Morgunblaðið - 31.12.2013, Blaðsíða 56
MORGUNBLAÐIÐ ÞRIÐJUDAGUR 31. DESEMBER 2013
Félagsstarf
Hörgshlíð 12.
Boðun fagnaðarerindisins.
Bænastund nýársdag kl. 14.
Smáauglýsingar
Húsnæði íboði
4 herbergja íbúð til leigu
í háhýsi í Kópavogi, leigist í 5-6
mánuði, búslóð fylgir með.
Upplýsingar í síma 564 1886 eða
893 0513.
Húsnæði óskast
Íbúð á höfuðborgarsvæðinu
óskast. Fjölskylda óskar eftir 3-4
herbergja íbúð til leigu. Helst á
svæði 101-108 eða Kópavogi. Lei-
gutími frá febrúar 2014. Reyklaus og
reglusöm.
Ólafur Á. Stefánsson, s. 898 9252,
oli@leikhusid.is
Sumarhús
Sumarhús - Gestahús
- Breytingar
Framleiðum stórglæsileg sumarhús
í ýmsum stærðum.
Tökum að okkur stækkun og
breytingar á eldri húsum.
Smíðum gestahús – margar
útfærslur.
Sjáum um almennt viðhald á
sumarhúsum og sólpöllum.
Setjum niður heita potta og
smíðum palla og skjólveggi.
Áratugareynsla -
Endilega kynnið ykkur málið.
Trésmiðja Heimis, Þorlákshöfn,
sími 892 3742 og 483 3693,
www.tresmidjan.is
Óska eftir
KAUPUM GULL - JÓN & ÓSKAR
Kaupum allt gull. Kaupum silfur-
borðbúnað. Staðgreiðum. Heiðar-
leg viðskipti. Aðeins í verslun okk-
ar Laugavegi 61. Jón og Óskar,
jonogoskar.is - s. 552-4910.
Kaupi silfur
Vantar silfur til bræðslu og endur-
vinnslu.
Fannar verðlaunagripir.
Smiðjuvegi 6, rauð gata,
Kópavogi. fannar@fannar.is
s. 551-6488.
KAUPI GULL!
Ég, Magnús Steinþórsson gullsmíða-
meistari, kaupi gull, gullpeninga og
gullskartgripi. Kaupi allt gull, nýlegt,
gamalt og illa farið.
Leitið til fagmanns og fáið góð ráð.
Uppl. á demantar.is, í síma 699 8000
eða komið í Pósthússtræti 13 (við
Austurvöll).
Verið velkomin.
Byggingavörur
Harðviður til húsabygginga
Sjá nánar á www.vidur.is
Vatnsklæðning, panill, pallaefni,
parket, útihurðir o.fl. Gæði á góðu
verði. Nýkomnar Eurotec A2 harð-
viðarskrúfur. Penofin harðviðarolía.
Indus ehf., Óseyrarbraut 2, Hf.
Upplýsingar hjá Magnúsi í símum
6600230 og 5611122.
Ýmislegt
TRÚLOFUNAR- OG
GIFTINGAHRINGAR
Auk gullhringa eigum við m.a. tita-
nium og tungstenpör á fínu verði.
Sérsmíði, framleiðsla og viðgerðar-
þjónusta.
ERNA, Skipholti 3,
s. 5520775,
www.erna.is
Ösp er úr með 8GB Mp4 spilara
og fleiru
Öspin okkar er 8GB armbandsúr,
Mp3, Mp4, útvarp, myndasafn og fl.
Verð aðeins 7.500,- Póstsendum.
ERNA,
Skipholti 3, s.5520775,
www.erna.is
Bílar
VILTU SELJA BÍLINN Í DAG?
Sendu okkur upplýsingar í gegnum
seldur.is og við sendum þér
staðgreiðslutilboð!
EE-bílalyftur á lager.
Eigum á lager nokkrar EE-bílalyftur,
bandarísk hönnun, öruggar lyftur.
4 tonna . Gott verð. Greiðslukjör allt
að 36 mán.
www.holt1.is
Símar 435 6662 – 895 6662
Bílaþjónusta
Atvinnublað
alla sunnudaga
ER ATVINNUAUGLÝSINGIN ÞÍN
Á BESTA STAÐ?
Sendu pöntun á augl@mbl.is eða
hafðu samband í síma 569-1100
Allar auglýsingar birtast bæði í
Mogganum og ámbl.is
Á barnsaldri þekkti ég aðeins
einn mann sem var verkfræðing-
ur og aðeins einn mann sem
veiddi eingöngu á flugu. Hvoru
tveggja bar ég ómælda virðingu
fyrir. Síðar rann þó upp fyrir
mér að þeir væru fleiri, en þeir
fyrstu hafa þó ávallt ákveðinn
sess í huga manns.
Steini rak eigin verkfræði-
stofu frá árinu 1978. Þorra þess
tíma hafði hann stundað fræði-
lega vinnu tengda snjóflóðaút-
reikningum sem á endanum skil-
uðu forritum sem nota mátti við
útreikninga tengda snjóflóðum.
Slík þróunarvinna er oftast
stunduð af stórum stofum eða
stofnunum þar sem gríðarleg
vinna margra liggur að baki en
vegna áhuga hafði Steini þó lagst
í það mikla starf.
Á haustdögum afhenti Steini
Veðurstofu Íslands afrit af öllum
þeim forritum sem hann hafði
þróað tengt snjóflóðum svo þau
mættu nýtast sem best við
áframhaldandi hönnun snjóflóða-
varna á Íslandi. Að baki lágu
þúsundir vinnustunda og ára-
tugastarf eins helsta áhuga-
manns um snjóflóðavarnir á Ís-
landi.
Helsta áhugamál Steina var
veiði. Hann veiddi aðeins á flugu,
hvort sem veitt var í Blöndu í
Langadal eða tandurhreinni
Héðinsfjarðaránni. Margar
myndir koma í hugann þegar
maður lætur hugann reika yfir
þær ferðir sem ég fékk að fljóta
með þeim bræðrum, Steina og
pabba, eða þegar fleiri bættust
við eins og Marteinn bróðir
þeirra og Sverrir Sveins. Þær
myndir eru margar óborganleg-
ar, en þeirri skemmtilegustu
finnst mér ljúft og skylt að lýsa
hér.
Laxá í Aðaldal er mikið fljót
og fagurt.
Þorsteinn
Jóhannesson
✝ Þorsteinn Jó-hannesson
fæddist á Siglufirði
hinn 25. desember
árið 1945. Hann
lést á Heilbrigð-
isstofnun Fjalla-
byggðar á Siglu-
firði 16. desember
2013 og fór útförin
fram frá Siglu-
fjarðarkirkju 28.
desember 2013.
Á fallegum sum-
ardegi árið 1993
höfðum við faðir
minn komið okkur
fyrir í grasi gróinni
hlíðinni við einn
helsta veiðistað
Laxár og fylgdumst
með Steina kasta.
Hann hafði þann stíl
að vaða oft mjög
langt út í á til að ná
sem lengst og oft
lengra en flestir þorðu. Þennan
dag steig hann frændi minn þó
einu skrefi of langt og fór á bóla-
kaf í ána.
Hann veiddi á þessum árum
með stúdentshúfuna sína úr
Menntaskólanum á Akureyri.
Það fór því hrollur um okkur
feðga þegar eina sem sást af
Steina var einmana stúdentshúfa
á hröðu floti niður vatnsmikla
Laxá í Aðaldal. Skólabaksundið
skilaði þó veiðimanninum og
stúdentshúfunni á land nokkru
neðar.
Síðastliðið sumar fékk ég enn
og aftur að fljóta með þeim vin-
um Steina, Sverri Sveins og
pabba í veiðiferð. Ég sat á stól,
horfði á Steina kasta af miklum
móð og dró hann hvergi af sér. Á
sama tíma hljómaði ótrúleg veiði-
saga frá Sverri sem var svo göm-
ul að ómögulegt var að sann-
reyna hvort væri sönn. Þetta var
mín seinasta veiðiferð með
frænda mínum og var ákaflega
ánægjuleg og kærkomin.
Vertu sæll, kæri frændi, og
takk fyrir allar liðnar stundir.
Einar Hrafn Hjálmarsson.
Ég á margar góðar minningar
um Steina frænda. Flestar tengj-
ast Héðinsfirði, veiði og útivist.
Héðinsfjörður var paradís hans
og Helgu og fengum við fjöl-
skyldan að njóta þess með þeim.
Vatnsendi var endurbyggður og
þar dvöldum við oft á sumrin og
oftast farið á bátnum hans Steina
eða gengið yfir Hestskarð ef ekki
viðraði til bátsferða. Þar hafa
ófáir silungarnir verðið veiddir
með aðstoð Steina frænda. Við
Ella fengum að njóta þess á
hverju sumri að vera í fjársjóðs-
leit, vaða í vatninu, gera stíflur,
tína ber, veiða síli og njóta þess
að vera í eyðifirðinum fagra með
Steina og Helgu. Seinna þegar
Vatnsendi eyðilagðist í snjóflóði
og Héðinsfjarðargöngin voru
gerð komu Steini og Helga fyrir
hjólhýsi á bæjarstæðinu og þang-
að hélt maður áfram að fara til að
njóta með þeim paradísarinnar.
Steini var afbragðskennari.
Hann, með sína verkfræðimennt-
un, gat svo sannarlega miðlað
áfram stærðfræði. Þegar við Ella
urðum menntaskólameyjar
eyddum við jólafríinu í próflestur
fyrir prófin í janúar. Þá kom sér
nú vel að eiga Steina frænda að
því hann aðstoðaði okkur ófáar
klukkustundirnar við stærð-
fræðistreðið. Honum tókst svo
vel að gera flókna hluti einfalda
og átti auðvelt með að útskýra og
kenna manni réttar aðferðir.
Það var líka gaman að ræða
málin við Steina. Hann var sér-
staklega fróður maður og manni
fannst hann vita allt. Eitt skipti
fórum við í Héðinsfjörðinn um jól
að horfa á norðurljósin og stjörn-
urnar og þar þuldi hann upp
stjörnufræðin og hafði frá ýmsu
fróðlegu að segja. Hann var í
raun alltaf að miðla til manns
fróðleik.
Það var aðdáunarvert að fylgj-
ast með Steina í veikindum sín-
um. Hann hélt ótrauður áfram að
veiða, stunda útivist og halda til í
Héðinsfirði með Helgu. Hann
kvartaði aldrei og hélt sínu striki
til hinstu stundar.
Minning um kæran frænda lif-
ir.
Sandra Hjálmarsdóttir.
Mig langar að minnast elsku
tengdapabba míns til 29 ára. En
leiðir okkar sonar þíns skildu fyr-
ir rétt ári síðan. En mun þú ávallt
verða tengdapabbi minn fyrir
mér. Mikið er óraunverulegt að
sitja hér og skrifa minningar-
grein um þig. Ég á enn erfitt með
að trúa því að ég eigi ekki eftir að
hitta þig hér aftur í þessari jarð-
vist. Minningarnar streyma í
gegnum hugann, og svo margs að
minnast og er það mér ofarlega í
huga þegar ég hitti þig fyrst. Þá
vorum við Valdi nýbúin að kynn-
ast í ferð sem við vorum að koma
úr og þið Helga að koma að
sækja hann. Ég man enn í dag
eftir þessu atviki þegar Valdi
kynnti ykkur fyrir mér og hvað
þú varst vingjarnlegur við mig og
spurðir mig til nafns. Já, þannig
varst þú alltaf Steini minn, vin-
gjarnlegur og alltaf svo gott að
vera í návist þinni.
Ég á margar eftirminnilegar
stundir með ykkur Helgu og fjöl-
skyldu sem ég mun aldrei
gleyma. Þú varst alltaf svo virkur
í allri hreyfingu og tómstundaiðj-
ur þínar færðust margar hverjar
yfir á barnabörnin sem tóku þar
virkan þátt með afa sínum. Þú
stundaðir t.d. skíði, sund, hlaup,
blak skytterí og stangveiði þar
sem þú vannst til margra verð-
launa og afabörnin svo stolt af
þér. Og ekki má gleyma Héðins-
fjarðarferðunum þar sem farið
var á bátnum „Helgu“ í gegnum
árin áður en Héðinsfjarðargöng-
in komu. Þar eigum ég og barna-
börnin sælla minninga með ykk-
ur hjónunum.
Nú þegar jólahátíðin er geng-
in í garð þá eru mér minnisstæð
fyrstu jólin mín með ykkur fjöl-
skyldunni því þá var borin fram
rjúpa á aðfangadag eins og alltaf
hjá ykkur hjónum. Á henni hafði
ég aldrei bragðað, en þú vildir
ólmur að ég prófaði herlegheitin.
Og nú eru ekki jól hjá mér og
börnunum nema borin sé rjúpa á
borð.
Veikindi þín settu strik í lífs-
hlaup þitt, en áfram hélstu velli
allt fram á síðustu vikur þegar þú
vissir að hverju stefndi. Elsku
Steini, ég bið algóðan guð að um-
vefja þig ljósi og friði og þakka
þér fyrir allt og allt.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum)
Elsku Helga mín, Valdi, Palli
og fjölskylda, Þorsteinn, Helga
Ingibjörg, Alexander. Elín og
fjölskylda , megi góður guð
styrkja ykkur og hugga á þess-
um erfiðu tímum. Mega fallegar
minningar um góðan eiginmann,
pabba, afa og langafa ylja ykkur
um ókomna tíð.
Elín Björk Gísladóttir.
Það er samofið lífinu og órjúf-
anlegt lögmál að deyja. Það er
hlutskipti okkar allra fyrr eða
síðar. Samt er það svo að þegar
einhver kveður fyrir aldur fram
þá skilur það eftir sig tómarúm
og óræðar spurningar. Þannig er
það núna þegar Þorsteinn Jó-
hannesson, félagi okkar sem
ávallt var í mjög góðu formi,
ávallt harðastur að ganga og
sækja á veiðislóðirnar, kveður
okkur.
Vegir örlaganna eru ekki fyr-
irséðir, enginn veit hvenær kallið
kemur eða hver er næstur. Það
er okkur ljóst og þegar við kveðj-
um núna vin okkar og veiðifélaga
er okkur ekki beiskja í huga
heldur þakklæti. Þakklæti yfir
því að hafa fengið að kynnast
þessum sterka og trausta manni,
þakklæti yfir því að hann deildi
með okkur svo miklu af tíma sín-
um, þakklæti yfir því að hann var
veiðifélagi okkar og vinur í svo
mörg ár.
Þegar Steini sagði okkur frá
veikindum sínum kom það eins
og þruma úr heiðskíru lofti. Það
hljómaði næstum því eins ótrú-
lega og þegar hann stóð upp í
einni af ferðunum okkar og til-
kynnti okkur að það væri eins
gott að hann segði okkur þetta
sjálfur en leiðir hans og Helgu
lægju nú ekki lengur saman. Hún
væri nú í tygjum við annan
mann. Eftir langa frásögn og út-
skýringar þar sem við félagarnir
vorum farnir að horfa í gaupnir
okkar orðlausir yfir atburðunum
sagði hann loks frá því að hann
hefði selt Helgu. „Það er að segja
bátinn Helgu.“
Svona var Steini, hann gat al-
gerlega fengið okkur til þess að
trúa hverju sem var enda orð-
vandur maður. Steini var yfirleitt
ekki að trana sér fram eða missa
sig í brandaraflóðinu en þegar
hann tók til máls lögðu allir við
hlustir. Hann var einstaklega
góður ræðumaður, hvert orð
virtist vera vandlega valið og
húmorinn var dásamlegur.
Steini var einn af mestu veiði-
mönnum sem við höfum kynnst,
á sjóstangaveiðimótum þegar
enginn fékk bröndu dró hann og
dró án afláts. Hann þakkaði það
gamla treflinum sem hann hafði
um hálsinn og hafði verið í eigu
föður hans, sagði að þetta væri
happatrefill. Þetta var einkenn-
andi fyrir hógværð Þorsteins en
við vitum vel að hann þurfti eng-
an happagrip til þess að veiða
vel. Hann var einfaldlega frábær
veiðimaður og það af lífi og sál
enda margfaldur Íslandsmeistari
í sjóstangaveiði. Næmi hans og
innsæi var einstakt á hvaða veið-
um sem var og eldmóðurinn
óþrjótandi. Það er skarð fyrir
skildi þar sem Steina vantar í
hópinn og við söknum hans. Við
vitum þó að þegar við siglum yfir
móðuna miklu á eftir honum, tek-
ur hann á móti okkur og sýnir
okkur bestu veiðisvæðin af sama
ákafanum og einbeitingunni og
hingað til.
Nú kveður lífs þíns kaldi grimmi skúr,
nú hverfur þér hin ofur þunga byrði.
Snjótár falla fjallaskörðum úr,
fannhvít klökknar mjöll í Héðinsfirði.
Nú drúpir höfði haustsins hvíta rós,
hrímuð eru dimmu vetrarkvöldin.
Nú dofna heimsins fögru dægurljós,
en „dagur rís á bak við himintjöldin“.
(SkÁ.)
Við félagarnir vottum Helgu
og fjölskyldu þeirra Þorsteins
okkar dýpstu samúð á þessum
erfiða tíma.
Skarphéðinn Ásbjörnsson
og veiðifélagarnir í Óríon
veiðiklúbbnum.
Brosið blíða er
orðasamband sem
lýsir þér best. Þetta fallega
breiða bros sem gaf svo mikið til
allra þeirra sem þekktu þig,
elsku frændi minn.
Við tvö áttum góðar stundir
árið 2007 en þá varstu hjá mér í
kjallaranum á Snorrabrautinni
eina helgi í mánuði. Þér þótti nú
ekki ónýtt að rölta niður Lauga-
veginn á heitum sumardegi og
virða fyrir þér mannlífið. Einu
sinni sótti ég þig í Reykjadal eft-
ir góða dvöl það sumar. Bíllinn
var nú ekki stærri en svo að ég
þurfti að leggja niður aftursætið
til að koma stólnum þínum fyrir.
Herrann var svo settur í fram-
sætið og var heldur betur hrif-
Tómas Þór
Þorgilsson
✝ Tómas ÞórÞorgilsson
fæddist á Akureyri
14. nóvember 1994.
Hann lést 7. desem-
ber 2013. Útför
Tómasar Þórs fór
fram frá Graf-
arvogskirkju 16.
desember 2013.
inn, skríkti og hló
með útsýni í allar
áttir. Frænkan
stóðst auðvitað ekki
mátið að fara auka-
rúnt um borgina
með einn flissandi í
framsætinu.
Þú sást eiginlega
broslegar hliðar á
öllum sköpuðum
hlutum nema
kannski þegar þér
var þvegið í framan, það þótti
þér sérlega óskemmtilegt.
En nú ertu farinn með breiða
brosið þitt og hjalið. Þótt við öll
höfum vitað innst inni að þessi
dagur kæmi þá kom hann alltof
snemma. Við áttum eftir að
hlæja meira saman.
Nú legg ég aftur augun og
fallega brosið þitt verður ljóslif-
andi í huga mér. Elsku Stein-
unn, Gilsi og Steinar Darri, takk
fyrir að hafa gefið mér tækifæri
til að eiga góðar stundir með
yndislega drengnum ykkar.
Megi allar góðar vættir vera
með ykkur.
Rannveig Guðmundsdóttir.
MINNINGAR