Læknablaðið - 15.11.2000, Page 93

UMRÆÐA & FRETTIR / LY F J AT I L R A U N I R
Þegar þátttaka í lyfjatilraunum er eini kosturinn
„Hversu gagnlegt er að gera ráð fyrir
upplýstu samþykki sjúklinga á Filippseyjum
og í öðrum þróunarlöndum, þegar það eru
alltaf hinir fátækustu sem taka þátt í
lyfjarannsóknunum, sem hafa ekki ráð á að
kaupa þau lyf sem eru seld á frjálsum
markaði? Lyfjarannsóknir eru eina
raunverulega leið þeirra til að fá læknis-
meðferð og ekki er hægt að segja að þeir
hafi frelsi til að ákveða að taka ekki þátt í
meðferðinni.“ Fatima Alvarez-Castillo, sem
starfar með samtökum um heilsufarsleg
félagsvísindi á Filippseyjum, vakti máls á
þessu í tilefni af nýlegri rannsókn sem gerð
hefur verið þar í landi. Rannsóknin var
kynnt á þingi um lífsiðfræði sem haldið var í
London nýverið. A Filippseyjum er hægt að
fá ókeypis sjúkdómsgreiningu en lyfjameð-
ferð þarf að greiða fullu verði. í samfélagi
þar sem 50% íbúa lifa undir fátækra-
mörkum en aðeins 6% búa við raunveru-
lega læknisþjónustu er hætt við að
siðferðileg vandamál af þess tagi komi upp.
Alvarez-Castillo segir spillingu landlæga í
heimalandi sínu og þrýstingur mikill á fólk
að taka þátt í tilraunum með ný lyf. Læknar
og aðrir heilbrigðisstarfsmenn eru einnig
undir þrýstingi og eiga stundum beinna
hagsmuna að gæta að standa fyrir lyfjatil-
raunum. „Það sem við þurfum á að halda er
að þeir sem standa fyrir tilraunum séu
sjálfir undir eftirliti og geri grein fyrir
markmiðum, siðfræði og hugmyndafræði
sinni. Stjórnvöld þurfa líka að axla sína
ábyrgð og gefa fátækasta hluta þjóðarinnar
kost á að fá ókeypis lyf.“
Fréttir affimmta heimsþingi um lífsiðfrœði,
26. september 2000,
Reuters; www.medscape.com
Nefnd tíl að sporna gegn ofnotkun sýklalyfja
Nýverið var skipuð nefnd til að spoma gegn ofnotkun sýklalyfja og hindra ónæmi
baktería fyrir sýklalyfjum. Nefndin var skipuð að tillögu sóttvarnaráðs. Auk þess
hlutverks sem felst í nafni nefndarinnar skal nefndin vera yfirvöldum til ráðuneytis um
þennan málaflokk og skila ráðherra skýrslu árlega. Formaður nefndarinnar er Karl G.
Kristinsson prófessor, sýklafræðideild Landspítala - háskólasjúkrahúss.
Afvef Heilbrigðis- og tryggingamálaráðuneytis.
PlJlI LÍFEYRISSJÓÐUR LÆKNA
Hefur þú skoðað www.llaekna.is?
Allar upplýsingar
um Lífeyrissjóð lækna: Lífeyrisréttindi
Læknablaðið 2000/86 813