Morgunblaðið - 22.06.2013, Blaðsíða 38

38 MINNINGAR
MORGUNBLAÐIÐ LAUGARDAGUR 22. JÚNÍ 2013
✝ Ísak Ingi Guð-bjartsson fædd-
ist á Fjórðungs-
sjúkrahúsinu á
Ísafirði 15. sept-
ember 2001. Hann
lést á Hvanna-
brekku 11. júní
2013.
Ísak Ingi var
sonur Ólafar Maríu
Jónsdóttur, f. 11.
mars 1983 og Guð-
bjarts Atla Bjarnasonar, f. 16.
mars 1976. Sambýlismaður
Ólafar Maríu er Stefán Ólafur
Stefánsson, f. 31. ágúst 1989.
Eiginkona Guðbjarts Atla er
Ania Zimolag, f. 14. júní 1982,
sonur hennar er Jakub, f. 9. júlí
2001. Þau eru búsett í Keflavík.
Bræður Ísaks Inga eru Baldur
Þór, f. 4. maí 2004
og Mikael Máni
Meyvant, f. 1. des-
ember 2010.
Foreldrar Ólafar
Maríu eru Jón Ísak
Harðarson, f. 1958
og Sólveig Brynja
Skúladóttir, f. 1958,
búsett í Bolung-
arvík. Foreldrar
Guðbjarts Atla eru
Bjarni Albertsson,
f. 1953 og Guðrún Guðbjarts-
dóttir, f. 1955, búsett í Keflavík.
Ísak Ingi ólst upp í Bolung-
arvík og var í Grunnskólanum í
Bolungarvík.
Útför Ísaks Inga fer fram frá
Hólskirkju í Bolungarvík í dag,
22. júní 2013, og hefst athöfnin
kl. 14.
Elsku hjartans afa- og
ömmugullið okkar. Það er ekki
hægt að hugsa þá hugsun til
enda að þú sért ekki hjá okkur
lengur.
Sjáum alltaf fyrir okkur fal-
lega brosið þitt og alltaf var
stutt í smá stríðnisglott. Og
alltaf varstu til í að knúsa allar
ömmur og afa. Nú sitjum við og
yljum okkur við góðar minn-
ingar og allar samverustund-
irnar, heima og í Kotinu þar
sem þú vildir alltaf helst vera. Í
Kotinu okkar mátti smíða og
tálga sverð, báta til að sigla í
læknum eða í fjörunni, vaða út í
sjó og fara aðeins uppfyrir stíg-
vélin. Fara með afa fram að
vatni að veiða silung og hjálpa
svo til við að flaka. Og ekki var
nú verra að fíflast aðeins með
garðslönguna og skella sér í
pottinn á eftir.
Og ef að Baldur bróðir þinn
var ekki með í einhverri ferð-
inni passaðir þú upp á að smíða
bát fyrir hann líka og mála. Og
þú kunnir nú vel á ömmu þína,
sendir henni sms: „Ég elska
þig“ og stundum kom eftir smá
„á svo litla inneign amma“ og
auðvitað lagði amma inn á sím-
ann hjá stráksa, ekki hægt að
standast svona nokkuð.
Það verður skrítið fyrir
börnin í fjölskyldunni að hafa
þig ekki lengur. Uppátækin þín
voru mörg ansi skrautleg og
eftirminnileg og mikið brallað.
Síðasta ferðalagið okkar saman
var á sjómannadaginn. Þá
keyrðuð þið afi með okkur
Deddu í Hveró, gistuð eina nótt
og við áttum góðan tíma saman
áður en við fórum með þig í
flugið austur. Spennan var mik-
il, loksins varstu að fara í flott-
ustu sveitina, þar ætlaðir þú að
æfa þig að vera alvöru bóndi, fá
eigin fjósagalla og vera hjá
kúnum og tína steina með
Stebba afa. En dvölin varð
styttri en alla óraði fyrir.
Það er svo gott að eiga sam-
heldna fjölskyldu á svona erf-
iðum stundum og finna hlýjuna
og samhuginn í víkinni til okkar
og ungu foreldranna sem hafa
misst svo mikið. Ómetanleg
hjálp sem bæjarbúar hafa sýnt
og allir hjálpa til að auðvelda
fjölskyldunni hlutina. Nú verð-
um við að halda utan um unga
fólkið og styðja þau í þessari
miklu sorg.
Guð gefi okkur öllum styrk
til að takast á við breytta tíma.
Elskum þig að eilífu, gullið
okkar.
Láttu nú ljósið þitt
loga við rúmið mitt.
Hafðu þar sess og sæti,
signaði Jesús mæti.
(Höf. ók.)
Sólveig amma og
Jón Ísak afi.
Það er svo ótrúlega erfitt að
hugsa til þess að við séum að
kveðja þig í hinsta sinn, elsku
Ísak Ingi okkar. Þú kvaddir
þennan heim allt of fljótt, en
við vitum að þú ert kominn á
góðan stað í faðm vina og ætt-
ingja.
Við huggum okkur með því
að hugsa til allra góðu stund-
anna sem við höfum átt saman,
allra prakkarstrikanna sem þið
Aðalsteinn hafið brallað saman.
Þú verður ávallt hluti af okkur
og við munum oft rifja upp all-
ar góðu stundirnar sem við höf-
um átt saman.
Ó, sofðu, blessað barnið frítt,
þú blundar vært og rótt.
Þig vængir engla vefja blítt
og vindar anda hljótt.
Af hjarta syngja hjarðmenn þér
til heiðurs vögguljóð sem tér:
Sofðu rótt, sofðu rótt, vært og rótt,
sofðu rótt.
(Þýð. Þorgils Hlynur Þorbergsson)
Stefán Örn, Sigrún, Að-
alsteinn, Sólveig Birna og
Valborg.
Í minningu elskulegs nem-
anda, skólafélaga og vinar.
Þótt andlitið kunni
að gleðjast um stund,
getur hjartað grátið.
Ef þú vilt komast hjá því
að syrgja og sakna,
skaltu hætta að elska.
Því þeir missa mest
sem mikið elska.
Sá sem ekki elskar
missir ekki neitt,
en fer mikils á mis.
Leyfðu sorginni
að hafa sinn tíma
og fara sinn eðlilega farveg.
Svo mun það gerast,
smátt og smátt,
að þú gefst upp fyrir henni
og minningarnar björtu og góðu
komast að,
taka við
og búa með þér.
Ómetanlegar minningar
sem enginn getur frá þér tekið.
Að harðasta vetrinum loknum
fer svo að vora
og yljandi vindar
taka aftur um þig að leika
og litskrúðug
ólýsanlega fögur blóm
gera vart við sig,
hvert af öðru.
Þau taka að spretta
umhverfis lind minninganna.
Blessaðir séu þeir
sem gefa sér tíma
til að strjúka vanga
og þerra tár af kinn
bara með því að faðma
og vera.
(Sigurbjörn Þorkelsson)
Guð blessi foreldra, bræður
og alla aðstandendur og gefi
þeim styrk við ótímabæran ást-
vinarmissi.
Hinsta kveðja,
f. h. nemenda og starfsfólks
Grunnskóla Bolungarvíkur,
Steinunn Guðmundsdóttir.
Ísak Ingi
Guðbjartsson
Í tilefni þess að
tengdamóðir mín
elskuleg hún Krist-
rún Hreiðarsdóttir,
nú til heimilis að
Furugerði 1,
Reykjavík, fagnar
90 ára afmæli sínu
24. júní næstkom-
andi, langar mig til
að skrifa nokkur
orð um þessa mætu
konu.
Ég kynntist Kristrúnu og
Magnúsi, eiginmanni hennar,
fyrst þegar ég og einkasonur
þeirra hófum okkar lífsgöngu
saman fyrir 30 árum. Það var
mikið gæfuspor fyrir mig því
betri tengdamóður hefði ekki
verið hægt að hugsa sér. Hún
tók mér strax opnum örmum þó
ég væri ólík hennar fólki og lét
mig finna að ég væri velkomin í
fjölskylduna. Ég segi nú stund-
um í gríni að ég hefði alveg ver-
ið tilbúinn til að vera gift hon-
um Palla mínum, bara til að
eiga hana Kristrúnu fyrir
tengdamóður.
Kristrún er einstakalega fróð
og vel lesin og hinn mesti lestr-
arhestur. Hún er hógværasta
manneskja sem ég hef kynnst.
Fyrstu árin sem ég þekkti hana
fannst mér það ekki geta staðist
að hægt væri að vera svona
hógvær og af hjarta lítillátur
eins og hún, en hef komist að
því að það er hægt. Að ala upp
börnin sín með slíka ömmu sér
við hlið var mér og okkur ómet-
anlegt. Hún var (og er) alltaf
Kristrún
Hreiðarsdóttir
svo natin við þau
og dugleg að spila
við þau, segja þeim
sögur, fara með
vísur og syngja
með þeim og
greinilegt að hún
hefur mikla gleði af
samvistum við
börn. Gleðin og
kærleikurinn sem
alla tíð hefur geisl-
að frá henni til mín
hefur gert mig að betri mann-
eskju.
Ég vona að þessi grein nái að
birtast fyrir sjálfa afmælisveisl-
una en í tilefni af þessum tíma-
mótum bjóða börn hennar,
tengdabörn og barnabörn, vin-
um og vandamönnum til sam-
sætis henni til heiðurs sunnu-
daginn 23. júní í safnaðarheimili
Grensáskirkju kl. 14.
Kristrún getur ekki veitt
gjöfum viðtöku en biður vel-
unnara að láta Grensáskirkju
njóta þess, en kirkjan fagnar á
þessu ári 50 ára afmæli. Krist-
rún hefur frá upphafi byggingar
Grensáskirkju verið virk í safn-
aðarstarfinu, bæði í kvenfélag-
inu, þar sem vinnusemi og
skipulagshæfileikar hennar hafa
notið sín og í kirkjukórnum þar
sem sönghæfileikar hennar
fengu að njóta sín. Nú vill hún
enn láta gott af sér leiða til
kirkjunnar sinnar í tilefni af 90
ára afmæli sínu, afþakkar allar
gjafir en biður um að kirkjan
hennar njóti.
Elfa Dröfn Ingólfsdóttir.
Afmæli
✝
Innilegar þakkir til þeirra fjölmörgu sem sýnt
hafa fjölskyldunni samúð og kærleik við
andlát og útför elskulegrar móður okkar,
tengdamóður, ömmu og langömmu,
GUÐNÝJAR ÞORSTEINSDÓTTUR,
Efstaleiti 14,
og heiðrað minningu hennar á margvíslegan
hátt.
Sérstakar þakkir til Brynjars Viðarssonar sérfræðilæknis í
blóðlækningum á Landspítalanum og starfsfólks hjúkrunar-
heimilisins Ísafoldar í Garðabæ fyrir alúð og nærgætni.
Halldóra Sigurðardóttir, Viðar Símonarson,
Anna Sjöfn Sigurðardóttir, Guðmundur Páll Ásgeirsson,
Ólafur Njáll Sigurðsson, Birna Bergsdóttir,
barnabörn og barnabarnabörn.
Hjartans þakkir fyrir hlýjar samúðarkveðjur
við andlát og útför elskulegs eiginmanns
míns,
ROLFS MARKAN,
Lækjasmára 8,
Kópavogi.
Sérstakar þakkir fær starfsfólk líknardeildar
Landspítalans fyrir alúð og frábæra umönnun.
Fyrir hönd aðstandenda,
Sofie Marie Markan.
✝
Innilegar þakkir til allra þeirra sem sýndu
okkur samúð og hlýhug við andlát og útför
frænda okkar,
HREGGVIÐS JÓNSSONAR,
fyrrverandi alþingismanns,
Starengi 26,
Reykjavík.
Fyrir hönd aðstandenda,
Símon Páll Steinsson,
Sigurlína Steinsdóttir.
✝
Hjartans þakkir til allra fyrir auðsýnda samúð
og hlýhug við andlát ástkærs sonar okkar,
bróður, mágs og frænda,
ÁRSÆLS SNORRASONAR.
Snorri Friðriksson, Steinunn Húbertína Ársælsdóttir,
Katharina Sibylla Snorradóttir, Eggert Smári Eggertsson,
Jón Friðrik Snorrason, Jóhanna Magnúsdóttir,
frændsystkini og fjölskylda.
Raðauglýsingar
Nauðungarsala
Uppboð
Framhald uppboðs á eftirfarandi fasteign verður háð á henni
sjálfri, sem hér segir:
Furuhlíð 2, Sauðárkróki, fnr. 213-1589. Þingl. eig.: Guðlaugur Elinn
Einarsson. Gerðarbeiðandi: Arion-banki. Þriðjudaginn 25. júní nk.
kl. 14:00.
Sýslumaðurinn á Sauðárkróki,
20. júní 2013.
Uppboð
Einnig birt á www.naudungarsolur.is
Framhald uppboðs á eftirfarandi eignum verður háð á
þeim sjálfum, sem hér segir:
Iðunnarbrunnur 12, 231-4243, Reykjavík, þingl. eig. Gunnar Gunnars-
son, gerðarbeiðandi Arion banki hf., fimmtudaginn 27. júní 2013
kl. 15:00.
Laugavegur 163, 200-9811 og 200-9812, Reykjavík, þingl. eig. Egill
Þorsteinss. kíróprakt. ehf., gerðarbeiðandi Arion banki hf., fimmtu-
daginn 27. júní 2013 kl. 10:00.
Miklabraut 42, 202-9792, Reykjavík, þingl. eig. Ámundi Óskar Johan-
sen, gerðarbeiðendur Orkuveita Reykjavíkur og Reykjavíkurborg,
fimmtudaginn 27. júní 2013 kl. 10:30.
Miklabraut 42, 202-9793, Reykjavík, þingl. eig. Ámundi Óskar Johan-
sen, gerðarbeiðendur Orkuveita Reykjavíkur og Reykjavíkurborg,
fimmtudaginn 27. júní 2013 kl. 10:45.
Reykás 29, 204-6348, Reykjavík, þingl. eig. Berglind N. Gunnlaugs-
dóttir, gerðarbeiðandi Reykás 29, húsfélag, fimmtudaginn 27. júní
2013 kl. 13:30.
Suðurás 24, 221-4936, Reykjavík, þingl. eig. Guðlaugur L. Sveinsson,
gerðarbeiðandi Drómi hf., fimmtudaginn 27. júní 2013 kl. 14:00.
Sýslumaðurinn í Reykjavík,
21. júní 2013.
Uppboð
Einnig birt á www.naudungarsolur.is
Framhald uppboðs á eftirfarandi eignum verður háð á
þeim sjálfum, sem hér segir:
Kirkjustétt 19, 226-2985, Reykjavík, þingl. eig. Ólöf Kristjánsdóttir,
gerðarbeiðendur Orkuveita Reykjavíkur og Reykjavíkurborg, miðviku-
daginn 26. júní 2013 kl. 11:00.
Kistumelur 6a, 232-9098, Reykjavík, þingl. eig. Kistumelur ehf., gerð-
arbeiðandi Reykjavíkurborg, miðvikudaginn 26. júní 2013 kl. 11:30.
Klapparhlíð 7, 227-0708, Mosfellsbæ, þingl. eig. Kristín Eva Sveins-
dóttir, gerðarbeiðandi Íbúðalánasjóður, miðvikudaginn 26. júní 2013
kl. 10:00.
Lágmúli 7, 229-1069, Reykjavík, þingl. eig. Stofnverk ehf., gerðarbeið-
andi Íslandsbanki hf., miðvikudaginn 26. júní 2013 kl. 14:30.
Rauðagerði 16, 203-5414, Reykjavík, þingl. eig. Helgi Steinar
Hermannsson og Sara Soroya Chelbat, gerðarbeiðendur Orkuveita
Reykjavíkur og Reykjavíkurborg, miðvikudaginn 26. júní 2013
kl. 14:00.
Reykjamelur 6, 208-4164, Mosfellsbæ, þingl. eig. Alma Ósk Guðjóns-
dóttir og Sveinberg Þór Birgisson, gerðarbeiðendur Sýslumaðurinn á
Blönduósi ogTollstjóri, miðvikudaginn 26. júní 2013 kl. 10:30.
Æsufell 6, 205-1730, Reykjavík, þingl. eig. Ólöf Garðarsdóttir, gerðar-
beiðendur Lífeyrissjóður verslunarmanna, Orkuveita Reykjavíkur,
Reykjavíkurborg, Sjóvá-Almennar tryggingar hf. og Æsufell 2-6,
húsfélag, miðvikudaginn 26. júní 2013 kl. 13:30.
Sýslumaðurinn í Reykjavík,
21. júní 2013.
Að skrifa minningagrein
Skilafrestur minningagreina er á hádegi tveimur virkum
dögum fyrir útfarardag, en á föstudegi vegna greina til
birtingar á mánudag og þriðjudag.
Fjöldi greina í blaðinu á útfarardag ræðst af stærð blaðsins
hverju sinni en leitast er við að birta allar greinar svo fljótt
sem auðið er. Hámarkslengd minningagreina er 3.000
tölvuslög með bilum. Lengri greinar eru vistaðar á vefnum,
þar sem þær eru öllum opnar.