Morgunblaðið - Sunnudagur - 27.04.2014, Blaðsíða 44

Fjármál
heimilanna
Ástralar fá stærsta arfinn
Morgunblaðið/Sverrir
AFP
*Ekki er amalegt að geta huggað sig við fráfallástvinar með veglegum arfi. Af öllum þjóðumheims eru Ástralar sennilega þeir sem auð-veldast eiga með að halda aftur af tárunum íjarðarförum því þeir eiga heimsmetið í upp-hæð arfs. Rannsókn HSBC leiddi í ljós aðmeðalarfur í Ástralíu er um 56 milljóna
króna virði. Er það fjórum sinnum hærra en
heimsmeðaltalið.
Elvar Árni Lund er maður margra
hæfileika. Hann starfar við útflutn-
ing sjávarafurða og stýrir fyrirtæki í
skelrækt en eflaust þekkja fleiri
hann sem forfallinn skotveiðimann
og formann Skotvís, Skotveiðifélags
Íslands.
Hvað eruð þið mörg
í heimili?
Við erum fimm í heimili. Eiginkonan
Arna Ýrr Sigurðardóttir, synir okk-
ar Níels Árni og Benedikt Árni sem
eru 9 og 6 ára og systursonur minn
Sveinn Andri. Við eigum labrador-
hundinn Skugga.
Hvað áttu alltaf til
í ísskápnum?
Það er alltaf til mjólk, ostur, smjör
og ávextir og eitthvert brauðmeti.
Svo vil ég alltaf eiga grænar ólífur
með steinum og nóg af chili-
kryddi.
Hvað fer fjölskyldan með í
mat og hreinlætisvörur á viku?
Við förum með um 30.000 á viku í
matarinnkaup.
Hvar kaupirðu inn?
Við verslum oftast í Bónus en
stundum liggur leiðin á Hagkaup og
Nettó. Við söknum þess að geta
ekki verslað í Krónunni, sem er
ekki að finna á Akureyri þar sem
við búum.
Hvað freistar helst
í matvörubúðinni?
Eftir að við hjónin fórum í 30 daga
hreinsun á mataræði hjá Davíð
Kristinssyni í Heilsuþjálfun á Ak-
ureyri eru það lífrænu vörurnar
sem heilla mest. Sykurlaust 80%
súkkulaði vottað af Fair Trade rat-
ar stundum í körfuna og svo er
það Prima Donna Maturo-
osturinn sem freistar um helgar.
Hvernig sparar þú
í heimilishaldinu?
Til að spara reynum við að kaupa
minna í einu. Því miður eru þessar
stóru einingar oft til þess fallnar að
maturinn skemmist áður en hans
er neytt. Það er nefnilega ekki alltaf
ódýrt að kaupa magnpakkningar. Ég
reyni svo að útvega mér fisk og
sjávarfang beint frá framleiðanda
og sama með lamba- og nautakjöt.
Hvað vantar helst á heimilið?
Ég held bara að okkur vanti ekki
neitt, en það væri gaman að eignast
nýjan blandara.
Eyðir þú í sparnað?
Ég hef lagt fyrir í lífeyrissparnaði hjá
Sparnadur.is í mörg ár og líka inn á
bankabók.
Skothelt sparnaðarráð?
Það er freistandi að segja að skot-
helt sparnaðarráð sé að veiða í
matinn, en þar sem það kostar orð-
ið oft svo mikið að komast til veiða
þá er villibráð munaðarvara. Það er
miður því villibráð er einhver holl-
asti matur sem hægt er að finna og
þegar maður fullnýtir bráðina og
gerir allt sjálfur veit maður hvers
konar eðalhráefni maður er með í
höndunum. Villtir grasbítar nýta
svæði sem oft henta ekki til skipu-
lagðrar beitar eða ræktunar svo
það er í sjálfu sér sparnaður að nýta
kjötið af þeim. Svo að það sé hægt
þarf hinsvegar að tryggja almenningi
áfram aðgengi að landinu.
NEYTANDI VIKUNNAR ELVAR ÁRNI LUND
Kaupir minna til að spara
Elvar Árni saknar þess mjög svo að geta ekki fundið Krónuverslun á Akureyri.
Með Elvari á myndinni er eiginkona hans, Arna Ýrr Sigurðardóttir.
Morgunblaðið/Skapti Hallgrímsson
Aurapúkinn hefur komið sér upp
nokkrum góðum sparnaðarráðum
í gegnum tíðina. Liggja sparnaðar-
tækifærin hvað helst í matarinn-
kaupunum og getur ódýr, bragð-
góður og seðjandi réttur oft
bjargað fjárhagnum.
Eitt sem Púkinn hefur lært er að
fá sér súpu þegar þarf að spara.
Púkinn fann sér einn góðan súpu-
framleiðanda og er enga stund að
snara fram máltíð í örbylgjuofn-
inum. Til að verða ekki þreyttur á
súpunni á púkinn nokkrar uppá-
haldstegundir til að breyta til.
Diskur fullur af súpu mettir mag-
ann hratt og vel og kostar af-
skaplega lítið. Svo skemmir ekki
fyrir að hitaeiningainnihaldið er oft
ekki mikið í súpum svo bæði er
verið að spara krónur og halda
aukakílóunum í skefjum.
Reyna má að spara enn meira
með því að gera súpuna frá grunni
frekar en úr dós eða pakka og
geyma hana tilbúna til upphitunar í
frysti eða í kæli.
púkinn
Aura-
Sparað með
súpunni
A
ð byggja upp góðan fjár-
hag snýst ekki bara um
að forðast stóráföllin. Oft
eru það litlu útgjaldalið-
irnir sem safnast upp í áranna rás
og koma í bakið á fólki. Leiðin að
fjárhagslegri heilsu er oftar en ekki
vörðuð mörgum smáum en góðum
ákvörðunum.
En hvað getur munað um nokkra
hundraðkalla hér og þar? Ert þú
kannski að leka peningum án þess
að gera þér grein fyrir heildar-
áhrifunum?
Rík af að gera nesti
Matarútgjöld eru sígilt dæmi um
lítinn og lúmskan kostnaðarlið. Það
er rétt að nærast vel og gefa lík-
amanum þá orku sem hann þarf til
að afkasta í vinnunni og njóta frí-
stunda, en örlítið daglegt bruðl í
matarútgjöldum safnast fljótt upp.
Hvað má t.d. spara með því að taka
nesti í vinnuna í stað þess að borga
fyrir hádegismat í mötuneytinu, úti
á næsta kaffihúsi eða skyndibita-
stað?
Algengt er að máltíð á hamborg-
arastað kosti í kringum 1.200 kr. og
mötuneytismáltíð getur líka kostað
töluvert. Gefum okkur að 1.000 kr.
að jafnaði fari í hádegismat, alla
virka daga ársins. Það gerir sam-
tals í kringum 260.000 kr. yfir árið.
Ef nesti væri tekið með í staðinn,
og kostaði bara 300 kr. í hráefni
hvern dag, þá væri sparnaðurinn
árlega um 182.000 kr.
Þeir sem venja sig af gosi og láta
sér nægja kranavatn fá líka sand af
seðlum að launum. Gefum okkur að
sjálfsali í vinnunni eða skólanum
selji hálfs lítra gosflösku á 250 kr.
Ein flaska á dag alla daga vikunnar
gerir um 65.000 kr. á ári.
Tölurnar eru svipaðar fyrir þá
sem ekki tekst að komast í gegnum
daginn án þess að kaupa sér kaffi-
bolla einhvers staðar.
Nokkrir bjórar kosta sitt
Fólk má ekki spara svo mikið að
lífið verði alveg litlaust, en það er
samt skynsamlegt að skoða hvað
afþreyingin og skemmtunin kostar
og kannski finna ódýrari iðju í stað-
inn.
Eða hvað kostar það að kaupa
fjóra bjóra á bar í mánuði hverjum
og fara mánaðarlega í bíó og kaupa
popp og gos í hvert skipti?
Gefum okkur að bíómiðinn kosti
1.250 kr., miðstærð af poppi og kók
800 kr. og bjórglasið 1.000 kr. Sam-
tals eru útgjöldin þá 6.050 kr. á
mánuði eða rúmlega 72.600 á ári.
Síðan eru ýmis önnur smáleg
gjöld sem stundum virðast hrein-
lega vera hluti af því að vera Ís-
lendingur: Seðilgjald hér, inn-
heimtuviðvörun þar, yfirdráttar-
vextir og sektir.
Gefum okkur eina innheimtu-
viðvörun í mánuði upp á 950 kr. og
fjögur seðilgjöld upp á 600 kr.
Samtals eru það 3.350 kr. á mánuði
sem gerir 40.200 kr. á ári. Í dag
eru vextirnir af 500.000 kr. yfir-
drætti svo 64.500 kr. yfir árið.
Og hvað kosta þau svo, öll þessi
litlu útgjöld sem talin hafa verið
upp hér að ofan? Jú, heilar 424.000
kr. á ári.
LEKUR VESKIÐ PENINGUM?
Hvað kosta öll litlu
útgjöldin mikið yfir árið?
MARGT SMÁTT GERIR EITT STÓRT. DAGLEG OG MÁNAÐARLEG ÚTGJÖLD SEM
ENGU VIRÐAST SKIPTA VERÐA AÐ MÖRGUM HUNDRUÐUM ÞÚSUNDA Á ÁRI HVERJU.
Ásgeir Ingvarsson ai@mbl.is
Víða leynast tækifæri. Að útbúa nesti í stað þess að kaupa hádegisverð ætti
að geta sparað um 182.000 kr. á ári miðað við forsendur greinarinnar.
Morgunblaðið/ÞÖK