Stígandi - 01.04.1944, Síða 11

STÍGANDI
GAMALT LAG
89
Hljóðláta nótt! í þinn heiðis nið
hjúpaðu fornan — og nýjan sið.
Gamalt og nýtt jarðneskt göngulag
legðu glitrandi stjörnubrjóst þitt við.
Láttu stórasand líísins skarta
við leiftur á úthafsdjúpið svarta
og eiga sinn dýrasta, efsta brag
við eilífðar móðurhjarta.
Sigurjón Friðjónsson.
Það eru ekki landkostir og blíðviðri og gull og silfur og eðalsteinar, sem
gerir þjóðirnar farsælar og voldugar og ríkar, heldur það hugarfar eða sá
andi, sem býr í þjóðinni. Hann er eins og sálin í mannlegum líkama. Sá,
sem hefir skarpvitra og æfða sálu, hann getur komið þúsund sinnum meiru
til leiðar en sá, sem hefir sljóva sál og veika, þó að hann hafi sterkan
líkama. Eins eru þjóðirnar. Hvað stoðar það, að ein þjóð hefir allsnægtir
í landi sínu, ef hún kann ekki að afla þess eða vill ekki afla þess? Og hvað
stoðar það, að hún afli þess, ef hún kann ekki eða vill ekki færa sér það í
njrt?
Baldvin Einarsson.