Morgunblaðið - 31.12.2013, Qupperneq 51

UMRÆÐAN 51
MORGUNBLAÐIÐ ÞRIÐJUDAGUR 31. DESEMBER 2013
Starfsfólk
Íbúðalánasjóðs
óskar lands-
mönnum öllum
gleði og friðar
á jólum
og gæfu á
komandi ári.
www.ils.is | Sími: 569 6900 | Grænt númer: 800 6969 | Borgartúni 21, 105 Reykjavík
Óskum viðskiptavinum okkar
og landsmönnum öllum farsældar
á nýju ári. Þökkum viðskiptin
á liðnum árum.
Starfsfólk Eignamiðlunar
S íðumú la 21 · S . 588 9090 · www.e ignamid lun . i s
Þverholti 2 · S . 586 8080 · www. fa s tmos . i s
Það er hið sjálfsagð-
asta mál fyrir sam-
félag,
– sem lengi hefur
verið kristið,
– er með kristinn
þjóðsöng,
– krossmarkið í
þjóðfána sínum,
– yfir 90% lands-
manna í kristnum
söfnuðum
– og stjórnarskrárgrein um stuðn-
ing og vernd kristins siðar,
að börn fái kynningu á inntaki
kristinnar trúar í skólakerfinu, enda
er það beinlínis lagaskylda sam-
kvæmt námsskrá í kristnum fræð-
um. Gegn þessu hafa unnið andtrú-
aröfl sem hafa plantað sér eða verið
plantað í borgarstjórn og í s.k.
mannréttindanefnd Reykjavík-
urborgar og tekið sér vald sem þau
hafa ekki tilkall til.
Hafa þau þannig beitt sér fyrir því
meðal annars, að leikskólar og skól-
ar standi ekki að heimsóknum á
kirkjustaði fyrir kristnar stórhátíðir
og fái ekki fræðslu frá sérfróðum
kirkjunnar mönnum um kristið
helgihald og heillandi frásagnir af
hinni fyrstu jólanótt, aðdraganda
hennar og af hinum þekktasta og
áhrifamesta allra í gervallri mann-
kynssögunni, Jesú Kristi. Aðferðin
er þöggunaraðferð af því tagi sem
líkja má við, að kristindómurinn
skuli settur í skammarkrókinn í
skólakerfi þessa annars kristna
lands.
Það er því fyllilega skiljanlegt, að
fregnir berist af því, að
kristnir foreldrar séu
farnir að grípa til sinna
ráða með því að taka
höndum saman og hafa
forgöngu um að mæta
a.m.k. einu sinni fyrir
jól með börn sín í leik-
skólana til að fara það-
an í hópferð í gefandi
kirkjuheimsókn, eins og
gerzt hefur nú í Graf-
arvogsprestakalli.
Þetta er í raun neyð-
arráðstöfun vegna vanrækslu við-
komandi leikskóla á þessu hlutverki,
sem hefð var komin á víða (en þeir
munu að vísu ekki allir láta s.k.
mannréttindanefnd stjórna sér um
þetta mál).
Ekki vantar, að háðskir vantrúar-
menn niðri kirkjunni af þessu tilefni
og opinberi vanþekkingu sína á laga-
legum grunni hinna réttmætu
kirkjuheimsókna úr skólum og leik-
skólum. Þeir láta einnig sem þetta
hafi alltaf alfarið verið hlutverk for-
eldra einna og að þeir geti sem bezt
gert þetta sjálfir. En þá er horft
fram hjá því, að flestir foreldrar eru
bundnir í ca. átta tíma vinnu frá kl. 8
eða 9 að morgni og eiga ekki auðvelt
með að komast til þessa, hvað þá að
fjársveltar sóknir geti haldið uppi
stöðugri fræðslu í desember fyrir
stóra sem smáa (jafnvel örsmáa) að-
vífandi hópa um rætur kristindóms-
ins og ástæður stórhátíða hans.
Að kirkjufjandsamleg öfl hafa náð
tangarhaldi á stefnu borgarstjórnar
í þessum efnum gegnum meirihluta-
kjör vinstri flokka í sveitarstjórn-
arkosningunum 2009, er tímabundið
vandamál, sem kristnir kjósendur
eru nú þegar farnir að átta sig á, að
vinna þarf á með virkum hætti, ekki
óvirkni sem fæli í sér hreina uppgjöf.
Og hér þarf að hreinsa til. Hreins-
unin þarf að fara fram í fyrsta lagi
innan vinstri flokkanna, með gagn-
sókn kristinna afla þar, einnig með
aðhaldi í prófkjörum þeirra og í
formi ágengra spurninga til fram-
bjóðenda þeirra, sem fái góða kynn-
ingu í fjölmiðlum, og að endingu með
útstrikunum kristinna kjósenda
þessara flokka á trúarfjand-
samlegum frambjóðendum í borg-
arstjórnarkosningunum sjálfum eða
hreinlega með því að atkvæðin verði
greidd öðrum flokki eða flokkum.
Þetta allt ber að gera með kær-
leika til barnanna okkar í huga, ekki
af neinni persónulegri rætni né and-
úð á þeim, sem hér þarf að sía úr frá
kjöri til borgarstjórnar.
Og hér er við hæfi að enda þetta á
hvatningu til allra fjölskyldna að
gefa sig enn að því að rækta sína
kristnu trú og það í samfélagi með
öðrum á helgri stund.
Leyfið börnum okkar að koma
til Krists, bannið þeim það ekki!
Eftir Jón Val
Jensson » Það er skiljanlegt að
fregnir berist af því
að kristnir foreldrar
grípi til sinna ráða gegn
kirkjuheimsóknabanni
sumra skóla og leik-
skóla.
Jón Valur Jensson
Höfundur er guðfræðingur, próf-
arkalesari og einn leiðandi manna í
Kristnum stjórnmálasamtökum.
...alveg með’etta
Fylgir Morgunblaðinu alla fimmtudaga