Morgunblaðið - 22.06.2013, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 22. JÚNÍ 2013
ÚR BÆJARLÍFINU
Björn Björnsson
Sauðárkrókur
Eftir ótrúlega harðan vetur og
kaldan maí, þar sem helst leit út
fyrir að vart mundi sjást stingandi
strá á túnum skagfirskra bænda
fyrr en eftir mitt sumar, hefur nú
brugðið til hins betra, enda það
sem af er júní eindæma gott með
hita og gróðrarskúrum, og er
sláttur hafinn á nokkrum bæjum.
  
Við upphaf keppnistímabils fót-
boltans var heimavöllur Tindastóls
á Króknum með sannkölluðum
dauðafölva, og sást þar ekki græn
nál. Var skotið á neyðarfundum og
kallaðir til allir sem helst voru tald-
ir hafa vit á slíkum grasspildum og
var þeirra dómur að völlurinn væri
nær ónýtur og líklega ekki nothæf-
ur fyrr en liðið væri að hausti.
Hinsvegar hefur nú skipast svo til á
þessum velli líkt og á öðru grónu
landi, að helst lítur út fyrir að undir
næstu mánaðamót verði unnt að
leika þar heimaleiki.
  
Vegurinn um Þverárfjall hefur
reynst margfalt fjölfarnari en áætl-
að var þegar ráðist var í gerð hans
og hann opnaður fyrir rúmum ára-
tug. Hvort sem um var að kenna
skorti á framkvæmdafé eða ein-
hverju öðru, var aldrei sett endan-
legt slitlag á stóran hluta vegarins
og því var nú svo komið í vetur að
ljóst var að ekki yrði undan vikist
að gera verulegar lagfæringar á
löngum köflum. Þannig verða um
18 km af yfirborði vegarins fræstir
upp og nýtt slitlag sett. Einnig
verða einhverjar framkvæmdir til
að mæta mikilli umferðaraukningu.
Kostnaður við verkið er áætlaður
rúmar 60 milljónir og verklok 5. júlí
nk.
  
Þrjár héraðshátíðir eru í
Skagafirði í sumar, Jónsmessuhátíð
á Hofsósi þessa helgi, Lummudagar
á Króknum um næstu helgi og
Hólahátíð að Hólum í Hjaltadal um
miðjan ágúst.
  
Jónsmessuhátíðin hófst á
föstudagskvöldi með kvöldgöngu
sem endaði með kjötsúpu í Höfða-
borg, en þar var síðan hefðbundin
kvöldvaka með fjölda frábærra
skemmtiatriða. Veitingastofan Sól-
vík verður opin alla helgina en á
föstudagskvöldi var rífandi pöbba-
stemning með lifandi húsvíkskri
tónlist.
  
Á laugardag er ljósmyndasýn-
ing, hópreið hestamanna, fótbolta-
mót, dráttarvélagóðakstur, tjald-
markaður, leiktæki grillveisla og
stórdansleikur um kvöldið með
Matta Matt og vitleysingunum.
  
Um næstu helgi Lummudagar
á Króknum, en sú bæjarhátíð hefur
fest sig í sessi og verður veglegri
með hverju ári. Þarf ekki að efa að
margt verður í boði auk gómsætra
lumma en dagskrá hefur ekki enn
verið auglýst.
  
Sumartónleikaröð á Hólum
lýkur svo með veglegri Hólahátíð
16.-18. ágúst þar sem hæst ber 250
ára afmæli dómkirkjunnar, sem
minnst verður með menningar-
dagskrá þar sem tónlist, kirkjulist
og leiklist eru í fyrirrúmi.
Ljósmynd/Helga Rósa Guðjónsdóttir
Í gróandanum Menn og dýr í Skagafirði gleðjast yfir batnandi tíð og gróðurinn hefur tekið vel við sér.
Sumarið komið í Skagafjörð
Fyrirtækið Nox Medical ehf. hefur
fært Landspítala að gjöf 20 millj-
ónir króna til kaupa á tækjabúnaði
sem notaður er til greiningar á
svefntruflunum.
Gjöfin var afhent 20. júní. Um
leið undirrituðu spítalinn og Nox
Medical samning um samstarf sín í
milli á sviði rannsókna.
Nox Medical vinnur að þróun há-
tæknibúnaðar, hugbúnaðar og vél-
búnaðar, sem er notaður við grein-
ingu á svefnröskunum.
Í tilkynningu er haft eftir Pétri
Má Halldórssyni, framkvæmda-
stjóra Nox Medical, að rannsókn-
arstarf Landspítala sé í fararbroddi
á þessu sviði læknavísinda á heims-
vísu. Talið sé að 10-20% mannkyns
glími við svefntruflanir og sérfræð-
ingum beri saman um að veruleg
tengsl séu á milli svefnraskana og
hjarta- og æðasjúkdóma.
Björn Zoëga, forstjóri Landspítala, og Pét-
ur Már Halldórsson, forstjóri Nox Medical.
Gáfu fé til
svefnrannsókna
Jón Gnarr borg-
arstjóri hefur
ákveðið að lýsa
eftir ábend-
ingum um reyk-
vískar hvunn-
dagshetjur sem
gætu átt skilið að
fá boð um veiði-
leyfi í Elliðaám.
Reykjavíkur-
borg hefur þrjá daga til úthlutunar
í ánum sem ætlaðir eru hvunndags-
hetjum og einstaklega dugmiklum
starfsmönnum borgarinnar. Er
þetta fjórða árið sem þessi háttur
er hafður á.
Fram kemur í tilkynningu frá
Reykjavíkurborg að hægt sé að
senda ábendingar um hvunndags-
hetjur á netfangið ellidaar-
@reykjavik.is.
Hvunndagshetjum
boðið til veiða
Veitt í Elliðaám.
Alþjóðlegi MND dagurinn er í dag,
22. júní. Af því tilefni stendur MND-
félagið fyrir hjólastólaralli á Ing-
ólfstorgi í Reykjavík frá klukkan
14.
Keppt verður í ýmsum flokkum
rafknúinna og handknúinna stóla.
Verðlaunaafhending verður klukk-
an 15. Allir þátttakendur fá við-
urkenningu og þrír fljótustu í
hverjum flokki fá bikara.
Hjólastólarall á
Ingólfstorgi
STUTT
Hildur Hjörvar
hhjorvar@mbl.is
Uppljóstranir Edwards Snowdens
um njósnastarfsemi Bretlands og
Bandaríkjanna hafa á undraskömm-
um tíma valdið miklu fjaðrafoki um
allan heim. Meðal þess sem fram kom
var að bresk
stjórnvöld hefðu
stundað víðtækar
njósnir um er-
lenda stjórnmála-
menn og sendi-
nefndir á
G20-ráðstefnunni
í London árið
2009. Löngum
hafa verið uppi
getgátur um
njósnir af þessu
tagi en þetta er eitt af fáum tilvikum
þar sem beinharðar sannanir liggja
fyrir.
Í samtali við Morgunblaðið sagði
Kristinn Hrafnsson, talsmaður Wiki-
Leaks, ekki enn hafa borist upplýs-
ingar um njósnir um íslensk stjórn-
völd, sendinefndir eða
stjórnmálamenn. „Þetta sýnir hversu
langt menn eru tilbúnir að ganga og
ætti ekki að koma mönnum á óvart að
þessi tæki og tól séu notuð til að
njósna um vinveitt ríki. Á tímabili átt-
um við í mjög harðvítugri deilu við
bresk yfirvöld þar sem vísað var til
hryðjuverkalaga sem ein og sér
hefðu, miðað við hvernig landið ligg-
ur, gefið fulla heimild til að beita allri
þessari tækni af öllu afli. Þannig að
menn ættu að minnsta kosti að gera
ráð fyrir því að Ísland, Íslendingar og
íslenskir hagsmunir hafi verið skot-
mörk slíkra tilburða.“
Þær upplýsingar fengust frá utan-
ríkisráðuneytinu að viðeigandi ráð-
stafanir væru gerðar til að verja
tölvukerfi ráðuneytisins og sendi-
skrifstofa og héldu Norðurlönd uppi
samstarfi sín á milli varðandi örygg-
ismál utanríkisþjónustu. Ekki væru
þekkt dæmi um að óviðkomandi að-
ilum hefði tekist að komast inn á
tölvukerfi utanríkisþjónustunnar.
Guðmundur H. Kjærnested, fram-
kvæmdastjóri Rekstrarfélags stjórn-
arráðsbygginga, gat ekki gefið upp-
lýsingar um öryggisráðstafanir sem
gerðar eru á innri vefjum stjórnsýsl-
unnar en sagði menn meðvitaða um
hætturnar sem þar leynast. Hann
kvað rekstrarfélagið vera í góðu sam-
bandi við ríkislögreglustjóra og
CERT-ÍS, netöryggissveit á vegum
Póst- og fjarskiptastofnunar. Guð-
mundur segir mikla uppbyggingu í
öryggisráðstöfunum hafa átt sér stað
á undanförnum árum, en telur innrás
í tölvukerfi þó vel geta átt sér stað án
vitneskju stjórnvalda. „Það er orðin
þekkt staðreynd að enginn er óhultur
í tölvuheiminum og allt er mögulegt.“
Gerir ráð fyrir
að njósnað hafi
verið um Ísland
 Segir stjórnsýsluna meðvitaða um
hættuna á njósnum og tölvuhakki
Kristinn Hrafnsson
Uppljóstranir
» Breska sendiráðið gat engar
upplýsingar gefið um hugs-
anlegar njósnir breskra yfir-
valda um íslenska aðila eða
sendinefndir í tengslum við
Icesave-deiluna og beitingu
hryðjuverkalaga gegn íslensk-
um bönkum
» Sendiráðið benti þó á orð
utanríkisráðherra Breta um að
allar ákvarðanir um njósnir
væru teknar að yfirlögðu ráði
og innan ramma breskra laga.