Morgunblaðið - Sunnudagur - 27.04.2014, Síða 14

14 MORGUNBLAÐIÐ SUNNUDAGUR 27.4. 2014
Svipmynd
T
elma Rut Frímanns-
dóttir karatekona er
vön að vinna til verð-
launa og viðurkenn-
inga. Hún hefur átta
sinnum verið valin karatekona
Aftureldingar, fjórum sinnum
íþróttakona Aftureldingar, tvisvar
sinnum íþróttakona Mosfells-
bæjar, nú síðast í fyrra, og var
valin karatekona ársins 2013 af
Karatesambandi Íslands. Nú æfir
þessi 21 árs íþróttakona sig fyrir
Evrópumótið í karate sem fer
fram í maí og heimsmeist-
aramótið í nóvember, en hún er
nú í 102. sæti heimslistans. Auk
þess að vera fremsta karatekona
landsins æfir Telma Rut hand-
bolta en íþróttaáhugi hennar
hófst á unga aldri.
„Ég byrjaði í fótbolta þegar ég
var sjö ára en þegar ég var níu
ára og ætlaði að fara að leika
við vinkonu mína sagðist hún
vera að fara á karateæfingu og
ég skellti mér með henni án
þess að vita nokkuð um karate,“
segir Telma Rut. „Vinkona mín
hætti eftir ár en ég hélt áfram
af því mér fannst svo gaman að
þessari íþrótt sem gefur styrk og
hreyfingu og svo var fé-
lagsskapurinn líka mjög skemmti-
legur. Ég hef gaman af svo að
segja flestum íþróttum og æfði
frjálsar íþróttir í fjögur ár ásamt
karate en fór svo í handbolta
sem ég æfi enn. Ég er hálfhissa
á því sjálf að hafa byrjað og
enst svona lengi.“
Telma Rut hefur líka unnið
sem karateþjálfari. „Ég þjálfaði
fólk á öllum aldri þar á meðal
krakka og sá þá bæta sig og
taka stöðugum framförum. Sumir
krakkanna höfðu engan sérstakan
áhuga á því að keppa, litu á ka-
rate sem skemmtun og stundum
þurfti ég að vinna í því að auka
metnað þeirra og fá þá til að
vilja keppa og vinna.“
Hver er lykillinn að árangri
eins og þínum?
„Æfing og ögun en ekki síst
metnaður. Það að vilja ná árangi,
ætla sér það og leggja sig fram
á hverri einustu æfingu. Þannig
er hægt að ná langt.“
Hvernig íþrótt er karate?
„Karate er flókin íþrótt sem
fólk þarf að kynna sér nokkuð
vel til að skilja. Vinkonur mínar
horfðu á mig keppa á Norð-
urlandamótinu í gegnum netið
vissu ekkert hvað var að gerast.
Karate byggist á ákveðinni tækni
sem keppandi þarf að hafa góða
stjórn á, hann þarf að vera mjög
yfirvegaður og með góðan lík-
amlegan styrk en í þeim hluta
karate sem ég æfi, sem heitir
kumite, er ágætt að hafa smá-
grimmd í sér og keppnisskap.
Keppnisskapið hjálpar alltaf. Í
karate má snerta en ekki kýla
og stundum kemur það fyrir að
keppendur kýla of fast í and-
stæðing sinn en þá fá þeir líka
viðvörun og eftir þriðju viðvörun
þá tapa þeir sjálfkrafa bardag-
anum. Karate gerir að verkum
að líkamlegur styrkur verður
góður en karate er líka hugar-
íþrótt þar sem maður lærir strax
í byrjun að aga sjálfan sig. Ég
er mjög öguð og það hefur
hjálpað mér á margan hátt.“
Var tapsár og grét
Þú ert vön að vinna alls konar
titla, hvernig er að standa á
verðlaunapalli og hvernig tilfinn-
ing er það að tapa til dæmis á
stórmótum?
„Þegar ég var að byrja að
keppa var ég gríðarlega tapsár
og það kom fyrir að ég grét.
Nýlega keppti ég á Norð-
urlandamótinu og þar gekk mér
mjög illa. Það voru gríðarleg
vonbrigði. Ég var nokkuð fúl út
í sjálfa mig fyrir að hafa ekki
staðið mig betur, en ákvað svo
að láta það ekki á mig fá að ég
átti vondan dag heldur gera bet-
ur næst og standa mig. Ef mað-
ur vinnur úr mótlæti þá getur
maður komið sterkur út úr ósigr-
um. Ég held að það sé draumur
flestra sem hafa metnað í íþrótt-
um að komast á verðlaunapall.
Ég hef staðið á verðlaunapalli og
það er mjög skemmtileg upplifun.
Maður hefur lagt hart að sér og
náð miklum árangri og getur
ekki annað en glaðst.“
Telma Rut, sem fer víða og
keppir á karatemótum, er spurð
hver sé skemmtilegasti staður
sem hún hefur komið til. „Ég fer
á erlend mót fjórum til fimm
sinnum á ári. Það víkkar sjón-
deildarhringinn að fá að ferðast
mikið og keppa,“ segir hún. „Ég
hef komið á marga skemmtilega
staði og heillaðist til dæmis mik-
ið af Ungverjalandi og gömlu
byggingum þar og köstulunum,
þegar ég keppti þar í fyrra.“
Þú ert afrekskona í íþróttum,
heldurðu að það sé öðruvísi en
að vera afrekskarlmaður í íþrótt-
um?
„Það horfa fleiri á karlafótbolta
og karlahandbolta en kvennafót-
bolta og kvennahandbolta en
íþróttakonur verða að gera sitt
besta og láta heyra í sér. Í ka-
rate er minni munur á kynjum
en í flestum öðrum íþróttum. Á
æfingum æfa stelpur líka á móti
strákunum en þótt strákar og
stelpur keppi ekki í sama flokki
þá keppa kynin á sama tíma á
mótum og það eru ekki sérmót
fyrir kynin þannig að áhorfendur
eru að horfa á bæði kynin í
einu. Í karate eru karlarnir yf-
irleitt alltaf líkamlega sterkari en
stelpa sem þarf að taka á móti
þyngri höggum. Hún getur samt
alveg átt möguleika á sigri í
þeirri keppni ef hún er klók og
hugvitssöm. Það eru ekki margar
konur sem keppa í karate hér á
landi en erlendis eru þær fjöl-
margar. Hér vantar kynningu á
íþróttinni og það þarf að láta
stelpur vita að það sé í lagi að
þær læri karate.“
Hefurðu einhvern tíma orðið
fyrir stríðni vegna þess að þú
iðkar karate?
„Það var aðeins gert grín að
þessu þegar ég var í grunnskóla
og kom með hópnum mínum til
að kynna karate í skólanum. Sú
stríðni var aldrei sérlega alvarleg
og hafði ekki nein áhrif á mig.“
Spurð að því hversu lengi hún
ætli að halda áfram að keppa í
karate segir Telma Rut: „Fólk
keppir í þessari grein fram að
þrítugu en ekki mikið eftir það,
það eru helst karlarnir sem
keppa eitthvað lengur. Ég ætla
að keppa í þessari íþrótt þangað
til ég verð leið á henni. Núna
stefni ég á Evrópumeistaramótið
sem verður haldið eftir rúma
viku og heimsmeistaramótið í
Þýskalandi í nóvember. Ég æfi á
hverjum degi. Það er ekki mikill
tími fyrir margt annað, en ég
reyni að gefa mér tíma til að
hitta vinina.“
Börnin heilla
Spurð um áhugamál, önnur en
íþróttir, segir Telma Rut: „ Þeg-
ar ég var yngri langaði mig til
að verða leikkona og í níunda og
tíunda bekk var ég á leiklist-
arnámskeiðum í Mosfellsbænum
og lék í nokkrum leikritum sem
sett voru upp í Bæjarleikhúsinu,
eins og Þegar Trölli stal jólunum
og Lion King. Mér fannst gaman
að vera á sviði en er hætt við
að verða leikkona. Þegar ég var
sex ára langaði mig til að verða
flugfreyja og núna þegar ég er
búin að ferðast svo mikið þá
heillast ég af því starfi.“
Nú sem stendur vinnur hún á
leikskólanum Hlíð í Mosfellsbæ á
deild þar sem eru fimm ára
börn. „Börn heilla mig, mér
finnst svo gaman að sjá þau
þroskast og bæta sig,“ segir hún.
„Þau fylgjast með árangri mínum
í íþróttum og ég finn að þau líta
upp til mín. Ég finn til ábyrgðar
gagnvart þeim og sem fyrirmynd
veit ég að ég verð að haga mér
vel og standa mig.“
Frábær frammistaða Telmu
Rutar hefur vakið athygli, ekki
síst í Mosfellsbæ þar sem hún
býr ásamt foreldrum sínum, Sig-
ríði Sveinbjörnsdóttur bókara og
Frímanni Ægi Frímannssyni
framkvæmdastjóra G3 merkingar,
og hún á fimm systkini. Telma
Rut var beðin um að vera á
framboðslista stjórnmálaflokks Í
Mosfellsbæ fyrir komandi sveit-
arstjórnarkosningar, en hafnaði
boðinu. „Ég ákvað að segja pass
við því í bili. Kannski geri ég
það seinna,“ segir hún.
Keppnisskapið
hjálpar alltaf
TELMA RUT FRÍMANNSDÓTTIR ER 21 ÁRS AFREKSKONA Í ÍÞRÓTTUM
OG HEFUR UNNIÐ TIL FJÖLDA VERÐLAUNA. NÚ ÆFIR HÚN FYRIR
EVRÓPUMÓTIÐ OG STEFNIR Á HEIMSMEISTARANÓT Í VETUR.
HÚN SEGIR ÆFINGU, ÖGUN OG METNAÐ LYKILINN AÐ ÁRANGRI.
Kolbrún Bergþórsdóttir kolbrun@mbl.is
* Ég var nokkuðfúl út í sjálfamig fyrir að hafa
ekki staðið mig bet-
ur, en ákvað svo að
láta það ekki á mig
fá að ég átti vondan
dag heldur gera bet-
ur næst og standa
mig. Ef maður vinn-
ur úr mótlæti getur
maður komið sterkur
út úr ósigrum