Morgunblaðið - Sunnudagur - 21.07.2013, Qupperneq 24

*Heimili og hönnunKringum snoturt bárujárnshús í Hafnarfirði hefur ævintýragarði verið komið upp síðustu ár »26
Í
litlu rými í Álfheimum hafa hjónin Tobba og Sæþór opnað
litla verslun sem heitir Vinnustofan, og ber nafn með
rentu, því þar vinna þau bæði. Þar má kaupa afrakstur
vinnu þeirra, en Sæþór, sem hefur málað olíumálverk frá
unglingsárum, er að silkiprenta á boli, efni og pappír. „Þetta
verður svolítið eins og pitsustaður, þú kemur inn og sérð
hvernig varan verður til,“ segir Sæþór, en einnig verður
hægt að kaupa vörurnar á netinu og fá þær sendar heim.
Tobba vinnur hin ýmsu verkefni í grafískri hönnun í tölvunni
og Sæþór sér um silkiprentarann, en hvert verk er handgert.
Þau hanna mynstur á boli, tækifæriskort, jólapappír, gesta-
bækur og viskustykki, svo eitthvað sé nefnt. Þau segjast
leggja áherslu á gæði, en ekki magn og leitast við að nota
endurunnin eða lífræn efni og vilja með því sýna umhverfinu
virðingu.
Kaffivélin frá Neskaupstað
Í vinnustofunni er notalegt andrúmsloft, en þau hafa inn-
réttað Vinnustofuna með gömlum munum sem þau hafa
keypt. Forláta búðarborð fengu þau á bland.is, lamparnir á
veggjum eru úr Stálsmiðjunni, og átti að farga þeim, og tveir
gamlir stólar eru úr Þjóðleikhúsinu. Búðarkassann átti afi
hennar Tobbu. „Við vildum hafa hluti með sál,“ segir hún.
Kaffivélin, sem kemur alla leið frá Neskaupstað, malar í
horninu og bakkelsi er á boðstólum úr bakaríinu við hliðina á.
Hjónin segja bæði það ekki vera erfitt að vinna saman all-
an daginn. Þau stunduðu nám í Mílanó og eiga í dag þrjú
börn. „Við erum búin að vera saman í sextán ár, kynntumst í
Kvennó, erum „high school sweethearts,““ segir Tobba og
Sæþór tekur undir að samstarfið gangi vel.
SAMRÝMD HJÓN Í ÁLFHEIMUM
Vinnustofan
Bolir sem þau hanna eru til sölu í Vinnustofunni.
Sæþór og Tobba ásamt
börnum sínum, Baldri Páli,
Sölku Elínu og Sögu Maríu.
Hjónin Tobba og Sæþór hafa safnað mörgum skemmtilegum
hlutum í Vinnustofuna, sem staðsett er í Álfheimum.
Þessir stólar komu upp-
runalega frá Þjóðleikhúsinu.
Plötuspilarinn og búðarkassinn eru hlutir með sál.
Þessi fallegi búðarkassi til-
heyrði áður afa Tobbu.
TOBBA ÓLAFSDÓTTIR GRAFÍSKUR
HÖNNUÐUR OG MAÐUR HENNAR SÆÞÓR
ÖRN ÁSMUNDSSON HREYFIGRAFÍKER
HAFA OPNAÐ NÝSTÁRLEGA BÚÐ SEM
JAFNFRAMT ER VERKSTÆÐIÐ ÞEIRRA.
Texti: Ásdís Ásgeirsdóttir asdis@mbl.is
Ljósmyndir: Kristinn Ingvarsson kring@mbl.is
Lamparnir góðu
úr Stálsmiðjunni.