Morgunblaðið - Sunnudagur - 27.04.2014, Page 25

27.4. 2014 MORGUNBLAÐIÐ SUNNUDAGUR 25
Jóhann Árni Ólafsson, spilar körfubolta með Grindavík
og leikur nú til úrslita um Íslandsmeistaratitilinn gegn
KR. Jóhann skoraði 15 stig að meðaltali í vetur.
Hversu oft æfir þú á viku? 5-6 körfuboltaæfingar og 2-3
lyftingaæfingar
Hvernig æfir þú? Hefðbundnar körfuboltaæfingar og
síðan eru lyftingaæfingarnar mjög misjafnar eftir álagi í
boltanum.
Hvernig er best fyrir nýliða að koma sér af stað? Setja
sér markmið og taka einn dag í einu en ekki ætla að
sigra heiminn strax, góðir hlutir gerast hægt.
Hver er lykillinn að góðum árangri? Agi á æfingum og
í eldhúsinu
Hvað er það lengsta sem þú hefur hlaupið? Góð
spurning, ég hef aldrei hlupið einhverja ákveðna vega-
lengt, en á sumrin þegar það er „offseason“ og maður er
í sumarbústað á Þingvöllum þá á maður til að fara út að
hlaupa, myndi giska á að það séu ca 10 km sem maður
hleypur þá hvað mest.
Hvað er það lengsta sem hefur liðið á milli æfinga hjá
þér? Ætli það sé ekki svona 10 dagar, og það geri ég eft-
ir úrslitakeppnina til að jafna mig eftir mikla ákefð, síð-
an byrjar maður að undirbúa sig fyrir næsta tímabil
hægt og rólega.
Hvernig heldurðu þér í formi þegar þú ferð í frí? Fer
út að hlaupa og geri styrktaræfingar í mikilli ákefð og
tek stutta hvíld á milli setta.
Ertu almennt meðvitaður um mataræðið? Ég er
meðvitaður um mataræðið, og sérstaklega þegar álagið
er mikið, hinsvegar finnst mér mjög gaman að elda og
borða góðan mat þannig að það er „balance“ á þessu hjá
mér.
Hvað borðarðu til að halda þér í formi? Ég borða
mikið af hafragraut með ofurfæði í, síðan kjúkling
og egg.
Hvaða óhollustu ertu veikur fyrir ? Pizzum og
bátum.
Hvað ráðleggurðu fólki sem vill bæta
mataræðið?
Kynna sér allar þær góðu og
hollu uppskriftir sem til eru út um
allt.
Hver eru erfiðustu meiðsli
sem þú hefur orðið fyrir?
Nárameiðsli, ég var lengi að
finna lausn á þeim og leitaði
til margra, en á endanum
fann ég lausnina og var
mjög feginn.
Hversu lengi varstu að
ná þér aftur á strik?
Rúman mánuð að kom-
ast í toppstand.
Hver eru heimsku-
legustu meiðslin
sem þú hefur orðið
fyrir? Ég hoppaði
einu sinni uppí loftið í kjallara í líkamsræktinni í Grinda-
vík og fékk stórt gat á hausinn, skal alveg taka það fram
að lofthæðin er mismikil og hún var ansi lítil þar sem ég
hoppaði upp.
Hver eru algeng mistök hjá fólki við æfingar? Æfa
stóru vöðvana sem sjást vel en gleyma þeim litlu sem
sjást minna en eru mikilvægir til að halda vöðvajafnvæg-
inu.
Hver er besti samherjinn? Daníel Guðni Guðmundsson,
hann hefur verið samherji minn upp alla yngri flokkana
og er núna liðsfélagi minn í Grindavík, síðan er ansi gott
að vera með manni eins og Ómari Sævarsyni í liði, það er
maður sem er fastur í fimmta gír.
Hver er fyrirmynd þín? Manu Ginobili
Hver er besti íþróttamaður allra tíma? Michael Jor-
dan er besti sem ég hef fylgst með, síðan koma nöfn eins
og Michael Phelps og Lance Armstrong uppí hugann þó
þeir hafi nú báðir lent í veseni eftir afrek sín.
Skemmtileg saga/uppákoma frá ferlinum? Þær eru
margar og ansi margar sem ekki er hægt að segja frá á
prenti. Það er eitt atvik sem stendur uppúr á þessu ári,
en það var þannig að við fórum á Sauðarkrók að keppa
og við fengum ansi lélega rútu úthlutaða fyrir ferðina.
Við þurftum að sækja og skila Sigga Þorsteins af okkur í
bænum og ákváðum að segja honum að það tæki svo
langan tíma að koma rútunni af stað ef hún myndi
stoppa, og því þurfti hann að hoppa í rútuna á ferð og
einnig úr henni. Honum tókst ágætlega að hoppa í hana
en þegar hann hoppaði útúr henni þá rúllaði hann eftir
götunni. Bílstjóranum brá svo að hann stoppaði. Þá
öskraði Siggi, „Ekki stoppa rútuna“, ennþá fullviss um
að það myndi taka langan tíma að koma
rútunni af stað ef hún myndi stoppa. Það
eru þessar skemmtilegu uppákomur
sem gera ferilinn svo skemmti-
legan, og maður man oft betur
eftir æðislegum
augnablikum
utan vallar
með liðs-
félögunum
heldur en
því sem
gerist innan
vallar.
Skilaboð að
lokum? Það er
mikilvægt að finna
sér einhverja líkams-
rækt sem manni finnst
skemmtileg því þá verður
þetta svo auðvelt, þá þarf
maður ekki að pína sig til þess
að fara og stunda sína líkams-
rækt. Einnig mæli ég með að fólk
fái sér einkaþjálfara ef það hefur tök á því, það gerir æf-
inguna bæði skemmtilegri og markvissari.
KEMPA VIKUNNAR
Agaður í eldhúsinu
Morgunblaðið/Árni Sæberg
Afhverju ekki að hefja nýja vinnuviku á því að fara fyrr á fætur? Það
getur verið gott að gefa sér tíma á morgnana til þess að nostra við
sjálfan sig í ró og næði, fara í bað, lesa tímarit eða hlusta á tónlist.
Slík tilbreyting getur lagt grunninn að vellíðan og góðri vinnuviku.
Breyttu til og vaknaðu fyrr*Í hreyfingu og ringulreið,reyndu að halda í kyrrðinainnra með þér.
Deepak Chopra
Það kemur eflaust fáum á óvart að
þeir sem eru svangir eru jafnan
verri í skapinu en þeir sem eru
ekki svangir. Þetta staðfestir hins
vegar ný rannsókn sem unnin var á
vegum háskólans í Ohio, Bandaríkj-
unum. 107 hjón tóku þátt í rann-
sókninni og var blóðsykur þeirra
mældur reglulega á 21 dags tímabili
og þau beðin um að meta ýgi sína í
lok hvers dags. Þá voru nið-
urstöður blóðsykursmælinga born-
ar saman við tilfinningar hjónanna
og í ljós kom að þeir sem mældust
lágir í blóðsykri fundu almennt fyr-
ir meiri reiði í garð makans jafnvel
eftir að búið var að taka tillit til
þess hversu farsælt hjónabandið
var almennt talið. „Ýgin verður áberandi þegar fólk hefur minni stjórn
á sér. Fólk þarfnast orku til þess að hafa stjórn á sér en hana er helst
að fá úr fæðu,“ segir Brad Bushman, sálfræðingur sem rannsakað hef-
ur ýgi í fjölmörg ár. Þessar niðurstöður benda til þess að draga megi
úr ýgi og árásargirni á ýmsum stöðum þjóðfélagsins, eins og til dæmis
á geðdeildum spítala og fangelsum, með því að auka aðgengi fólks að
mat. Þá leggur Bushman til þess að hjón ræði viðkvæm mál eftir
kvöldverð.
Það er betra fyrir hjónabandið að
vera saddur.
LÁGUR BLÓÐSYKUR
Vekur upp ýgi
HIV-veiran leggst
þungt á mörg lönd
Afríku og erfitt er að
ráða bót á því. Sam-
tökin The Center for
African Family Stu-
dies í Naíróbí hafa
skorið upp herör
gegn þessari vá með
nýjum umbúðum ut-
an um smokka. Um-
búðunum er ætlað
að breyta hugarfari
fólks til notkunar
verjanna. Þau hafa
fengið til liðs við sig
vinsælan listamann
sem skreytir umbúð-
irnar með líflegum
myndum. Samtökin hafa orðið vör við mikinn áhuga ungs fólks á
þessum nýju umbúðum. „Við settum mynd af þeim á Facebook og
fengum fjölmargar fyrirspurnir um hvar væri hægt að nálgast verj-
urnar. Það lá því beinast við að setja á markað heila línu af verjunum.
Enn í dag veigra margir sér við að festa kaup á smokkum og við vilj-
um breyta því. Það gekk þó ekki þrautalaust fyrir sig að fá listamenn
til liðs við okkur en margir vildu ekki leggja nafn sitt við þetta,“ segir
markaðsstjóri samtakanna.
POPPLIST GEGN EYÐNI
Umbúðirnar skipta máli
Michael Soi er listamaðurinn en söfnun er hafin fyrir
framleiðslunni á vefsíðunni indiegogo.com.
Nánari upplýsingar á www.heilsa.is
Fæst í apótekum og heilsuvöruverslunum
Oft er talað umMagnesíum sem„anti –stress“ steinefni
því það róar taugarnar og hjálpar okkur að slaka á. Magnesíum stjórnar og virkir um
300 ensím sem gegna mikilvægum hlutverkum í eðlilegri virkni líkamans. Það er
nauðsynlegt fyrir frumumyndun, efnaskipti og til að koma á jafnvægi á kalkmyndun
líkamans og fyrir heilbrigða hjartastarfsemi. Magnesíum er líka afar hjálplegt við
fótaóeirð út af vöðvaslakandi eiginleikum þess. Mjög gott er að taka magnesíum í
vökvaformi fyrir svefn til að ná góðri slökun og vakna úthvíldur.
Magnesium vökvi
• Til að auka gæði svefns
• Til slökunar og afstressunar
• Hröð upptaka í líkamanum
• Gott til að halda
vöðvunummjúkum
Virkar strax