Morgunblaðið - 31.12.2013, Blaðsíða 12
12 DAGLEGT LÍF
MORGUNBLAÐIÐ ÞRIÐJUDAGUR 31. DESEMBER 2013
Útsalan
hefst fimmtudaginn 2. janúar
v/Laugalæk • sími 553 3755
Listamaðurinn Simon Beck fer
ótroðnar slóðir, í orðsins fyllstu
merkingu, í listsköpun sinni. Hann fer
út í nýfallinn snjó og treður hann nið-
ur eftir ákveðnum leiðum og myndar
þannig stórkostleg mynstur sem eru
á töluvert stærri skala en gengur og
gerist.
Beck gengur fleiri kílómetra til að
búa til listaverkin og eflaust hafa
margir rekið upp stór augu þegar
þeir sjá hann að störfum. Það lítur
nefnilega út eins og hann hafi tapað
glórunni þar sem hann trampar í
snjónum á ákveðinn hátt í marga
klukkutíma og lætur fátt trufla sig.
Beck hefur um áraraðir unnið að
gerð ýmiss konar korta af borgum og
bæjum en í dag ver hann mestum
tíma í fjallgöngur og ljósmyndun.
Þegar hann býr til snjólistaverkin sín
byrjar hann á því að mæla svæðið ná-
kvæmlega út. Því næst treður hann
snjóinn vandlega og svo vel sé gerir
hann það þrisvar sinnum til að af-
raksturinn sé vel sýnilegur.
Flestir kunna vel að meta listaverk-
in þó svo að einstaka skíðakappi vilji
renna sér yfir þau.
Vefsíðan www.facebook.com/snowart8848
Einstakt Listaverk Simons Beck’s vekja athygli enda ekki annað hægt.
Undurfögur listaverk í snjónum
Yoko Ono hefur sagt að draumur
sem mann dreymir sé aðeins
draumur. Það sé ekki fyrr en
marga dreymir hann saman sem
hann geti ræst.
Í dag ætlar fjöldi fólks að
leggja sitt af mörkum til að einn
tiltekinn draumur verði að veru-
leika.
Það er gert með því að spila,
syngja eða hlusta á lag Johns
Lennons, Imagine, allir sem einn á
gamlárskvöld. Viðburðurinn er á
Facebook undir Universal dream –
dream for everyone.
John Lennon var friðarsinni og
kristallast ósk hans um frið í fjöl-
mörgum laga hans. Óskin um að
mannkynið geti sameinast og lagt
frá sér vopnin og fundið frið. Yoko
Ono, eftirlifandi eiginkona hans,
hefur ótrauð minnt fólk á þennan
friðarboðskap og mun eflaust
taka lagið í kvöld, ásamt þús-
undum, ef ekki milljónum annarra.
Endilega …
… láttu draum-
inn rætast
Morgunblaðið/RAX
Ósk Marga dreymir um frið.
Skannaðu kóðann
til að fara inn á
vefsíðuna.
Malín Brand
malin@mbl.is
Séra Guðmundur KarlBrynjarsson er prestur íLindakirkju. Í kirkjunnier unnið öflugt barna- og
unglingastarf sem Guðmundur
kemur að en hann er líka einn höf-
unda barnaefnisins um vinina Haf-
dísi og Klemma sem iðulega rata í
ótrúlegustu ævintýri áður en
sunnudagaskólinn hefst.
Að efninu koma, ásamt Guð-
mundi, þau Guðni Már Harðarson,
Þorleifur Einarsson, Hafdís Maria
Matsdóttir, Jóel Ingi Sæmundsson,
Ingunn Huld Sævarsdóttir og Lár-
us Páll Birgisson.
Jákvætt efni fyrir breiðan
aldurshóp
Barnaefnið heitir Daginn í dag
og nýtur það vaxandi vinsælda.
„Ýmsir hafa verið að hugsa
þetta í gegnum tíðina, að gefa út
einhvers konar sunnudaga-
skólaefni. Það fyrsta sem maður sá
fyrir sér var bara að segja ein-
hverjar sögur og fá börn til að
syngja en svo varð þetta miklu
stærra í höndunum á okkur,“ segir
Guðmundur Karl um tilurð barna-
efnisins.
Þó svo að efnið sé byggt á
dæmisögum Krists er barnaefnið
ekki sett upp með biblíuútskýr-
ingum heldur heimfært upp á nú-
tímann, á þann hátt sem birting-
armyndir dæmisagnanna væru í
dag. Efnið höfðar til breiðs aldurs-
hóps barna og segist Guðmundur
þekkja dæmi um að tveggja og tíu
ára börn sitji saman og horfi
áhugasöm á efnið.
Rauði þráðurinn
Diskarnir eru sem fyrr segir
þrír talsins og nokkrir þættir á
hverjum þeirra. „Þetta eru sjálf-
stæðir þættir, hver fyrir sig, en ef
maður horfir á þá alla þá er þráð-
ur í gegnum þá alla. Það er fram-
vinda í þeim,“ segir Guðmundur
Karl.
Í hverjum þætti er ein dæmi-
saga tekin fyrir og tengja krakk-
arnir í þáttunum þær við daglegt
líf.
„Þau lenda í einhverju sem
minnir þau á dæmisögurnar,“ segir
hann.
Fyrri diskarnir tveir seldust
vel og er eftir að koma í ljós
hvernig salan á þeim þriðja verður.
Þó vita höfundarnir að eftirspurn
er eftir barnaefni sem þessu.
„Það sem hefur sýnt okkur
mjög vel hvað þetta fellur í góðan
jarðveg er að báðar fyrri seríurnar
hafa farið á VOD-leigurnar og þær
hafa verið leigðar mjög mikið,“
segir Guðmundur Karl.
Má ekki gleyma þeim sem
ekki heyra
Höfundar barnaefnisins hafa
hug á að búa til meira efni með
það í huga að þeir sem ekki heyra
geti líka notið. Það er raunar hugs-
að fyrir því á þeim diskum sem út
eru komnir en Guðmundur Karl
segist hafa hug á að gera meira.
„Í söngvunum sem börnin
syngja er notast við tákn um leið
og þau syngja og það er mörgum
talhjálpartæki. Síðan syngur Tinna
táknmálsálfur, sem leikin er af
Kolbrúnu Völkudóttur, alltaf síð-
asta sálminn á táknmáli með börn-
unum. Í síðustu seríu leikur Hulda
M. Halldórsdóttir stelpu í þátt-
unum sem er heyrnarlaus. Við vilj-
um aðeins opna gátt heyrandi
barna inn í heim heyrnarlausra,“
segir Guðmundur Karl sem hlakk-
ar til að takast á við fleiri verkefni
í svipuðum dúr þegar fram líða
stundir.
Gátt heyrandi barna opnuð
inn í heim heyrnarlausra
Höfundurinn Séra Guðmundur Karl í jólamessunni í Lindakirkju.
Fyrir rúmlega þremur
árum kviknaði hugmynd
að gerð barnaefnis með
sunnudagaskólaefni.
Hugmyndin vatt upp á
sig og nú hafa komið út
þrír mynddiskar hjá
Skálholtsútgáfu með
barnaefni sem notið hef-
ur mikilla vinsælda.
Ævintýri Þau Hafdís, Klemmi og Haffi rata í ýmiss konar ævintýri í þátt-
unum Daginn í dag og höfðar barnaefnið til breiðs aldurshóps.
Tinna Táknmálsálfurinn syngur
alltaf síðasta lagið með börnunum.