Læknablaðið - 15.03.2002, Blaðsíða 47
FRÆÐIGREINAR / KLÍNÍSKAR LEIÐBEININGAR
Klínískt ástand Meðferðarleiðbeiningar
INR > markgildi meðferðar en < 5,0 og ekki merki um blæðingu. Minnkið skammtinn, eða sleppið næsta skammti og hefjið meðferð að nýju með minni skammti þegar INR er innan meðferðarmarkgilda. Ef INR er einungis aðeins yfir meðferðarmarkgildum er ekki endilega nauðsynlegt að minnka skammtinn.
INR > 5,0 en < 9,0 en ekki merki um blæðingu. Sleppið næstu einum til tveimur skömmtum, mælið INR oftar, hefjið aftur meðferð með minni skammti þegar INR er innan meðferðarmarkgilda. Hjá sjúklingi í aukinni blæðingarhættu má sleppa næsta skammti og gefa K-vítamín (2-4 mg um munn). Fyrir bráðaskurðagerð og þörf er á að lækka INR gildi hratt: Gefið K-vítamín (2-4 mg um munn), ef INR er enn hátt að 24 klst. liðnum gefið þá annan skammt af K-vítamíni (2-4 mg um munn).
INR > 9,0 en ekki nein merki um blæðingu. Sleppið warfaríni, gefið K-vítamín (3-5 mg um munn). Fylgið INR mælingum vel eftir. Ef INR hefur ekki lækkað verulega innan 24 -48 klst. þá mælið það enn oftar og gefið annan skammt af K-vítamíni ef það er nauðsynlegt. Hefjið meðferð að nýju með minni skammti þegar INR er innan meðferðar- markgilda.
Meðferð sjúklinga á blóðþynningu og eru blæðandi.
Hér má fara sömu leiðir og þegar INR gildi eru of há en þó með öðrum áherslum.
Klínískt ástand Meðferðarleiðbeiningar
Alvarleg eða lífshættuleg blæðing. Hafið samband við blóðfræðing. Hættið warfarín gjöf, gefið vítamín-K (10 mg gefin hægt í æð) og gefið próthrombín komplex þykkni (hreinn faktor II, VII, IX og X) 40-60 ein/kg, oftast um 3000 einingar (endurtaka eftir 8-12 klst ef INR er ennþá hátt), allt eftir því um hversu mikið bráðaástand er að ræða. Ef próthrombín komplex þykkni er ekki fáanlegt skal gefa 5-7 einingar af fersku frosnu plasma (FFP). Endurtaka FFP gjöf eftir 12-15 tíma ef INR er ennþá hátt. K-vítamíngjafir má endurtaka á 12 klst. fresti. Athuaið að bað tekur stvttri tíma að upphefja blóðþvnninau með próthrombín komplex þvkkni oa notist því í miöa bráðum blæðinaum (til dæmis heilablæðinauml
Áhrif warfarfns geta breyst vegna fjölda milliverkana.
Læknablaðið 2002/88 223