Læknablaðið - 15.10.2003, Blaðsíða 73

UMRÆÐA & FRÉTTIR / LÆKNAR GEGN TÓBAKI
Hálfnað verk þá hafið er - klárum það!
Ef saman okkar snúa bök,
sjá, þá lyftast Grettistök
í tilefni reyklausa dagsins 31. maí sl. ákvað stjórn
félagsins Læknar gegn tóbaki að leita eftir stuðn-
ingi lækna til að minna á daginn og tilgang hans.
Ekki verður annað sagt en að undirtektir hafi ver-
ið frábærar. Við sendum tæplega 1000 kort til
allra lækna á íslandi og af þeim skiluðu sér á
þriðja hundrað undirrituð kort til Jóns Kristjáns-
sonar heilbrigðismálaráðherra. A kortinu var
minnt á metnaðarfull markmið heilbrigðisáætlun-
ar alþingis til ársins 2010 um að draga úr reyking-
um. ítrekaður var vilji læknisins til þess að stuðla
að því í starfi sínu að þessi markmið náist. Jafn-
framt var því beint til ráðherra að tryggja rétt
fólks til reyklauss umhverfis og sérstaklega nefnt
að gera þurfi almenn rými á veitinga- og
skemmtistöðum reyklaus. Ennfremur var bent á
mikilvægi góðra meðferðarúrræða fyrir þá sem
vilja hætta að reykja og í því sambandi nefnd
„Ráðgjöf í reykbindindi - grænt símanúmer 800
6030 “.
Fátt er líklegra til að fá einstakling til að hætta að
reykja en einmitt ábending frá lækni. Einnig er á-
hrifaríkt að rödd lækna (einstakra og í hópum)
heyrist oft og víða, bæði varðandi gamlar stað-
reyndir og nýjar áherslur í tóbaksvörnum. Þetta
vanmeta læknar í tóbaksvarnastarfi sem og öðru
forvarnastarfi, t.d. slysavörnum. Það hefur sann-
arlega áhrif þegar fjórðungur íslenskra lækna sér
ástæðu til að senda ráðherra kort og undirstrika á-
hersluatriði í tóbaksvörnum. Leiðari Morgun-
blaðsins 7. júlí fjallaði um ábendingar lækna til
ráðherra varðandi óbeinar reykingar. Þegar stjórn
Lækna gegn tóbaki átti fund með ráðherra rúm-
lega einum mánuði eftir reyklausa daginn sýndi
hann ábendingum þessa stóra læknahóps bæði
skilning og áhuga. Greinilegt var að hann og sam-
starfsfólk hans vill vinna ofangreindum atriðum
brautargengi. A fundinum fögnuðum við því að
ísland var eitt af fyrstu löndunum til að undirrita
rammasamning WHO um takmörkun tóbaks-
reykinga. Að mestu snerust umræðurnar þó um
óbeinar reykingar, skaðsemi þeirra og mikilvægi
þess að draga úr þeim. Bent var á að frændur okk-
ar Norðmenn hafa ákveðið með lagasetningu að
næsta vor verði allur veitningageirinn (veitinga-
hús, hótel, kaffihús, barir o.s.frv.) þar í landi reyk-
laus. Höfuðrök Norðmanna að baki þessu eru að
tryggja beri starfsfólki heilnæmt andrúmsloft við
störf sín (líka þeim sem ekki reykja). Hvort al-
þingi íslendinga samþykkir lög í þessum anda á
komandi vetri er óvíst. Hitt er ljóst að við læknar
höfum þarna verk að vinna og af undirtektunum í
vor að dæma er greinilegt að nægur vilji er til að
vinna það verk. Viðmælendur okkar geta verið
margir; almenningur, starfsfólk kaffi- og veitinga-
húsa, stéttarfélög, vinnuveitendur, sveitarstjórnar-
menn, þingmenn o.s.frv. Undanbragðalaust en
heiðarlega þarf að upplýsa um skaðsemi óbeinna
reykinga svo að skilningur vaxi á því að í raun er
þetta vinnuverndarmál. Það er drjúgt að vinna
maður á mann, ekki síst á grundvelli vináttu og
kunningsskapar, og munum: dropinn holar stein-
inn. Fyrir hönd stjórnar Lækna gegn tóbaki þakka
ég frábærar undirtektir á liðnu vori og hvet ykkur
öll kæru starfssystkin til að íhuga hvernig þið getið
unnið reykleysinu enn frekara brautargengi.
Pétur Heimisson
formaður
Lækna gegn tóbaki
Greinarhöfundur ásamt
heilbrigðisráðherra og
Lilju Sigrúnu Jónsdóttur úr
félaginu Lœknar gegn
tóbaki.
Læknablaðið 2003/89 809