Morgunblaðið - 31.12.2013, Blaðsíða 64

64 MENNING
MORGUNBLAÐIÐ ÞRIÐJUDAGUR 31. DESEMBER 2013
Gleðileg jól og
farsælt komandi ár.
Þökkum fyrir viðskiptin
á liðnum árum
Stangarhyl 4, 110 Reykjavík, Sími: 520 7700
raestivorur.is
Bíólistinn 27.-29. desember 2013
Nr.
Var
síðast
Vikur
á listaKvikmynd
Hobbit: Desolation of Smaug
Frozen
TheWolf Of Wall Street
Anchorman 2
Hunger Games 2
Walking With Dinosaurs
Homefront
Delivery Man
Hross í oss
Gravity
Ný
1
Ný
2
3
4
5
6
11
9
1
3
1
2
6
2
3
5
18
11
1
2
3
4
5
6
7
8
9
10
Það kemur eflaust fáum á óvart að
önnur kvikmynd Peter Jackson um
Hobbitann hafi verið sú mest sótta í
kvikmyndahúsum hér á landi um
helgina. Myndin er sýnd í 15 sölum
og miðasölutekjur af henni frá
frumsýningardegi nema nú rúmum
44 milljónum króna. Mest sótta
mynd síðustu helgar, teiknimyndin
Frosinn, er sú næsttekjuhæsta að
liðinni helgi, jólamynd að hætti
Disney. Nýjasta verk Martins Scor-
sese, The Wolf of Wall Street, var
einnig vel sótt en í henni þykir
Leonardo Di Caprio fara á kostum
sem afvegaleiddur verðbréfasali.
Bíóaðsókn helgarinnar
Hobbitahelgi
Ævintýri Vitkinn Gandálfur í ann-
arri kvikmyndinni um Hobbitann.
Þegar þríleikur er festur áfilmu, er miðjumyndin oft-ast haldin þeim galla aðhún stendur ekki sem
sjálfstætt verk. Upphaf sögunnar
sem segja á er í fyrstu myndinni og
lok hennar í þeirri næstu. Þó hefur í
nokkrum tilfellum tekist að gera
slíka mynd, sem ekki bara tekur
fyrri myndinni fram, heldur er einn-
ig nógu spennandi til þess að standa
á eigin fótum. Tortíming Smeygins
fellur í þann fágæta flokk.
Í myndinni er þráðurinn tekinn
upp nokkurn veginn þar sem skilið
var við hann, þar sem hobbitinn
Bilbó Baggi (Martin Freeman)
fylgir hópi dverga að fjallinu eina,
þar sem hin forna konungshöll
þeirra er grafin út í stein. Eini gall-
inn er sá, að núverandi íbúi hall-
arinnar er risastór eldspúandi dreki
(Benedict Cumberbatch), sem situr
á gulli sínu og ver. En fyrst þarf að
komast að fjallinu, og er ekki ofsagt
að það er mikil svaðilför. Um leið er
fylgt eftir ferð Gandálfs gráa (Ian
McKellen), sem er farið að gruna að
ýmislegt leynist í myrkrinu sem geti
haft illar afleiðingar síðar meir.
Líklega geta hörðustu aðdáendur
bókanna fundið margt í þessari út-
gáfu sem skapraunar þeim, þar sem
Jackson og handritsteymi hans hafa
farið þá leið að byggja hasarmynd
ofan á bók Tolkiens, en fylgja ekki
hverjum stafkrók eftir. Að vissu
leyti minnir myndin því meira á In-
diana Jones-myndirnar en þann æv-
intýraheim sem fannst í bókum
Tolkiens. Hasaratriðin eru hins veg-
ar hressandi og hefur Jackson tekist
einstaklega vel upp, sérstaklega í
flótta dverganna og Bilbós þar sem
þeir sigla í víntunnum niður straum-
þunga á, hundeltir af orkum og álf-
um sem eigast við í orustu um leið.
Orð megna vart að lýsa öllu því sem
gerist á skjánum þegar hasarinn
verður sem mestur.
Inn á milli nær Jackson að flétta
inn í framvindu sögunnar, og bætir
þar einnig inn í óvæntum atriðum,
eins og upphafinu að ástarsambandi
álfs og dvergs, sem eru fáheyrð tíð-
indi í heimi ævintýrabókmennta.
Þegar Jackson ákvað að gera
þrjár myndir í stað tveggja varð
ljóst að hann myndi þurfa að fylla
duglega inn í Hobbitann, sem er
mun styttra verk en Hringadrótt-
inssaga. Það gerir hann með því að
vísa í þær hörmungar sem bíða
seinni þríleiksins. Hugsanlega hefur
Jackson seilst aðeins of langt í upp-
fyllingarefninu með sendiför Gan-
dálfs, sem er langsísti hluti mynd-
arinnar, en í raun verður það að
koma í ljós í síðustu myndinni hvern-
ig hann vinnur þar úr. Efinn er því
ennþá til staðar hvort tilefni hafi
verið til þess að setja Hobbitann í
plankastrekkjarann og teygja svo úr
honum sem raun ber vitni.
Leikaraliðið stendur sig mjög vel.
Þar stendur hinn smái en knái Mart-
in Freeman upp úr, en hann leikur
Bilbó einstaklega vel. Freeman er
einn af þessum leikurum sem geta
sýnt með minnstu svipbrigðum hvað
persóna þeirra er að hugsa hverju
sinni, og sést það í innri togstreitu
Bilbós.
Það er vel þess virði að sjá Hob-
bitann í þrívídd, en myndin er tekin
upp með nýrri tækni þar sem 48
rammar eru á sekúndu í stað 24 sem
venjan er. Afleiðingin er sú að há-
skerpan í myndinni er nánast ótrú-
leg, og jafnvel aðeins of mikil. Í upp-
hafi myndar minna sum atriðin á
sjónvarpsmynd frekar en kvikmynd,
en þegar augun venjast skjánum
verður upplifunin ótrúleg. Hins veg-
ar leiðist undirrituðum það alltaf
þegar sett eru inn atriði í þrívídd-
armyndir sem hafa það eitt að mark-
miði að sýna áhorfandanum að hún
sé í þrívídd, og fellur Jackson nokkr-
um sinnum í þá gildru. Þá má alveg
vara fólk, sem er með hræðslu við
kóngulær, við því að nokkuð langt
atriði er í myndinni þar sem slíkar
skepnur koma fyrir í risavöxnu líki.
Fyrsta myndin í bálknum þótti að-
eins of þurr og lengi af stað. Engu
slíku er að heilsa nú, þar sem hobbit-
inn er kominn í hasarmyndaham, og
leggur þar öflugan grunn að síðustu
myndinni. Það er varla að hægt sé að
bíða í heilt ár.
Hobbiti í hasarmyndaham
Hobbiti í gullflóði Martin Freeman stendur upp úr að mati gagnrýnanda í hlutverki sínu sem Bilbó Baggi.
Laugarásbíó, Smárabíó, Há-
skólabíó, Borgarbíó Akureyri og
Sambíóin Egilshöll og Álfa-
bakka.
Hobbitinn: Tortíming Smeygins
bbbbn
Leikstjóri: Peter Jackson. Byggt á sögu
J.R.R. Tolkien. Aðalhlutverk: Ian McKel-
len, Martin Freeman, Richard Armitage,
Benedict Cumberbatch, Evangeline
Lilly, Stephen Fry og Orlando Bloom.
Nýja-Sjáland, 2013. 161 mínúta.
STEFÁN GUNNAR
SVEINSSON
KVIKMYNDIR