Morgunblaðið - 22.06.2013, Blaðsíða 47

og Matthew McConaughey og ann-
arri þáttaröð Banshee sem sýnd
verður á kapalstöðinni Cinemax
sem er í eigu HBO. „Ég get eig-
inlega ekkert sagt um hvað ég er
að gera, það væri líka ekkert gam-
an fyrir fólk að vita það, ef það vill
sjá þættina,“ segir Ólafur Darri um
þau verkefni. Í True Detectives
fara Harrelson og McConaughey
með hlutverk leynilögreglumanna
sem starfa saman. Ólafur Darri ber
þeim félögum vel söguna, segir þá
yndislega báða tvo.
-Varstu eitthvað að „tsjilla“ með
þeim, fóruð þið á pöbbinn?
„Nei, ég var bara í vinnunni.“
-En var stjanað við þig í þessu
öllu saman? Var mikill munur á
aðstæðum þarna og hér, betri mat-
ur?
„Allur aðbúnaður er annar, auð-
vitað. Það eru mjög stór „crew“ yf-
irleitt og jú, lagt mikið í mat. Við
megum ekki gleyma því að í Amer-
íku er meirihluti tökuliðsins ekki
heima hjá sér, það býr kannski í
LA en er að vinna í New Orleans í
hálft ár. Það eru oft aðstæður fólks
og eins gott að maturinn sé góður.
Maður fær inni í einhverju hjólhýsi
þar sem maður getur horft á sjón-
varpið, vídeó eða dvd ef maður vill,
hefur sófa og hefur það kósí með
eigið klósett. Það er mjög fínt. Yfir-
leitt gefst okkur ekki færi á þessu í
íslenska bransanum, við höfum
bara ekki pening í það. Það er rosa-
lega gott að geta farið og verið út
af fyrir sig, undirbúið sig og gert
sitt og farið svo beint í vinnuna.
Það er gott að finna fyrir því hvað
betri umbúnaður getur hjálpað
manni í starfi.“ Ólafur Darri segir
þetta þó ekki breyta neinu um það
að honum finnist yndislegt að leika
í íslenskum kvikmyndum og hann
muni halda því áfram.
-Þú varst frá unnustu þinni og
barni í þrjá mánuði. Var það ekki
erfiðasti hlutinn af þessu?
„Jú, þetta er svolítið eins og að
fara í útlegð,“ svarar Ólafur Darri.
Hann sé að reyna að koma sér fyrir
á nýjum markaði og þurfi að sætta
sig við þær fórnir sem þarf að færa.
Umboðsmaður og tilviljun
Ólafur Darri fæddist í Bandaríkj-
unum og þarf því ekki að sækja um
landvistar- eða atvinnuleyfi þar í
landi sem hjálpar vissulega til þeg-
ar honum bjóðast hlutverk í banda-
rískum kvikmyndum og sjónvarps-
þáttum. En hvernig landaði hann
þessum hlutverkum?
„Ég er bara svo heppinn og auð-
vitað reyni ég að vinna vinnuna
mína vel. Í stuttu máli byrjaði þetta
á því að ég fékk umboðsmann í LA
síðasta haust og hann byrjaði að
senda mig í prufur. Þá var áhugi
fyrir því að fá mig í þessa HBO-
þætti og ég fór til New York til að
prufa fyrir þá og tilviljun réð því að
ég hitti leikstjóra þessarar bíó-
myndar. Ég fór í prufu fyrir hann í
gegnum Skype, sem ég hafði aldrei
prófað áður og var mjög merkilegt
og fékk það hlutverk. Svo get ég
þakkað bæði „casting directornum“
að þessum þáttum og leikstjóra
þessarar bíómyndar að ég fékk
hlutverk í Banshee. Leikstjórinn
þekkti skríbent þáttanna og þeir
áttu í einhverjum tölvupósts-
samskiptum þar sem leikstjórinn
hvatti hann til að ráða mig.“
-Þannig að þetta er minni heimur
en fólk heldur? Maður þekkir
mann?
„Það er með þennan heim eins og
hér. Ég reyni að passa mig eins og
ég get að vera þægilegur í sam-
starfi, er vel undirbúinn í vinnunni,
kem með það sem þarf og menn
vilja vinna aftur með fólki sem
vinnur fagmannlega.“
-Þetta tengist ekkert Djúpinu?
„Jú, Djúpið hjálpaði alveg of-
boðslega mikið. Það að Baltasar
hafi ráðið mig í Contraband á sín-
um tíma hjálpar. Um leið og þú
getur sagt „ég er búinn að leika í
þessari mynd“ og „ég var að leika í
Ben Stiller-mynd“ hjálpar það
ennþá meira,“ segir Ólafur Darri.
„Þá ertu kominn með eitthvað „cre-
dibility“ og það er aðalvandamál
leikara, það eru svo ótrúlega marg-
ir hæfileikaríkir leikarar sem ná
aldrei að koma fætinum inn fyrir
dyrnar, fá ekki að láta ljós sitt
skína. Það er það sem ég á við þeg-
ar ég tala um heppni, að vera rétti
maðurinn á réttum stað, hitta rétta
fólkið þegar verið er að leita að
leikara eins og þér.“ Ólafur Darri
bætir því við að þegar hann var úti
í leikprufum hafi Djúpið komist á
stuttlista kvikmynda sem tilnefndar
voru til Óskarsverðlaunanna sem
besta erlenda kvikmyndin og
myndin hafi verið keypt af dreifing-
arfyrirtæki ytra. Samstarfið við
Baltasar hafi því hjálpað mikið til
og Baltasar hvatt hann til að nýta
tækifæri sín vel. Það sé lykilatriði.
Styrkleikar og veikleikar
-Nú hlaustu Grímuverðlaun í ár
og á þeirri hátíð fagnar leikhúsfólk
því sem vel er gert. En hverjir
finnst þér vera styrkleikar og veik-
leikar íslensks leikhúss í dag?
„Styrkleikinn finnst mér klárlega
vera fjölbreytnin, mér finnst vera
ofboðslega mikil fjölbreytni þó það
sé algjörlega fáránlegt núna, á
þessu ári, að það hafi ekki verið
frumsýnd nógu mörg barnaleikrit til
að hægt væri að veita verðlaun fyrir
bestu barnasýninguna. En ég er
ekkert viss um að það sé okkur að
kenna, listamönnunum, við erum
búin að vera mjög fjársvelt frá
hruni, eðlilega, og erum að glíma
við afleiðingar þess. Það eru erfiðir
tímar hjá sjálfstæðum leikhópum og
það hefur áhrif á okkur,“ svarar
Ólafur Darri. Þá sé mikil gróska í
grasrótinni, forvitnilegar sýningar
hjá nýjum leikhópum og þá ekki síst
danssýningar. „En veikleikinn …
mér finnst stundum vanta upp á við
séum fagmannlegri. Þá meina ég að
mér finnst oft illa gert við leikhópa,
of lítið fé veitt til þeirra og mér
finnst okkur vanta meira bein í nef-
ið þegar við erum að fjalla um sam-
tímaviðburði, sérstaklega. Við höf-
um fjallað mikið um hrunið undir
rós, til dæmis, þetta er risaatburður
í okkar sögu. Við megum ekki
gleyma því að í mörgum löndum,
t.d. Þýskalandi, er leikhús nánast
sett til höfuðs pólitík og rekstri rík-
isins og eðlilega því þar hafa menn
mjög öfgakennd dæmi um hvað get-
ur gerst ef pólitíkin fær að ráða án
nauðsynlegrar gagnrýni,“ segir
Ólafur Darri. Það þurfi að hvetja til
gagnrýnnar hugsunar og eiga í sam-
ræðum og rökræðum um hvernig
eigi að gera hlutina.
Stór og loðinn Hamlet
Ólafur Darri er með mörg járn í
eldinum. Hann er m.a. að fara að
leika í sjónvarpsþáttaröðinni
Ófærð sem tekin verður upp á
Seyðisfirði, leika sjálfan Hamlet í
jólasýningu Borgarleikhússins og
svo hyggst hann reyna fyrir sér
sem kvikmyndaleikstjóri.
Byrjum á Danaprins. Ólafur
Darri segist hafa átt von á því að
Magnús Geir Þórðarson, leik-
hússtjóri Borgarleikhússins,
myndi bjóða honum að fara með
hlutverk í Hamlet, t.d. hlutverk
föðurbróðurins, en hann hafi aldr-
ei átt von á því að vera boðið að
leika prinsinn. Af hverju?
„Kannski af því ég er stór og feit-
ur, ég tengi Hamlet við að vera
lítill og mjór eða miklu yngri. Ein-
hverra hluta vegna datt mér það
aldrei í hug og það varð til þess
að ég varð að gera þetta. Ég hef
engar hugmyndir um hvernig ég
leik Hamlet og þá verður það
spennandi. Svo fannst mér veru-
lega spennandi að vinna aftur með
Jóni Páli [Eyjólfssyni, leikstjóra].
Ég vann með honum í fyrsta
skipti sem leikstjóra í Músum og
mönnum og það er ein mín besta
leikhúsreynsla.“
-Þú verður áreiðanlega stærsti
og loðnasti Hamletinn sem verið
hefur á íslensku leiksviði?
„Ég býst við því. Örugglega,“
segir Ólafur Darri og skellir upp
úr.
Erfiðar bækur að kvikmynda
-Nú ertu að vinna að kvik-
myndahandriti upp úr Sandárbók-
inni eftir Gyrði Elíasson og ætlar
að leikstýra myndinni. Hversu
langt er það verkefni komið?
„Það er ekki komið neitt plan
varðandi það hvenær við gerum
hana en handritspælingar eru
byrjaðar. Guðmundur Óskarsson
er að skrifa þetta með mér, hann
hefur verið að skrifa þetta að
mestu leyti. Mér finnst við komnir
með réttu hugmyndina,“ segir
Ólafur Darri. Hann sjái Sigurð
Skúlason fyrir sér í aðalhlutverk-
inu og vonandi verði af því. Ólafur
Darri hefur heldur litla reynslu af
leikstjórn, hefur fram til þessa að-
eins leikstýrt áhugaleikhópum,
nemendum í Menntaskólanum í
Reykjavík og Verzlunarskóla Ís-
lands. Það verður því forvitnilegt
að sjá hvernig honum tekst til sem
kvikmyndaleikstjóri.
-Þú ert líka kominn með kvik-
myndaréttinn að skáldsögu Jóns
Kalmans, Sumarljós og svo kemur
nóttin …
„Já, ég og Elvar Aðalsteinsson
höfum keypt kvikmyndaréttinn að
Sumarljósi og erum mjög áhuga-
samir um að breyta henni í kvik-
mynd. Við Elvar höfum unnið sam-
an áður og það er ýmsilegt í
pípunum hjá okkur, m.a. þessi bók
sem okkur finnst dásamleg,“ segir
Ólafur Darri. „Þetta er ekki auð-
veldasta bók í heimi að kvikmynda,
margar sögur þannig að við erum
líka að reyna að finna hvernig frá-
sagnarformið þarf að vera. Það er
líka það sem ég er að glíma við
með Sandárbókina. Hún er ofsa-
lega mikil bók, gerist í kollinum á
aðalpersónunni nánast að öllu
leyti. Áskorunin sem við erum að
glíma við er að koma henni yfir í
kvikmyndarform.“
Skemmtilegir tímar
-Þú þarft að halda mörgum bolt-
um á lofti, það er mikið að gera
hjá þér, mörg verkefni framundan?
„Já, já og maður þarf að passa
að maður sé ekki of víða, verði
ekki of slitinn. Ég er að ganga í
gegnum skemmtilega tíma sem
leikari, fá mörg skemmtileg tilboð
og þá er erfitt að segja nei. En ég
hef verið duglegur að segja nei við
fullt af hlutum sem ég hélt ég
myndi aldrei segja nei við,“ segir
Ólafur Darri að lokum og hlær
innilega sínum bráðsmitandi hlátri.
Morgunblaðið/Einar Falur
Eftirsóttur Ólafur
Darri í sumarblíð-
unni við Rauðavatn.
MENNING 47
MORGUNBLAÐIÐ LAUGARDAGUR 22. JÚNÍ 2013
SUNDHÖLL
REYKJAVÍK
UR
Hönnunarsamk
eppni um viðby
ggingu og útis
undlaug
Reykjavíkurborg og Arkitektafélag Íslands efna til opinnar
samkeppni um hönnun á viðbyggingu og útilaugasvæði við
Sundhöllina í Reykjavík sem er friðuð bygging.
Markmið Reykjavíkurborgar með samkeppninni er
að fá fram vandaðar tillögur að viðbótum við
Sundhöll Reykjavíkur sem þjónað hefur íbúum og
gestum Reykjavíkurborgar í ríflega 76 ár. Sérstök
áhersla er lögð á að byggingarlist hússins, að innan
sem utan, verði gert hátt undir höfði og að fullt tillit
verði tekið til hennar við hönnun á viðbyggingu og
við endurbætur Sundhallarinnar.
Gert er ráð fyrir að samið verði við höfunda fyrstu
verðlaunatillögu um áframhaldandi hönnun á
verkefninu til útboðs.
Skilafrestur tillagna í samkeppnina
er 17. september 2013
Nánari upplýsingar er að finna í keppnislýsingunni,
sem er aðgengileg á vefsíðum Reykjavíkurborgar og
Arkitektafélagsins. Ítargögn fá þeir sem skrá sig til
þátttöku.
www.hugmyndasamkeppni.is
www.ai.is