fyrir
sér kvöldstemningu á Bessastöðum
að loknum viðræðum við formenn
stjórnmálaflokka:
Dagur er kominn að kveldi,
kötturinn sleikir sitt skott.
Ólafur undir feldi.
Aldrei veit það á gott!
Kristbjörg F. Steingrímsdóttir
yrkir:
Gamlir flokkar fjalla á ný
um framtíð lands
bráðum verður hopp og hí
og Hrunadans.
Jón Valur Jensson sendi Vísna-
horninu kveðju:
Fordæðustjórnin er frá,
fagna og gleðjast þá má
hver sjálfstæður maður í sinni.
Framtíðar bein er braut,
brotna því stjórnin hlaut,
sú versta í manna minni.
Og hann bætir við:
Horfið er nú þetta límsetulið,
leiðara öðrum gestum,
Jógrímustjórnin sem streðaði við
að stríða gegn heimilum flestum.
Kristján Runólfsson yrkir:
Þó ég yrki ár og síð,
og ótal ljóð ég kunni,
kemur sjaldan klám og níð,
úr kjaftamaskínunni.
Steinn Kristjánsson kastar fram:
Lækka skattar, launin hækka.
Lán og skuldir hverfa því.
Undirhökur aftur stækka.
Allt mun verða grænt á ný.
Daginn fyrir kjördag orti kerl-
ingin á Skólavörðuholtinu:
Íhaldi hraðast ég hrósa,
hrifningu hef á því ljósa,
af ískaldri ró
til öryggis þó
ætla ég Framsókn að kjósa.
En nóg um pólitík. Ármann Þor-
grímsson fékk fjögurra ára barna-
barn í heimsókn:
Í heimsókn hjá ömmu og afa
allt vill í topplagi hafa
kökurnar fá
og kókómjólk, já
það er ekkert ósanngjörn krafa.
Pétur Blöndal pebl@mbl.is
Vísnahorn
Af kosningum, forseta
og afa og ömmu
Í klípu
„AUÐVITAÐ ER ÞETTA ÖRUGGT, MEÐ
LOFTPÚÐA OG ALLT.“
eftir Mike Baldwin eftir Jim Unger
„HANN ER EKKI TÓNLISTARMAÐUR, ÞETTA
ER HEYRNARTÆKIÐ HANS.“
Hermann
Ferdinand
Hrólfur hræðilegi
Grettir
... að nudda stressið úr
henni.
MÉR ER ILLT
Í GÓMNUM.
JÁ! LOKSINS
EITTHVAÐ
SPENNANDI AÐ
GERAST!
NÚ DRÖGUM VIÐ STRÁ TIL AÐ
SJÁ HVER FER Í HÆTTULEGA
EN MIKILVÆGA SENDIFÖR.
SÁ SEM FÆR STYSTA STRÁIÐ ÞARF AÐ SEGJA KONUNNI MINNI
AÐ ÉG VERÐ EKKI HEIMA Á BRÚÐKAUPSAFMÆLINU OKKAR.
Íþróttir eru kyndugt fyrirbæri. Ásunnudag lauk rimmu Grindavík-
ur og Stjörnunnar með æsispenn-
andi oddaleik þar sem Grindvík-
ingar fóru með sigur af hólmi.
Grindvíkingum tókst þar að verja
Íslandsmeistaratitilinn síðan í fyrra.
Á tímabili virtist hins vegar sem
Stjarnan ætlaði að taka titilinn. Lið-
ið úr Garðabænum tapaði fyrsta
leik, en vann síðan tvo næstu með
nokkrum yfirburðum. Sigur í fjórða
leiknum hefði tryggt liðinu Íslands-
meistaratitilinn og það á heimavelli.
Víkverji tók eftir því að í viðtölum
fyrir leikinn voru Stjörnumenn
orðnir ansi kokhraustir og velti fyrir
sér hvort þeir héldu að þeir væru
þegar orðnir Íslandsmeistarar. Á
þeim mætti heyra að Íslandsmeist-
aratitill væri rökrétt framhald af
bikarmeistaratitlum 2009 og 2013.
Eini gallinn var sá að Stjarnan átti
eftir að spila leikinn og Grindvík-
ingar voru ekki alveg tilbúnir að láta
Íslandsmeistaratitilinn af hendi.
x x x
Þetta er þó ekki sagt til að geralítið úr Stjörnumönnum. Þeir
eru með frábært lið og spiluðu best
allra liða seinni hluta Íslandsmóts-
ins. Í úrslitaleiknum urðu þeir síðan
fyrir áfalli þegar einn besti leik-
maður þeirra, Jarrid Frye, þurfti að
fara meiddur af velli. Frye fór upp í
þriggja stiga skot, varnarmaðurinn
hljóp undir hann og lenti Frye á
ristinni á honum og sneri sig illa á
ökkla. Þetta gerist vitaskuld í hita
leiksins og er ekkert annað en slys,
en Víkverji veltir fyrir sér hvort
ekki séu leiðir til að vernda leik-
menn í þessari stöðu. Það hefur ver-
ið gert undir körfunni. Þar er nú
dreginn hringur og innan hans er
ekki hægt að fiska ruðning. Það var
gert til að verja leikmenn, sem
komnir eru á flug upp að körfunni
fyrir því að varnarmenn fari undir
þá í loftinu. Víkverji sér þó ekki fyr-
ir sér hvernig regla um þetta atriði
ætti að líta út, en í það minnsta hefði
mátt dæma villu.
x x x
Hvað um það. Grindvíkingarsýndu mikinn styrk í úrslita-
keppninni og eru vel að öðrum Ís-
landsmeistaratitlinum í röð komnir.
víkverji@mbl.is
Víkverji
Orð dagsins: En ef einhver elskar
Guð, þá er hann þekktur af honum.
(I. Kor. 8, 3.)
Byltingarkenndar rannsóknir sýna að lífvirka efnið í brokkolí, sulforaphane, hindrar
hrörnun fruma og stuðlar að endurnýjun þeirra - bæði í heilanum og öllum líkamanum
Getur haft frábær áhrif á heilsu og útlit
• Hjálpar líkamanum að halda heilbrigði
Stuðlar bæði að fyrirbyggjandi heilsuvernd og uppbyggjandi áhrifum til bættrar heilsu
• Spornar gegn ótímabærri öldrun – á líkama og sál
Getur hægt á öldrunarferlinu og dregið úr sýnIlegum áhrifum öldrunar á útlitið
Einföld leið til að njóta þess áhrifaríkasta úr brokkolí
- sulforaphane ... náttúrulega yngri !
Verndaðu frumurnar þínar !
Brokkolítöflurnar - Cognicore® Daily
Cognicore byggir á sulforaphane úr
lífrænt ræktuðum brokkolí-spírum að
viðbættu túrmeric og selenium
Fást í heilsubúðum
og apótekum
brokkoli.is
Tvær á d
ag!