Læknablaðið - 15.11.2000, Page 88

FRÁ HEILBRIGÐIS- OG TRYGGINGAMÁLARÁÐUNEYTINU OG LANDLÆKNI
Lyfjamál 89
Tíu söluhæstu lyfin 1999
í lyfjamálaumræðunni að undanförnu hefur oft verið talað um vaxandi kostnað samfélagsins af lyfjum og bent á að stór hluti ört
vaxandi kostnaðar muni vera vegna nýrra lyfja. Af því tilefni var athugað hvaða lyf voru söluhæst á síðasta ári og söluþróun þeirra
skoðuð. Af 722 lyfjum (flokkuð samkvæmt ATC) sem voru með einhverja sölu skráða á árinu 1999 voru 10 söluhæstu lyf í
stafrófsröð: búdesóníð, cítalópram, flúoxetín, flútíkasón, nikótín, ómeprazól, paracetamól í blöndum, paroxetín, simvastatín og
storkuþáttur VIII.
Á árinu 1989 var hlutdeild þessara lyfja, sem þá voru á markaði, 3% af heildarsölu lyfja. Á síðasta ári var hlutdeildin
komin í 21%. Af þessum 10 söluhæstu lyfjum hefur meirihluti komið á markað á tímabilinu.
808 Læknablaðið 2000/86