Morgunblaðið - Sunnudagur - 27.04.2014, Síða 55

hef afrekað. Ég er sendiherra Wal-
es og stoltur af því.“
– Og syngur þar oft?
„Eins mikið og ég get. Alltaf.
Næst syng ég í Sweeney Todd eftir
Stephen Sondheim á alþjóðlegu tón-
listarhátíðinni í júlí. Þangað ættu
allir tónlistarunnendur að steðja, há-
tíðin var fyrst sett rétt eftir seinni
heimsstyrjöldina til að sýna að tón-
list kæmi á friði, og sameinaði þjóð-
ir. Þar koma fram kórar víðsvegar
að úr heiminum.
Það er gríðarlega öflugt kórastarf
í Wales. Foreldrar mínir syngja enn
í tveimur kórum og því kom líklega
engum á óvart að annar sonur
þeirra endaði raulandi. Bróðir minn
fór aðra leið, hann er þroskaþjálfi.“
Peningar eru mikilvægir
Bryn Terfel skaut upp á stjörnu-
himininn árið 1989, þegar þeir
Dmitri Hvorostovsky öttu kappi í
söngvarakeppninni í Cardiff. Rúss-
inn sigraði en heimamaðurinn var í
öðru sæti, og voru ekki allir sáttir
við það. Í dag eru þeir tveir af allra
kunnustu óperu- og ljóðasöngvurum
samtímans, og góðir félagar.
„Þessi keppni í Cardiff er gríð-
arlega mikilvæg fyrir alla sem eru
valdir til að taka þar þátt fyrir sitt
heimaland, það er mikill heiður,“
segir Terfel. „Til að komast á flug
inn í heim atvinnumennskunnar þá
jafnast engin keppni á við hana.
Þeir sem lenda í efstu sætunum fá
peningaverðlaun og það er afar mik-
ilvægt, því ungt fólk sem er að ljúka
dýru söngnámi þarf verulega á pen-
ingum að halda. Maður safnar
nefnilega skuldum í námi: það þarf
að kaupa nótur, föt að koma fram í,
skó, alla þessa einföldu hluti. Láta
klippa sig, fara í auka söngtíma,
tungumálatíma… Það lítur vel út á
ferilskránni að sigra í keppnum en
peningarnir eru mikilvægir. Þess
vegna hef ég komið á fót styrkt-
arsjóði fyrir unga söngvara í námi.
Sjóðurinn mun aldrei jafnast á við
sjóði Dame Kiri Te Kanawa eða
Richard Tucker, en ég reyni að
gera mitt besta.“
Heillandi heimur Wagners
Rödd söngvara breytist með árun-
um, og um leið hlutverkin sem þeir
takast á við. Terfel gat sér orð fyrir
túlkun á Mozartóperum en á síðustu
árum hafa óperur Wagners orðið
áberandi á efnisskrá hans; meiri
þungi og drama.
„Röddin er eins og bifreið. Það
þarf að hugsa vel um hana. Sum
tónskáld eru áberandi á efnisskrá
ungra söngvara, eins og Mozart var
hjá mér, en það þarf ekki að vera
slæmt. Með aldrinum hættir líkam-
inn síðan að vera jafn sveigjanlegur
og hann var áður og þá er maður
ekki endilega „hannaður“ lengur
fyrir Mozart-óperur. Ég tók ungur
þá ákvörðun að þroska og þjálfa
röddina sífellt og hvert var þá hægt
að stefna annað en til móts við
Wagner! Hann skrifaði afskaplega
fallega fyrir bass-baritóna. Í raun
skrifaði hann meistaralega vel fyrir
þessa rödd, frábær hlutverk eins og
Hans Sachs í Meistarasöngv-
urunum, Wotan, Telramund… Nú
er ég orðinn 48 ára og kominn tími
til fyrir mig að takast á við þessi
hlutverk. Það er nýr veruleiki. Og
mikil áskorun. Þegar maður fer að
syngja Wagnerhlutverk er nauðsyn-
legt að fara í þrisvar sinnum fleiri
söngtíma en áður. Sumar senur í
verkum Wagner eru lengri en heilu
þættirnir í öðrum óperum.
Það er átak að ganga inn í
heillandi heim Wagners en dýrðin
við það er að ég fæ að starfa með
fólki sem hefur fengið skólun í Bay-
reuth,“ og á hann þá við Wagner-
tónlistarhátíðina í tónlistarhúsi tón-
skáldsins í samnefndri borg.
„Fólk sem hefur starfað þar veit
hvað það er að gera. Ég hef verið
svo heppinn að syngja með frábær-
um Wagner-söngvurum, á borð við
Gerhard Siegel og Jonas Kaufmann.
Því miður mun ég þó aldrei syngja
sjálfur í Bayreuth, því hátíðin þar
er á sumrin og þeim vil ég verja
með börnunum mínum.“
Að lokum berst talið að stöðu óp-
erunnar í dag og auðheyrilegt er að
Terfel hefur ekki miklar áhyggjur
af henni, á meðal óperufólk skilji að
því ber að skemmta gestum.
Nýtur þess að koma fram
„Um þessar mundir er ég að syngja
í Konunglegu óperunni og þar er
alltaf fullt. Ég tel það vera besta
óperuhús heims í dag. Það er gull-
náma; góðar uppsetningar og söngv-
arar sækja í að syngja þar. Ég hef
sungið við öll stóru húsin en nú
sækist ég eftir að syngja hér heima.
Svo er það bónus að geta af og til
komið fram í Velsku óperunni. Hún
er líklega talin í annarri deild en
stendur sig engu að síður af-
skaplega vel. Vitaskuld eru laun þar
lægri en í stærstu húsunum en það
bitnar ekki á hinni faglegu vinnu.
Ég viss um að áhrifin af hinum
vinsælu kvikmyndaútsendingum í
háskerpu úr óperuhúsunum séu góð
en nú vilja allir hljóðrita okkur og
kvikmynda á allan hugsanlegan
hátt, fyrir útvarp og sjónvarp. Engu
að síður styð ég fyrst og fremst lif-
andi óperuflutning. Ég nýt þess
best að koma fram.
Það jafnast ekkert á við það þeg-
ar allt gengur upp á óperusviði.
Ef illa gengur í óperuhúsum þarf
að finna nýjar leiðir, setja upp betri
sýningar, fá nýja leikstjóra. Þetta er
skemmtun, hvort sem maður deyr
eða verður ástfanginn á sviðinu.
Hvort sem maður syngur í sextett,
kvartett, dúett eða einsöng, þá er
það skylda okkar söngvaranna að
gera það á eins skemmtilegan hátt
og mögulegt er. Vitaskuld hafa
komið fram kynslóðir frábærra
söngvara í fortíðinni, aftur og aftur,
en hvað sem segja má annars um
mína kynslóð þá sýnist mér að við
njótum þess að koma fram og
skemmtum okkur á sviðinu. Þá
skemmta áhorfendur sér líka,“ segir
Bryn Terfel að lokum og kveðst
vona að gestir á tónleikum hans á
Íslandi muni skemmta sér vel. Varla
þarf að efast um það.
27.4. 2014 MORGUNBLAÐIÐ SUNNUDAGUR 55
Ljósið fæst í helstu verslunarkjörnum
um land allt!gr
a
fi
k
.i
s
- kaupum ljósið!
Herferð Blátt áfram hefst
30. apríl og lýkur 4. maí
Forvarnarsamtökin Blátt áfram hvetja til forvarnarfræðslu
fyrir fullorðna í grunnskólum og samfélaginu öllu gegn kyn-
ferðisofbeldi á börnum. Starfið hjá forvarnarsamtökunum fer
fram allt árið og fagna þau 10 ára afmæli á þessu ári.
Það er verkefninu mikilvægt að samfélagið sýni stuðning sinn
í verki því án framlaga væru Blátt áfram ekki starfandi. Við
hvetjum landsmenn alla að hjálpa okkur í að upplýsa þjóðina
um gildi forvarna með því að kaupa ljósið.
Ein af hverjum 5 stelpum og einn
af hverjum 10 drengjum verða fyrir
kynferðislegu ofbeldi fyrir 18 ára
aldur.
Verum upplýst, kaupum ljósið! blattafram.is