Morgunblaðið - 16.05.2014, Qupperneq 32

32 FRÉTTIRInnlent
MORGUNBLAÐIÐ FÖSTUDAGUR 16. MAÍ 2014
Smiðjuvegi 34 |Rauð gata | www.bilko.is | Sími 557-9110
HarðskeljadekkTIRES
Mundueftir að finnaBESTAVERÐIÐáður en þú kaupirdekk!
SVIÐSLJÓS
Sigurður Ægisson
sae@sae.is
Norðan- og sunnanmenn, 60 ára og
eldri, eða þar um bil, hafa í rúman
áratug komið saman einu sinni á ári,
eftir að snjóa hefur tekið að leysa á
vorin, og att kappi við taflborðið yfir
helgi. Nú síðast fyrir viku, 10. og 11.
maí.
Upphafsmaður að þessu var Birg-
ir Sigurðsson, prentari og skákfröm-
uður. Hann var um tíma lands-
liðmaður í skák og ritstjóri
tímaritsins Skákar og var gerður að
heiðursfélaga Skáksambands Ís-
lands 2013.
Fyrst var keppt árið 2003
„Já, þetta hófst árið 2003,“ segir
Þór Valtýsson, höfuðpaur þeirra
norðanmanna.
„Birgir Sigurðsson hringdi þá í
mig og spurði hvort við ættum ekki
einhverja nyrðra til að glíma við
sunnanmenn í hinni fornu og göfugu
íþrótt og listgrein. Og við auðvitað
slógum til. Við byrjuðum á Akureyri
2003, svo fórum við til Reykjavíkur
2004, og þannig var þetta til skiptis
allt þar til var ákveðið að hittast á
Blönduósi 2009, þ.e.a.s. mætast
nokkurn veginn miðsvæðis, og þar
vorum við á hótelinu, tefldum, möt-
uðumst og gistum.
Síðan æxlaðist það þannig að Karl
Steingrímsson útvegaði okkur þetta
pláss hér, í veiðiheimilinu Flóðvangi
í Vatnsdal í Austur-Húnavatnssýslu,
en það er í eigu Veiðifélags Vatns-
dalsár, og þar höfum við hist síðan,
allt frá 2010. Hann á heiðurinn af
því. Hann og kona hans sjá um hús-
næðið og matinn, meðan á þessari
dvöl okkar stendur.“
Viss kjarni mætir alltaf
Ekki er alltaf um sömu ein-
staklinga að ræða í liðunum, en samt
er þar gegnumgangandi viss kjarni,
einkum meðal norðanmanna, enda
ekki úr eins stórum hópi að velja þar,
eins og gefur að skilja. Þar fyrir utan
takmarkar húsnæðið fjöldann. Ekki
geta fleiri en 22-24 komist í þetta
ævintýri í einu.
Lið norðanmanna var þannig skip-
að núna: Ásbjörn Guðmundsson, Ás-
kell Örn Kárason, Haki Jóhann-
esson, Haraldur Haraldsson, Jón Þ.
Þór, Karl Steingrímsson, Ólafur
Kristjánsson, Sigurður Eiríksson,
Sigurður Ægisson, Sveinbjörn Sig-
urðsson og Þór Valtýsson.
Og í liði sunnamanna voru: Björg-
vin Víglundsson, Einar S. Einarsson,
Garðar Guðmundsson, Gísli Árna-
son, Guðfinnur R. Kjartansson, sem
jafnframt var mótsstjóri, Gunnar
Kr. Gunnarsson, Jón Steinn Elías-
son, Jón Úlfljótsson, Kristján Guð-
mundsson, Páll G. Jónsson, Sæbjörn
G. Larsen og Sævar Bjarnason.
Einar S. Einarsson er nú foringi
sunnanmanna, hefur tekið við kefl-
inu úr hendi Birgis Sigurðssonar,
sem lést 22. apríl síðastliðinn.
Á laugardeginum eru tefldar 15
mínútna skákir, í A- og B-riðli, og
um kvöldið er svo slegið upp opnu
hraðskákmóti, með þeim sem vilja,
svona til að hita upp fyrir alvöruna
sem er á sunnudeginum, þar sem
norðan- og sunnanmenn glíma í 7
mínútna hraðskákum.
Norðanmenn höfðu betur í ár
Að þessu sinni voru 6 í A-riðli og 5
í B-riðli í lengri skákunum. Norð-
anmenn unnu þann fyrri 18,5 gegn
17,5 og þann síðari með 19 vinn-
ingum gegn 11.
Eins fór með hraðskákina, þar
sem tefldar voru 11 umferðir; norð-
anmenn fengu 73,5 vinninga, en
sunnanmenn 47,5.
„Þessi samkoma hefur verið af-
skaplega vel heppnuð og menn
ánægðir, alveg frá upphafi,“ segir
Þór. „Við unnum með nokkrum yf-
irburðum núna. Þetta var miklu
jafnara í fyrra. Og oft hafa sunn-
anmenn tekið okkur í bakaríið, sér-
staklega þegar við höfum teflt í
Reykjavík. En við höfum þó unnið
oftar.“
Etja kappi við taflborðið
Tilþrif Menn komnir að borðum og hraðskákin farin af stað.
Morgunblaðið/Sigurður Ægisson
Skákmennirnir Hópurinn fyrir utan veiðiheimilið Flóðvang í Vatnsdal, þar sem keppnin fer fram hvert ár.
Stund milli stríða Jón Þ. Þór
sagnfræðingur fær sér í pípu.
 Norðan- og sunnanmenn, 60 ára og eldri, koma árlega saman í veiðihúsi í Vatnsdal og keppa í
hinni fornu og göfugu íþrótt og listgrein skákinni  Áhuginn mikill en húsnæðið takmarkar fjöldann
Niðurskurður til landbótaverkefnis-
ins Hekluskóga hefur verið dreginn
til baka að hluta með þriggja millj-
óna króna viðbótarframlagi frá um-
hverfis- og auðlindaráðuneytinu og
verður nú 22,4 milljónir. Á vef Skóg-
ræktar ríkisins er haft eftir Hreini
Óskarssyni, framkvæmdastjóra
Hekluskóga og skógarverði á Suður-
landi, að viðbótarféð renni óskipt til
ræktunarstarfsins. Nú eru gerðar
tilraunir með að köggla birkifræ
með mold og kjötmjöli.
Stefnt er að því að gróðursetja um
260.000 trjáplöntur á vegum Heklu-
skóga í sumar, um 250.000 birki-
plöntur og 10.000 af reynivið. Á veg-
um Hekluskóga hafa verið gerðir um
200 samningar við landeigendur sem
sjá sjálfir um að gróðursetja hátt í
helming af trjáplöntum sem settar
eru niður undir hatti Hekluskóga.
Notkun kjötmjöls er snar þáttur í
starfi Hekluskóga. Að sögn Hreins
er kjötmjölið frábært efni til land-
græðslu af þessum toga og á þessum
slóðum gefi það ekki síðri raun að
dreifa kjötmjöli en sú hefðbundna
aðferð að dreifa grasfræi og áburði
enda sé mjög mikið af fræi í vikr-
inum sem spíri þegar næringarríku
kjötmjölinu er dreift yfir gróður-
laust landið. Næringin úr mjölinu
endist gróðrinum í um það bil þrjú
ár. Þá er lag að koma inn með trjá-
plöntur og gróðursetja birki og
reynivið. Um 150 tonnum af kjöt-
mjöli verður dreift á svæði Heklu-
skóga í sumar, segir á skogur.is
Hraust planta upp af fræinu
Í fyrrahaust söfnuðu velunnarar
verkefnisins birkifræi og sendu
Hekluskógum og verður því blandað
saman við kjötmjöl og gróðurmold í
sumar. Með því að dreifa slíkri
blöndu fær fræið gott veganesti til
að spíra og róta sig. Nú eru gerðar
tilraunir með að köggla þessa
blöndu líkt og gras- eða viðarköggla.
Ef í ljós kemur að fræið þolir
þessa meðferð verður auðveldara að
dreifa blöndunni og mögulegt að
nota til þess dráttarvélar og áburð-
ardreifara. Köggullinn leysist fljót-
lega upp og þá verður áburður, mold
og fræ á sama blettinum.
Köggla birkifræ
með mold og mjöli
 Hekluskógar fá
viðbótarframlag
Ljósmynd/Hreinn Óskarsson
Ræktun Kjötmjölsdreifing á vegum
Hekluskóga hefur gefið góða raun.