Morgunblaðið - 22.06.2013, Blaðsíða 25

FRÉTTIR 25Viðskipti | Atvinnulíf
MORGUNBLAÐIÐ LAUGARDAGUR 22. JÚNÍ 2013
Nýr 4ra rétta seð
ill og A la Carte í
Perlunni
Perlan • Sími 562 0200 • Fax 56
2 0207 • perlan@perlan.is • ww
w.perlan.is
Gjafabréf
Perlunnar
Góð gjöf við öll
tækifæri
Lækjargötu og Vesturgötu
Helgi Vífill Júlíusson
helgivifill@mbl.is
Matís og Landsbankinn hafa kom-
ið á fót nýsköpunarkeppni fyrir
viðskiptahugmyndir í matvæla- og
líftækniiðnaði sem byggjast á ís-
lensku hráefni eða hugviti. „Hjá
Matís er gjarnan talað um að
koma vitinu í verð. Við viljum
leggja okkar af mörkum til að
hjálpa sprotafyrirtækjum að kom-
ast á legg,“ segir Sveinn Margeirs-
son, forstjóri Matís, í samtali við
Morgunblaðið.
Samkeppnin ber yfirskriftina
„Þetta er eitthvað annað“ og vísar
til umræðu um nýjungar í atvinnu-
lífi sem oft lýkur á þann hátt að
„gera eigi eitthvað annað“, án þess
að það sé skilgreint eitthvað frek-
ar.
Útflutningsvörur
„Við höfum mikinn áhuga á að
koma að vörum sem eiga mögu-
leika á erlendum mörkuðum og
skapa gjaldeyristekjur. Það getur
skipt sköpum þar sem heimamark-
aðurinn okkar er lítill,“ segir
Sveinn. Vörurnar gætu t.d. verið
unnar úr örverum, landbúnaðar-
vörum, berjum eða hverju sem
fólki dettur í hug.
Vinningshugmyndin fær eina
milljón króna frá Landsbankanum
auk þess sem meta má ráðgjöf og
aðstöðu sem Matís og bankinn
veita á ríflega tvær milljónir. Það
er nefnilega að ýmsu að hyggja
fyrir frumkvöðla á þessu sviði, svo
sem þekkingu á matvælum, gæða-
málum, hvernig framleiða á vörur
og fleira, og eðlilega hafa ekki allir
frumkvöðlar þekkingu á öllu
þessu.
Tíu hugmyndir
Aðstandendur allt að níu ann-
arra hugmynda munu fá tækifæri
til að fræðast nánar um þróunar-
og framleiðsluferla í matvæla- og
líftækniiðnaði sem og áætlanagerð
og tilhögun kynninga fyrir fjár-
festa. Opið er fyrir umsóknir og er
umsóknarfrestur til mánudagsins
2. september nk. Hve lengi verk-
efnin njóta aðstoðar aðstandenda
keppninnar fer eftir eðli þeirra, en
stefnt er að því þau verði komin
vel á veg um áramót.
Sveinn segir að keppnin sé fyrir
alla með góðar hugmyndir. Ekki
sé krafist djúprar þekkingar á
matvælum til þess að taka þátt
enda muni Matís aðstoða við að
þróa hugmyndina og skapa góða
vöru. Dæmi um þetta er að Matís
hefur unnið að ýmsum verkefnum
með Listaháskólanum. Þrátt fyrir
að nemendur skólans hafi ekki
menntun í matvælafræði eða líf-
tækni hafa sprottið ýmsar góðar
hugmyndir, til dæmis í tengslum
við menningu og listir með skír-
skotun í matvæli. „Verkefnin geta
þess vegna verið margs konar, til
dæmis áhugaverð hugmynd að
nýrri sultu,“ segir hann.
Markmið Matís þríþætt
Matís er opinbert hlutafélag í
eigu ríkisins. „Okkar markmið er
þríþætt: Aukin verðmætasköpun í
matvæla- og líftækniiðnaði, bætt
matvælaöryggi og bætt lýðheilsa.
Við höfum umboð til að vinna á
þessum sviðum og erum í raun að
rækja það hlutverk enn frekar
með því að standa að þessari
keppni ásamt Landsbankanum,“
segir Sveinn.
Koma vitinu í verð
 Nýsköpunarkeppni fyrir viðskiptahugmyndir í matvæla-
og líftækniiðnaði á vegum Matís og Landsbanka
Morgunblaðið/Helgi Bjarnason
Landbúnaðarvörur Hugmyndirnar að vörum gætu t.d. verið unnar úr landbúnaðarvörum, berjum, örverum eða
hverju sem fólki dettur í hug. Hugmyndin þarf ekki að vera tímamótverk, t.d. áhugaverð hugmynd að sultu.
Hugmyndakeppni
» Matís og Landsbankinn hafa
komið á fót nýsköpunarkeppni
fyrir viðskiptahugmyndir í
matvæla- og líftækniiðnaði.
» Samkeppnin ber yfirskrift-
ina „Þetta er eitthvað annað“
og vísar til umræðu um nýj-
ungar í atvinnulífi sem oft lýk-
ur á þann hátt að „gera eigi
eitthvað annað“, án frekari
skýringa.
● Rússneska olíufyrirtækið Rosneft
sem er í ríkiseigu og kínverska ríkisol-
íufyrirtækið CNPC hafa skrifað undir
270 milljarða Bandaríkjadala samning,
sem jafngildir ríflega 33.000 millj-
örðum íslenskra króna, um að Rosneft
muni útvega Kínverjum tvöfalt meiri ol-
íu næstu 25 árin en Rosneft hefur hing-
að til selt til Kína.
Samningurinn jafngildir því að Ros-
nefnt muni frá árinu 2015 afhenda Kín-
verjum sem svarar 300.000 tunnum á
dag.
Það var stjórnarformaður Rosneft,
Igor Sechin, og forstjóri CNPC, Zhou
Jiping, sem skrifuðu undir samninginn
og var forseti Rússlands, Vladimír Pút-
ín, viðstaddur undirritunina í gærmorg-
un. Hann greindi m.a. frá því að Rússar
fengju 70 milljarða dollara, ríflega
8.500 milljarða króna sem fyrirfram-
greiðslu frá Kínverjum.
Rússar og Kínverjar gera með sér risaolíusamning