Morgunblaðið - 04.05.2013, Síða 27

Erlent
MORGUNBLAÐIÐ LAUGARDAGUR 4. MAÍ 2013
Bandaríska geimvísindastofnunin
NASA hefur óskað eftir tillögum
frá almenningi að nöfnum og jap-
önskum hækuljóðum sem send
verða á mynddiski með könnunar-
farinu MAVEN sem sent verður til
reikistjörnunnar Mars í nóvember.
Á mynddisknum verða öll nöfn
þeirra sem senda inn tillögur en
aðeins þrjár hækur verða þess
heiðurs aðnjótandi að fá að ferðast
til rauðu plánetunnar.
Frestur til þess að skila inn
nöfnum og hækum er til 1. júlí.
Hægt verður að greiða atkvæði
um bestu hækurnar frá og með 15.
júlí. Þátttakendur eiga kost á því
að prenta út vottorð fyrir því að
þeir hafi lagt verkefninu lið. MA-
VEN á að kanna efri lög lofthjúps
Mars og reyna að varpa ljósi á
hvers vegna vatn hvarf af yfir-
borðinu.
NASA
Almenningur sendi
hækur til Mars
Kínverskt
glæpagengi
vildi ekki vera
eftirbátur evr-
ópskra mat-
vælafram-
leiðenda sem
seldu hrossa-
kjöt sem nauta-
kjöt. Þarlend
lögregluyfir-
völd hafa frá
því í janúar
handtekið yfir 900 meðlimi geng-
isins sem taldir eru hafa haft jafn-
virði rúmra 116 milljóna króna
upp úr því að selja kjöt af rottum
og öðrum litlum spendýrum eins
og ref og mink sem kindakjöt.
Talið er að það hafi verið selt á
mörkuðum í Shanghai og Jiangsu-
héraði.
Lögreglumenn lögðu hald á yfir
20.000 tonn af sviknu kjöti í að-
gerðum sínum. Glæpir sem tengj-
ast matvælaöryggi eru algengir í
Kína að því er segir í tilkynningu
frá almannaöryggisráðuneyti
landsins.
KÍNA
Rottukjötshneyksli
skekur Kína
Rottur þykja ekki
lystaukandi dýr.
Kjartan Kjartansson
kjartan@mbl.is
Drápsvélmenni sem geta ráðist á
skotmörk án nokkurrar aðkomu
manneskju ættu ekki að hafa líf fólks
í höndum sér. Þetta er á meðal þess
sem kemur fram í drögum að skýrslu
fyrir mannréttindaráð Sameinuðu
þjóðanna. Hún fjallar um lagaleg og
heimspekileg álitamál sem tengjast
því að nota sjálfvirkar vélar í hern-
aði. Talsverðar deilur hafa staðið um
notkun Bandaríkjahers á drekum (e.
drone), mannlausum fjarstýrðum
loftförum, m.a. í Afganistan.
Höfundur skýrslunnar, Christof
Heyns, prófessor í mannréttindalög-
um í Suður-Afríku, vill að ríki heims
stöðvi tímabundið allar tilraunir,
framleiðslu og viðskipti með slík vél-
menni þar til haldin verði alþjóðleg
ráðstefna til þess að setja reglur um
notkun þeirra. Til stendur að ræða
hugmyndirnar sem settar eru fram í
skýrslunni á mannréttindaráðstefnu
SÞ í Genf þann 29. maí.
Bandaríkjamenn, Bretar, Ísrael-
ar, Suður-Kóreumenn og Japanir
hafa þegar þróað ýmsar tegundir af
hálf- eða alsjálfvirkum vopnum.
Nauðga hvorki né pynta
Í skýrslunni tekur Heyns fyrir
nýja kynslóð slíkra vopna sem velja
sjálf skotmörk og skjóta á þau. Þau
hafi ólíkt manneskjum hvorki samúð
né innsæi við að taka ákvörðun um líf
eða dauða fólks.
Á hinn bóginn séu þau ekki seld
undir breyskleika mannanna og
myndu því ekki gera árás í hefnd-
arskyni, í fáti, reiði, af fordómum eða
ótta. Þá myndu vélarnar ekki valda
vísvitandi þjáningum fyrir óbreytta
borgara eins og með pyntingum eða
nauðgunum, nema þær væru hrein-
lega forritaðar til þess.
Heyns bendir einnig á að sú fjar-
lægð sem skapast á milli þess sem
tekur ákvörðun um að drepa mann-
eskju og þess sem er drepinn með
fjarstýrðum vélum leiði til þess að
menn verði fáskiptnari gagnvart
þeirri ákvörðun og framkvæmd þess
að svipta manneskju lífi.
Vélarnar velji
ekki skotmörk
 Skýrsla SÞ um vélmenni í hernaði
AFP
Dreki Bandarískur dreki af Predator-gerð sem notaður er við eftirlit við
landamæri Bandaríkjanna og Mexíkó. Hann er mannlaus og fjarstýrður.
VORHREINSUN
avegur 40, 101 Reykjavík
olcano@volcanodesign.is
www.volcanodesign.is
S: 5880100
Laug
v40%
Standur fyrir L/XL
Tilboð: 28.000.- Listaverð: 37.000.-
Tilboð: 125.000.-
Listaverð: 160.000.-
www.genevalab.com
thdan@simnet.is ÁRMÚLA 38 - SÍMI 588 5010
Söluaðili
Tilboð: 185.000.-
Listaverð: 230.000.-
GENEVA XL
Magnari, útvarp,
iPod stöð og CD spilari.
GENEVAM/CD
Magnari, útvarp, iPod stöð
og CD spilari.
GENEVA L
Magnari, útvarp,
iPod stöð og CD spilari.
Tilboð: 295.000.-
Listaverð: 378.000.-