Morgunblaðið - 16.05.2014, Qupperneq 50

50 FRÉTTIRErlent
MORGUNBLAÐIÐ FÖSTUDAGUR 16. MAÍ 2014
Brynjólfur Þorkelsson
Framkvæmdastjóri
binni@remax.is
Sylvía GWalthersdóttir
Löggiltur fasteignasali
sylvia@remax.is
„...veittu mér framúrskarandi
þjónustu í alla staði“
„Katrín heiti ég. Þau hjónin Binni og Sylvía sáu um
að selja húsið mitt sumarið 2013 og veittu mér
framúrskarandi þjónustu í alla staði. Haldið var
opið hús þar sem þau sáu um að bjóða fólkið
velkomið og fylgdu opna húsinu svo eftir
en það leiddi til sölu sem allir voru sáttir við.
Ég mæli hiklaust með þessum sætu hjónum“
820 8080 Hringdu núna ogpantaðu frítt söluverðmat
Hátúni 6a • 105 Rvk • Sími 552 4420 • fonix.is
ELDHÚSTÆKI
Hólmfríður Gísladóttir
holmfridur@mbl.is
Fyrstu útfarir fórnarlamba námuslyssins í Soma í Tyrk-
landi fóru fram í gær. Um er að ræða mannskæðasta iðn-
aðarslys í sögu landsins; að minnsta kosti 282 eru látnir
og 142 enn saknað. Mikil reiði ríkir í landinu vegna slyss-
ins og í gær efndu tyrknesk verkalýðsfélög til eins dags
verkfalls til að mótmæla slæmu ástandi öryggismála í
námuiðnaðinum. Fjöldi fólks mótmælti í borgunum Ank-
ara, Istanbul og Zonguldak og í Izmir beitti lögregla
táragasi og vatnsbyssum gegn þúsundum mótmælenda
sem söfnuðust saman á götum úti.
Krufningar hafa leitt í ljós að mennirnir létust úr kol-
sýringseitrun en eldar hafa geisað í námunni frá því
sprenging varð á þriðjudag og hamla reykur og eitur-
gufur björgunarstarfi. Vonir voru bundnar við að finna
einhverja á lífi í „öruggum“ klefum námunnar, þar sem
er að finna súrefnisbirgðir og ýmis aðföng, en í gær fund-
ust fjórtán látnir í einum slíkum klefa.
Sorg og reiði
Ættingjar og vinir grétu við útfarir fórnarlambanna í
gær en sorg blandaðist reiði vegna viðbragða stjórn-
valda. Í ávarpi sínu til ástvina námuverkamannanna á
miðvikudag kom forsætisráðherrann Recep Tayyip Er-
dogan sér undan því að fjalla um öryggismál í námum
landsins en sagði harmleiki á borð við þennan fylgifisk
hættulegs iðnaðar. Slíkur var tilfinningahitinn meðal við-
staddra að ráðherrann neyddist til að leita skjóls í stór-
vörumarkaði þegar fólkið gerði aðsúg að honum.
Reiði og hneykslan landsmanna jókst enn í gær þegar
tyrknesk dagblöð birtu myndir af jakkafataklæddum
manni sparka í mótmælanda sem lögregluþjónar halda
niðri. Blöðin nafngreindu manninn, Yusuf Yerkel, en
hann er einn aðstoðarmanna Erdogan. Ekki leið á löngu
þar til myndirnar höfðu vakið ofsaleg viðbrögð á sam-
skiptamiðlum. Yerkel hét því að útskýra atvikið en hafði
ekki tjáð sig frekar um málið seint í gær.
Fjölmiðlar sögðu frá því í gær að náman í Soma hefði
verið í eigu ríkisins en leigð til einkafyrirtækis. Verka-
lýðsfélög kröfðust þess að öryggi námumanna yrði bætt
og sögðu að eftirlit ætti að vera í höndum óháðra aðila en
ekki námufyrirtækjanna. Talsmaður bandalags fram-
sækinna verkalýðsfélaga sagði mennina vinna langa
vinnudaga, vera án starfsöryggis og að flestir þeirra
væru óskráðir. Hann sagði að einkavæðing námaiðnaðar-
ins í Tyrklandi hefði leitt til mikillar fjölgunar slysa, þar
sem ágóðinn væri alltaf settur ofar mannslífum í einka-
geiranum.
Mannskæðasta iðnaðar-
slys í sögu Tyrklands
 Að minnsta kosti 282 látnir  Heitar tilfinningar brjótast út
AFP
Harmleikur Duygu Colak syrgir eiginmann sinn Ugur við útför hans í borginni Soma í gær.
AFP
Hneykslan Myndin af aðstoðarmanni ráðherra sparka í
mótmælanda vakti gríðarlega reiði í Tyrklandi í gær.
Ekki eru til nákvæmar upplýsingar
um hversu mörg börn starfa við
tóbaksræktun í Bandaríkjunum en
af 150 viðmælendum, sem tóku þátt
í könnun mannréttindasamtakanna
Human Rights Watch, reyndust
75% sýna einkenni bráðrar nikótín-
eitrunar.
Börnin sögðust m.a. þjást af
ógleði, uppköstum, lystarleysi, höf-
uðverkjum, svima og öndunarerfið-
leikum en þau reyndust einnig hafa
orðið fyrir áhrifum skordýraeiturs
frá nærliggjandi ökrum og hafa
slasað sig á beittum verkfærum
sem notuð eru við uppskeruna.
Varnarlaus fyrir eitrun
Rannsókn HRW tók til fjögurra
ríkja þar sem tóbak er ræktað:
Norður-Karólínu, Kentucky, Ten-
nessee og Virginíu. Yngstu börnin
sem samtökin ræddu við voru að-
eins 11-12 ára gömul, flest afkom-
endur suðuramerískra innflytjenda
í nærliggjandi bæjum, og unnu við
tóbaksræktunina á sumrin til að
drýgja tekjur fjölskyldunnar.
„Þegar skólaárinu lýkur halda
börnin á tóbaksakrana, þar sem
þau komast ekki hjá því að verða
fyrir áhrifum hættulegs nikótíns,
án þess þó að reykja eina einustu
sígarettu,“ segir Margaret Wurth,
einn höfunda skýrslu HRW. „Það
kemur ekki á óvart að börnin, sem
eru varnarlaus fyrir eitrun á tób-
aksökrunum, séu að veikjast,“ er
haft eftir henni í tilkynningu.
Mörg barnanna reyndust vinna
langa vinnudaga án þess að fá
greitt yfirvinnukaup né fengu þau
tilskildan hvíldartíma. Höfundar
rannsóknarinnar leggja til að sett
verði 18 ára aldurstakmark á störf
á tóbaksökrunum.
Sýna einkenni
nikótíneitrunar
AFP
Tóbak Börnin hafa aldrei reykt en
þjást engu að síður af nikótíneitrun.
 11-12 ára börn vinna á tóbaksökrum