Morgunblaðið - Sunnudagur - 27.04.2014, Page 30

Matur
og drykkir
Sumarleg pavlova
*Hin ótrúlega bragðgóða pavlova er afar sumar-legur eftirréttur. Í einfalda pavlovuuppskrift þarfaðeins að þeyta saman fjórar eggjahvítur, 2/3bolla sykur, 1 msk. maísmjöl. 1 tsk. af hvít-vínsediki er hrært síðast saman við varlega. Hræran er sett í hringlaga form á smjörpappírog bökuð við 150°C í 10 mín. en hitinn þá
lækkaður í 100°C og bakað í klst. Þá er slökkt
og kakan látin standa í ofninum í klst.
 Þú skalt aðeins drekka cappuccino, kaffi latte, macchiato eða annað
mjólkurkaffi á morgnana og aldrei eftir máltíð. Ástæðan er sú að mjólk er
ekki vel til þess fallin að hjálpa meltingunni. Það er í góðu lagi að panta
espresso eftir matinn á veitingastað, en alls ekki mjólkurkaffi. Ekki láta þér
bregða þótt þú fáir illt auga frá þjóninum ef þú brýtur þessa reglu (greinar-
höfundur hefur reynslu af slíkum mistökum, en gerði þau bara einu sinni).
Á sumum stöðum gætirðu jafnvel lent í því að vera neitað um afgreiðslu.
 Mundu að á Ítalíu er ekki mikil stemning fyrir því að verið sé að rugla
með kaffidrykki. Ekki biðja um myntu-frappuccino eða vera með vesen
heldur haltu þig einfaldlega við það sem er á kaffiseðli staðarins.
 Ef þú vilt panta espressó á Ítalíu biðurðu um „un caffé, per favore!“
Espressóbollinn er normið, hann er það sem allt miðast við og því er hann
það sem borið er á borð fyrir þann sem pantar sér einfaldlega einn kaffi eða
„un caffé“. Það er því algjör óþarfi að nota orðið espresso.
 Á ítölskum kaffibörum þarf oft að panta kaffið fyrst og borga við kassa
en fara svo til kaffibarþjóns með miðann og fá drykkinn afgreiddan. Ekki
henda miðanum!
 Ekki setjast niður nema þú hafir góða ástæðu til þess. Ítalir drekka sitt
kaffi standandi við barinn. Það er líka oftar en ekki ódýrara þannig. Margir
kaffibarir rukka eitt verð fyrir kaffi sem er drukkið al banco, þ.e. við bar-
inn, en annað ef sest er niður við borðið, eða al tavolo.
Þegar við erum á Ítalíu er best að gera eins og Ítalirnir gera og drekka
kaffið okkar eins og þeir.
Mjólkurkaffi er morgundrykkur en
ekki ætlað til brúks í eftirmiðdaginn.
Morgunblaðið/Styrmir Kári
ÍTALSKAR KAFFIREGLUR
Enga mjólk
eftir matinn
ÍTALIR DREKKA MIKIÐ KAFFI EN UM DRYKKJUNA GILDA
ÞÓ ÁKVEÐNAR REGLUR SEM VERT AÐ KYNNA SÉR
ÁÐUR EN HALDIÐ ER Á ÍTALSKAN KAFFIBAR.
ÞAÐ ER ALLS EKKI VÍST AÐ PÖNTUN SEM STANGAST
Á VIÐ HINAR HEILÖGU KAFFIREGLUR FÁIST AFGREIDD.
Eyrún Magnúsdóttir eyrun@mbl.is
Fyrir áhugasama um kaffidrykkju á
Ítalíu þá hefur Sara Rosso skrifað
heila bók þar sem hún leiðbeinir um
hvernig aðkomumenn skuli bera sig
að við kaffipantanir í landinu fagra.
Í
talía er þekkt kaffiland. Heimamenn fylla barina á morgnana og næla sér
í kaffi til að hlaða batteríin fyrir daginn og grípa þá gjarnan með sér
brioche með kaffinu, sem er sætabrauð náskylt hinu franska croissant.
Ítölum leiðist yfirleitt hvorki að drekka kaffi né tala um kaffi. Ef
vantar umræðuefni við Ítali er gott að hefja spjallið á að spyrja hvernig
best sé að gera góðan bolla af kaffi. Telja má nánast öruggt að viðkomandi
sé meira en til í að skýra út með tilþrifum og í afar löngu máli hvers kyns
kaffikanna hentar hverjum og einum best og hvernig fara skuli að því að
töfra fram dýrindis espressóbolla í eldhúsinu heima.
Þegar keypt er kaffi á bar þarf að vanda pöntunina. Orðið bar hefur í
raun ekki sömu merkingu þar og hér því það sem við myndum kalla kaffi-
hús er á Ítalíu kallað bar. Þú ferð á barinn á morgnana á Ítalíu – og ef til
vill líka seinna um daginn. Orðið bar á ítölsku er ekki endilega bara notað
yfir staði þar sem ætlunin er að hella í sig áfengi, heldur staði sem selja
kaffi, meðlæti og gjarnan ís líka – auk áfengra drykkja, sem þó eru ekki
aðalatriðið.
Fimm reglur sem gott er að muna áður
en kaffi er pantað á ítölskum bar
Á morgnana er í lagi að fá sér mjólk í kaffið en alls ekki í eftirmiðdaginn,
og reyndar helst ekki eftir kl. 11 á morgnana. Þetta er ein af mörgum
reglum um kaffi sem Ítalir taka alvarlega. Hér eru farið yfir nokkrar
þeirra:
Hægt að horfa á eldri
matreiðsluþætti á vefnum
Þátturinn Eldað með Ebbu sem sýndur er á
RÚV lýkur senn göngu sinni en á fimmtudag í
næstu viku er áttundi og síðasti þátturinn.
Fyrir matgæðinga er gott að vita að allir
þættir Ebbu eru aðgengilegir á www.ruv.is/
matur. Á þeirri vefslóð er einnig að finna
eldri matreiðsluþætti og uppskriftir úr þeim.
Nú þegar grilltíminn fer í hönd er líka gagn-
legt að vita til þess að þættirnir Hrefna Sætr-
an grillar eru aðgengilegir á fyrrnefndri vef-
slóð. Í þáttunum, sem sýndir voru á RÚV
síðastliðið haust, má til dæmis sjá meist-
arakokkinn Hrefnu leggja tandoori-lamba-
prime á grillið, reiða fram grillaða ostapitsu
með sultu og gera dýrindis laxaborgara.
Nýverið hóf göngu sína matreiðsluþátt-
urinn Læknirinn í eldhúsinu þar sem Ragnar
Freyr Ingvarsson sýnir fimi sína í eldhúsinu.
Þættirnir eru á dagskrá á Skjá einum á
fimmtudagskvöldum.
Eva Laufey Kjaran Hermannsdóttir byrjar
með nýjan matreiðsluþátt á Stöð 2 næst-
komandi mánudagskvöld en sjálf kallar hún
sig ástríðukokk. Þátturinn ber heitið Höfð-
ingar heim að sækja.
Meistari matreiðsluþáttanna Gordon
Ramsey hefur gert fjölda matreiðsluþátta.
Margir þeirra eru aðgengilegir á sjónvarps-
veitunni Netflix fyrir þá sem hafa slíkan að-
gang. Masterchef USA, þáttur þar sem Ram-
sey leitar að meistarakokki Bandaríkjanna
með aðferð raunveruleikasjónvarps, er sýnd-
ur á Stöð 2 á fimmtudagskvöldum.
MATREITT Í SJÓNVARPI
Matur á mat ofan í sjón-
varpi og á netinu
Bræðurnir Adam og James Price eiga vinsæla
veitingastaði í Danmörku, hafa gefið út mat-
reiðslubækur og eru með sjónvarsþætti í
danska ríkissjónvarpinu sem heita „Spise
med Price“. Þessir þættir verða sýndir á
RÚV á næstunni, sá fyrsti fimmtudaginn
8.maí. Þeir bræður eru þó ekki kokkar held-
ur hafa handritaskrif og tónsmíðar helst á
sinni ferilskrá. Adam Price er handritshöf-
undur og hefur meðal annars skrifað handrit
að Borgen, Önnu Pihl og fleiri vinsælum
dönskum þáttum. James Price hefur skrifað
söngleiki og tónlist fyrir leikhús, útvarp og
sjónvarp. Þættir þeirra njóta mikilla vinsælda,
ekki síst fyrir uppátækjasama matreiðslu og
hugmyndaauðgi.
Hvers kyns matreiðsluþættir njóta raunar
mikilla vinsælda hér á landi líkt og annars
staðar. Matreiðslubækur tróna jafnan efst á
metsölulistum og fólk virðist ekki fá nóg af
mat, hvort sem er á skjá eða síðum.
Sífellt bætist í hóp svokallaðra sjónvarps-
kokka hérlendis. Þeir sem falla í þennan hóp
eru ekki alltaf lærðir kokkar heldur fólk sem
hefur til dæmis tileinkað sér ákveðna færni
eða tiltekið mataræði og sýnir hvernig á að
fara að.
Eva Laufey KjaranEbba Guðný
Guðmundsdóttir
Ragnar Freyr IngvarssonHrefna Sætran
Bræðurnir Adam og James Price eru meðal vinsælustu sjónvarpskokka Dana. Þeir birtast á RÚV í maí.