Morgunblaðið - 31.12.2013, Blaðsíða 49

UMRÆÐAN 49
MORGUNBLAÐIÐ ÞRIÐJUDAGUR 31. DESEMBER 2013
Kaupfélag Skagfirðinga óskar starfsfólki,
félagsmönnum, viðskiptavinum
svo og landsmönnum öllum
velfarnaðar á nýju ári.
Þökkum viðskiptin
á árinu sem er að líða.
Kaupfélag Skagfirðinga
ÓÐINSGÖTU 4, SÍMI 570 4500, OPIÐ VIRKA DAGA KL. 9-17.
Netfang: fastmark@fastmark.is - www.fastmark.is
Jón Guðmundsson, lögg. fast.sali.
Guðmundur Th. Jónsson, lögg. fast.sali.
Gleðin kemur innanfrá
Gleðilegt nýtt ár
Þökkum viðskiptin á árinu sem er að líða
Full ástæða er til að
taka undir orð Sið-
menntar í frétta-
tilkynningu félagsins
nýlega að skólar sem
reknir eru fyrir op-
inbert fé eigi ekki að
vera vettvangur trú-
félaga. Þegar Mann-
réttindaráð Reykjavík-
ur lagði á sínum tíma
til að starfsemi trú- og
lífsskoðunarfélaga í grunn- og leik-
skólum borgarinnar yrði bönnuð
bauð ráðið m.a. íslenska bahá’í sam-
félaginu að gera athugasemdir við
tillögurnar. Við komum þeim sjón-
armiðum á framfæri að sjálfstæði
skólastarfs í landinu yrði að tryggja
með öllum ráðum og það gæti engan
veginn talist eðlilegt að aðilar utan
skólanna ættu sérstaka kröfu á að
starfa innan þeirra. Á hinn bóginn
væri mikilvægt að skólar nytu
óskoraðs frelsis til að styðja við
menntun og upplýsingu nemenda
sinna, þar á meðal með almennri
fræðslu um helstu trúarbrögð og
trúarhugmyndir mannkyns. Í slíkri
fræðslu gæti til dæmis falist að
bjóða talsmönnum trúar- og lífsskoð-
unarhópa að kynna trú sína og skoð-
anir auk vettvangsferða nemenda til
þess að kynnast starfi þeirra. Við
sögðum í þessu svari okkar til ráðs-
ins að slík fræðsla víkkaði ekki að-
eins sjóndeildarhring barnanna
heldur gæti hún einnig komið í veg
fyrir þá fordóma sem fáfræði um
fjölbreytilega andlega arfleifð mann-
kynsins kyndir gjarnan undir.
Mikilvægt er að börnum líði vel í
skóla og í ýmsum til-
vikum getur það orðið
til að auka gagn-
kvæman skilning og
umburðarlyndi að
nemendur fái tækifæri
til að kynnast sér-
stökum aðstæðum ein-
stakra skólafélaga
sinna, hvort sem þær
lúta að trú þeirra,
þjóðerni eða fötlun, svo
dæmi séu tekin. Kynn-
ing, heimsóknir eða
vettvangsferðir ættu
að vera sjálfsagður liður í þeirri við-
leitni skólans. Í endanlegri sam-
þykkt Mannréttindaráðs voru til-
lögur okkar bahá’ía varðandi
heimsóknir og sjálfstæði skóla-
starfsins teknar upp nánast óbreytt-
ar. Í ljósi ummæla innanríkisráð-
herra, Hönnu Birnu Kristjáns-
dóttur, á Kirkjuþingi nýlega og
fréttatilkynningar Siðmenntar í
kjölfar þeirra teljum við ástæðu til
að ítreka ofangreinda afstöðu okk-
ar.
Þekking á trúarbrögðum mann-
kyns flokkast ótvírætt undir al-
menna grunnþekkingu á menning-
arsögu heimsins. Sé staðið að
kennslu um trúarbrögð, heimspeki
og lífsskoðanir almennt af heil-
indum, fagmennsku og hlutlægni
ætti hún að vinna gegn vanþekk-
ingu og hleypidómum og stuðla að
skilningi á ólíkum leiðum til að
vinna með lífssýn og þroska. Börn
og unglingar fengju þannig að
kynnast sem flestum hliðum trúar-
og lífsskoðana en skólayfirvöld yrðu
sjálf að setja rammann utan um þá
kynningu og eiga frumkvæði að
henni.
Í fyrrnefndri fréttatilkynningu
Siðmenntar segir að það sé á
ábyrgð foreldra að sjá um trúarupp-
eldi barna sinna og slíkt sé ekki
hlutverk skólakerfisins. Skólunum
ber þó sjálfsögð skylda til að sinna
fræðslu um trúarbrögð, siðfræði og
lífsskoðanir og stuðla að því eftir
föngum að út í lífið fari vel upp-
lýstir, ábyrgir, umburðarlyndir og
réttsýnir einstaklingar. Markmið
slíkrar fræðslu er skjalfest í mann-
réttindayfirlýsingu Sameinuðu þjóð-
anna – hún á að miða að því að efla
skilning, umburðarlyndi og vináttu
meðal allra þjóða, kynþátta og trú-
flokka. Opinber trúfræðsla getur
þannig ekki falist í einhliða innræt-
ingu einna trúarbragða eða ákveð-
inna lífsskoðana. Skólinn þarf að
gera meira til að stuðla að umburð-
arlyndi í trúmálum og búa nem-
endum skilyrði til að afla sér sjálf-
stæðrar vitneskju um hin ýmsu
trúarbrögð mannkyns, þróun þeirra
og áhrif á framvindu mannlífs.
Þetta krefst virðingar fyrir sjálf-
stæðri leit nemandans að sannleik-
anum og að kennarar og leiðbein-
endur forðist að reyna að hafa áhrif
á þá leit með fortölum eða áróðri
hver sem lífsskoðun þeirra er, trú
eða vantrú.
Skólinn stuðli að
umburðarlyndi í trúmálum
Eftir Eðvarð T.
Jónsson » Trúfræðsla getur
ekki falist í einhliða
innrætingu einna trúar-
bragða eða ákveðinna
lífsskoðana.
Eðvarð T. Jónsson
Höfundur er bahá’íi.