Læknablaðið - 15.11.2000, Blaðsíða 69

UMRÆÐA & FRÉTTIR / SAMNINGUR LÍ OG LYFJAFYRIRTÆKJA
Stefán Guðjónsson frá Samtökum verslunarinnar, Guðbjörg Alfreðsdóttir
formaður lyfjahóps Samtaka verslunarinnar, Sigurbjörn Sveinsson
formaður LÍ og Jón G. Snœdal varaformaður LÍ.
Samningur Læknafélags
íslands og lyfjafyrirtækja
Frá undirritun: Guðbjörg Alfreðsdóttir og Sigurbjörn Sveinsson.
Læknafélag Íslands og lyfjahópur
Samtaka verslunarinnar fyrir hönd
lyfjaíyrirtækja hafa gert með sér þann
samning sem hér er kynntur. Tilurð
samningsins er sú að stjórn LÍ ákvað að
skoða að nýju samskipti lækna og
lyfjafyritækja, en fyrir allmörgum árum
höfðu nefndir á vegum félagsins kynnt
tillögur að reglum í Læknablaðinu án þess
að þær hlytu formlega afgreiðslu (1).
Fyrstir voru hins vegar heimilislæknar en
félag þeirra gaf út leiðbeiningar til
félagsmanna um samskipti þeirra við
lyfjafyrirtæki árið 1987 (2).
Nefnd er stjórnin skipaði haustið 1998
hefur unnið að þessu verkefni með hléum
síðan. Hún var auk undirritaðs skipuð
Halldóri Jónssyni heimilislækni í
Lágmúlastöðinni og Birgi Jóhannssyni
fyrrverandi formanni Félags ungra lækna. í
starfi nefndarinnar kom upp sú hugmynd að
í stað þess að gefa út einhliða leiðbeiningar
væri vænlegra að gera samning við
lyfjafyrirtæki um samskiptareglur því þá
væri líklegra að samskipti yrðu farsæl en
það er markmiðið. í framhaldi af þessu voru
teknar upp viðræður við fulltrúa lyfjahóps
Samtaka verslunarinnar. í ljós kom að
hópurinn var að vinna að siðareglum fyrir
lyfjakynna og að hugmyndir hópsins féllu
vel að hugmyndum nefndarinnar.
Samræðurnar gengu því vel og ekki tók
langan tíma að komast að niðurstöðu.
Þetta er í fyrsta sinn sem þessir aðilar
gera með sér samkomulag af þessu tagi og
var því ákveðið að hafa hann tímabundinn
svo innan fárra ára komi til endurskoðunar
í ljósi reynslunnar.
Þeir læknar sem vilja koma á framfæri
athugasemdum við þennan samning eða fá
túlkun nefndarinnar á einstökum atriðum
geta gert það með því að senda tölvubréf til
undriritaðs í netfang jsn@mmedia.is eða á
skrifstofu Læknafélagsins.
Að lokum skal bent á athyglisverð skrif
um þessi mál og hliðstæð sem birtust í The
New England Journal of Medicine
síðastliðið sumar (3-5).
Jón Snædal
Heimildir
1. Leiðbeiningar Læknafélags Islands um samskipti
lækna við framleiðendur og söluaðila lyfja og
lækningatækja. Tlllögur nefndar LÍ sem starfaði frá
mars 1992 til apríl 1993. Læknablaðið / Fréttabréf
lækna 1993; 11 (8): 16-7.
2. Leiðbeiningar stjómar Félags íslenskra
heimilislækna um samkipti heimilislækna og
lyfjafyrirtækja. Læknablaðið / Fréttabréf lækna
1987; 5 (10): 3.
3. Angell M. Is academic medicine for sale? N Engl J
Med 2000; 342:1516-8.
4. Bodenheimer T. Uneasy alliance; clinical
investigators and the pharmaceutical industry. N
Engl J Med 2000; 342:1539-44.
5. Is academic medicine for sale? [letter to the
editor]. N Engl J Med 2000; 343:508-10.
Læknablaðið 2000/86 793