Morgunblaðið - 17.10.2013, Side 26
26
MORGUNBLAÐIÐ FIMMTUDAGUR 17. OKTÓBER 2013
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Það er ríku-leg ástæðatil að óska
íslensku lands-
liðsmönnunum,
þjálfurum þeirra
og öðrum sem
koma að und-
irbúningi liðsins til ham-
ingju. Úrslitin í Noregi (og í
Sviss) voru sannarlega
ánægjuleg. Og í leiðinni er
við hæfi að þakka knatt-
spyrnuköppunum góð tilþrif
og góða skemmtun. Liðið
náði mjög mikilvægum
áfanga með landsleiknum
gegn Noregi.
Knattspyrnuspekingar
virðast samdóma um að þar
með hafi Ísland náð lengra á
sviði knattspyrnunnar en
það hefur áður gert, þótt
einungis sé um það að ræða
að réttur vannst til að kom-
ast í tveggja leikja umspil
sem skera mun úr um, hvort
Ísland verði beinn þátttak-
andi í sjálfri heimsmeist-
arakeppninni í Brasilíu á
næsta ári.
Þessi árangur verður ekki
flokkaður sem hrein til-
viljun eða óvæntur happa-
fengur. Keppnisfyr-
irkomulagið gerir út af við
slíkar kenningar. Riðla-
keppnin er í 10 lotum, þar
sem mjög reynir á alla
helstu eiginleika sem eitt
knattspyrnulið þarf að búa
yfir. Á meðal andstæðinga
íslenska landsliðsins voru
öflugar knattspyrnuþjóðir,
sem fyrirfram höfðu þótt
miklu líklegri til afreka
heldur en íslenska liðið.
Satt best að segja voru
þeir sárafáir sem töldu í
keppnisbyrjun að íslenska
liðið ætti mikla möguleika.
Þær staðreyndir ýta vissu-
lega undir fögnuð og sig-
urgleði núna. En „við eigum
brekku eftir, hún er há“.
Hann er að aukast brattinn,
sem sækja þarf á.
Í undankeppninni í okkar
heimshluta hafa 36 þjóðir
fallið úr leik og þar á meðal
þekktar knattspyrnuþjóðir.
Nægir að nefna til sögunnar
Austurríki, Danmörku, Ír-
land, Noreg, Pólland, Skot-
land, Tékkland og Ung-
verjaland. Aðeins 8 þjóðir
hafa komist í umspil og þar
á meðal er Portúgal.
Það landslið, sem dragast
mun á móti Íslandi í tveggja
leikja einvígi, verður eitt af
þeim sem náðu öðru sæti í
riðlakeppninni og lang-
flestar þær
knattspyrnu-
þjóðir sem til
álita koma verða
með mun hærra
styrkleikamat en
íslenska lands-
liðið.
Þrátt fyrir þann talna-
fróðleik getur landsliðið
gengið af heilbrigðu sjálfs-
trausti til næstu leikja. Því
ræður baráttan fram að
þessu. Hún sýnir að á góð-
um degi getur íslenska
landsliðið átt vinningsvon
gegn flestum þeim lands-
liðum sem verða í um-
spilinu.
Árangurinn sem náðist í
riðlakeppninni hefur nú ver-
ið færður til bókar í knatt-
spyrnusögu landsins, með
feitu letri og flennistórum
fyrirsögnum, eins og var við
hæfi. Sá árangur verður
ekki af íslenskri knatt-
spyrnu tekinn héðan af. En
um leið ýtir hann undir
miklar væntingar og jafnvel
kröfur og ekki er víst að
raunsætt mat verði mjög
fyrirferðarmikið í þeirri
umræðu allri. En þetta er
veruleiki sem við þekkjum
vel. Það vex hugur þá vel
gengur og mikið vill meira.
Hið jákvæða við þennan
„þorsta“, þetta „hungur“
eftir enn betri árangri eru
áhrifin sem það hefur á bar-
áttuanda liðsins og á þann
stuðning sem það mun finna
fyrir hjá þjóðinni. Það
keppnisskap og sá stuðn-
ingur getur ráðið úrslitum í
leikjunum tveimur í næsta
mánuði, ef menn gæta þess
um leið að láta ekkert rugla
ró sína og dómgreind.
En um leið og utanvall-
armenn heita því að draga
ekki í neinu úr stuðningi
sínum og hvatningu við
landsliðið er þeim hollt að
skrifa á bak við eyrað að
þeir eru um leið ráðnir í því,
að taka hverri þeirri nið-
urstöðu sem verður með
reisn og af myndarskap.
Ef svo vel tekst til, að úr-
slit falla okkur í hag, er við
hæfi að fagna því mjög og
kætast eins og kostur er. En
verði raunin sú að við drög-
um styttra stráið í þeirri
baráttu, sem verður í nóv-
ember, þá er rétt að halla
sér aftur á bak, telja upp á
10 (sem var leikjafjöldinn í
undankeppninni) og láta
hugann reika til þess góða
áfanga sem þegar er í húsi.
Nú er íslenska
landsliðinu fagnað
en annað augað
haft á baráttunni
framundan}
Myndarlegur áfangi
S
jálfstæðisflokkurinn hefur haft orð
á sér fyrir að vera vel skipulagður
stjórnmálaflokkur þar sem áber-
andi sjálfsagi ríkir meðal flokks-
manna. Þetta er flokkur þar sem
lítið er um tilfinningaleg upphlaup og sér-
viskulega uppsteyta sem eru nær daglegt
brauð hjá vinstriflokkum landsins sem geta
yfirleitt ekki komið sér saman um nokkurn
hlut nema það helst að vera á móti íhaldinu.
Í vel skipulögum flokki eins og Sjálfstæð-
isflokknum er næsta sjálfsagt að menn setji
sig í gírinn þó nokkru áður en líður að kosn-
ingum, stilli saman strengi og komi sér saman
um áherslur. Þetta hefur ekki orðið raunin hjá
borgarstjórnarflokki Sjálfstæðisflokksins.
Þar hefur deyfðin verið svo mikil að maður er
næstum því undrandi á því að borgarfulltrú-
um hafi tekist að átta sig á því að borgarstjórnarkosn-
ingar eru yfirvofandi.
Það er stórfurðulegt að horfa upp á vandræðagang
sjálfstæðismanna í höfuðborginni. Þeir hafa haft langan
tíma til að finna sér kröftugt borgarstjóraefni, en alls
ekkert aðhafst. Núverandi borgarfulltrúar flokksins eru
alveg örugglega mikið ágætisfólk en um leið og Besti
flokkurinn tók við í borginni er eins og þessir borgar-
fulltrúar hafi sjálfkrafa orðið óvirkir. Þeir hafa ekki beitt
sér af neinu afli og haft sáralítið fram að færa. Því ein-
kennilegra er það þegar þessir sömu borgarfulltrúar
stíga nú fram og segjast sækjast eftir leiðtogasæti í
borginni. Hvar og hvernig hafa þeir sannað
að þeir séu hæfir leiðtogar? Ekki hafa þeir
sýnt fram á ágæti sitt á þessu kjörtímabili
þar sem þeir hafa mestallan tímann verið að-
gerðalausir og hvorki lagt fram stefnumál né
mótaða framtíðarsýn. Þetta er skringileg
staða hjá flokki þar sem maður hélt að menn
væru vel skipulagðir og þrautþjálfaðir í kosn-
ingabaráttu og kæmu fram með athyglisverð
stefnumál.
Það getur ekki annað en vakið athygli allra
sem áhuga hafa á stjórnmálum hversu mátt-
leysislega borgarstjórnarflokkur sjálfstæð-
ismanna hefur starfað. Ef borgarfulltrúum
Sjálfstæðisflokksins finnst að borginni hafi
verið illa stjórnað þá fellur það undir vinnu-
skyldu þeirra að skýra frá því á afdráttar-
lausan hátt. Það hafa þeir engan veginn gert.
Getur verið að Jón Gnarr og félagar stjórni borginni svo
vel og fumlaust að borgarfulltrúar Sjálfstæðisflokks
finni ekkert athugavert við ákvarðanir meirihlutans?
Ansi finnst manni það nú ólíklegt.
Borgarfulltrúar Sjálfstæðisflokksins virðast ekki hafa
verið vel vakandi í vinnunni. Allavega hlýtur þetta að
vera einhver syfjulegasti minnihluti sem heyrst hefur
um í seinni tíma stjórnmálum á Íslandi. Þegar borgar-
stjórnarflokkur Sjálfstæðisflokksins stendur sig ekki í
málflutningi og enginn veit fyrir hvað borgarfulltrúarnir
standa, af hverju ættu borgarbúar þá að kjósa Sjálfstæð-
isflokkinn? kolbrun@mbl.is
Kolbrún
Bergþórsdóttir
Pistill
Syfjulegur minnihluti
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
FRÉTTASKÝRING
Viðar Guðjónsson
vidar@mbl.is
Þó Facebook-notendur séuum helmingi fleiri enTwitter-notendur á heims-vísu sýndi nýleg könnun,
sem sagt var frá á AFP, að Twitter
hefur tekið fram úr Facebook sem
vinsælasti samskiptamiðill banda-
rískra ungmenna. Facebook-
notendur eru í heild um 1,1 millj-
arður manna en Twitter notendur
rúmur hálfur milljarður. Engu að
síður er það mál markaðsmanna að
Twitter sé að sækja sig í veðrið
gagnvart Facebook.
Twitter í 33. sæti
Þegar horft er til Íslands í
þessu samhengi sést að Twitter er
síður en svo í almennri notkun hjá
landanum. Samkvæmt upplýsingum
frá vefmælingafyrirtækinu Alexa,
er Twitter í 33. sæti yfir þær net-
síður sem vinsælastar eru hér á
landi. Facebook er á hinn bóginn í
1. sæti.
Salvör Gissurardóttir, lektor í
upplýsingatækni og tölvunotkun í
námi og kennslu við Mennta-
vísindasvið Háskóla Ísland telur
erfitt að tilgreina einhverja eina
ástæðu á bakvið það að tístið nýtur
ekki vinsælda á Íslandi. Hún nefnir
þó þrennt sem kunni að skýra
þennan mikla mun á Facebook- og
Twitternotkun hér á landi. Í fyrsta
lagi geri smæð samfélagsins það að
verkum að tiltölulega fámennir
hópar tengi sig við málefni í gegn-
um „hashtögg“ á íslensku. Því vanti
nægilegan fjölda til þess að fylgjast
með og tísta um þau.
Í öðru lagi segir hún fjölmiðla
á Íslandi síður notast við Twitter
en kollegar þeirra í öðrum löndum.
„Fjölmiðlar flestra landa eru
duglegri en þeir sem eru á Íslandi
við að tengja fréttir sínar við Twitt-
er. Twitter byrjaði á því að vera
vinsælt hjá blaðamönnum því þeir
fengu oft upplýsingarnar fyrst í
gegnum tíst um leið og eitthvað
gerðist. Ef við tökum dæmi þá
koma kannsk tíst inn á Twitter um
leið og jarðskjálfti verður þó ekki
sé búið að skrifa heila frétt um það.
Facebook er hins vegar kannski
betri vettvangur fyrir þjóðmála-
umræðu þar sem kafað er ofan í
málin,“ segir Salvör og líkir hún
Twitter við fréttasóp en Facebook
við samfélag.
Í þriðja lagi nefnir hún net- og
farsímaþróun sem hugsanlega skýr-
ingu. Útbreiðsla Twitter hafi tengst
farsímum og farsímanotkun hafi
ekki aukist hraðar á Íslandi en ann-
ars staðar. Hins vegar hafi net-
aðgengi verið betra hér á landi en
víðast hvar og Facebook, sem
krefst þess að þú sért „mikið
tengdur,“ hafi af þeim sökum náð
þessari miklu útbreiðslu á Íslandi.
„Ég varpa þessu fram sem hugs-
anlegum skýringum en mér finnst
líklegasta skýringin og sú helsta
vera smæð þjóðarinnar,“ segir Sal-
vör.
Twitter í boltanum
Hjörtur Smárason, markaðs-
ráðgjafi og einn fyrsti Twitter-
notandinn á Íslandi tekur undir það
með Salvöru að smæðin hafi mikið
að segja. „Á Facebook eru allir vin-
ir og því tengdir saman. En á Twit-
ter þá getur þú fylgst með þekkt-
um einstaklingum eða þeim sem
eru leiðandi í þínum bransa án þess
að hafa persónulega tengingu við
þá. Kannski er samfélagið á Íslandi
þannig upp sett að þú getur orðið
vinur þeirra sem þú vilt fylgjast
með í gegnum Facebook,“ segir
Hjörtur og bætir við: „Það er helst
að fótboltasamfélagið hafi notað
Twitter til samskipta á Íslandi.“
Telja smæðina vera
tístinu fjötur um fót
Morgunblaðið/Ernir
Á Twitter Tiltölulega fáir Íslendingar hafa tileinkað sér notkun á samskipta-
miðlinum Twitter. Helst er að knattspyrnuáhugamenn tísti hér á landi.
Hjörtur Smára-
son, markaðs-
ráðgjafi, hefur
kennt sam-
félagsmiðla í há-
skólanum á Hól-
um í Hjaltadal
auk þess að hafa
haldið fjölda
námskeiða um
samfélagsmiðla. Hann hefur
einna helst notað Twitter til
kynningar á ferðaþjónustu, hér-
lendis sem og erlendis, með góð-
um árangri. Hann bendir á að í
nágrannalöndunum hafi Twitter
náð útbreiðslu í Svíþjóð og Nor-
egi en ekki í Danmörku. „Stjórn-
málamenn eru nánast allir með
Twitterreikning í Noregi og nota
hann mjög mikið,“ segir Hjörtur.
Hann bendir á að oft geti Twitt-
er-notkun breyst hratt á skömm-
um tíma. „Stóra breytingin í
Bandaríkjunum varð t.d. þegar
Oprah Winfrey fór að nota Twitt-
er,“ segir Hjörtur.
Oprah skipti
sköpum
TÍST Í NOREGI OG SVÍÞJÓÐ
Hjörtur
Smárason