Læknablaðið - 15.12.2008, Síða 47

UMRÆÐUR OC
FORSTJÓRI LANDS
einfaldlega vegna þess að nemarnir þurfa að fá að
læra handtök og aðferðir. Það er því lykilatriði að
reikna út hversu mikið hver nemi kostar og síðan
fái spítalinn greitt í samræmi við það. Þá getum
við meðhöndlað sjúklinga annaðhvort með eða án
þátttöku nemanna."
Starfsfólki mun fækka
Það er ljóst að á Landspítala eru erfiðir tímir fram-
undan rétt eins og annars staðar í íslensku sam-
félagi. Forsendur hafa gerbreyst á stuttum tíma
og Hulda segir að ómögulegt sé að segja á þessari
stundu hvemig nákvæmlega verði brugðist við
í rekstrinum. „Mér er hins vegar mjög vel ljóst
að hér hefur verið unnin gríðarlega mikil og góð
vinna við að bæta rekstur spítalans og hann er í
rauninni í mjög góðu horfi núna ef horft er framhjá
gengisþróun undanfarnar vikur. Það skapar okkur
erfiðleika eins og öllum öðrum."
Ekki er óeðlilegt að gera ráð fyrir að áætlanir
um byggingartíma nýs sjúkrahúss muni breytast.
„Ef byggingartíminn lengist verðum við að laga
okkur að því en snúa okkur samt af alefli að því að
lagfæra og breyta verk- og starfsferlum innan spít-
alans. Hugsanlega verðum við að gera það hraðar
en ella ef ástandið verður mjög erfitt. Þá höfum
við hreinlega ekki tíma til að laga okkur að breyt-
ingum, við verðum einfaldlega að breytast. Það er
kannski svolítið öðmvísi en ég hafði hugsað mér
áður en kreppan skall á. Heilbrigðiskerfið þarf að
vera sterkt við aðstæður sem þessar enda er það
ein af undirstöðum velferðarþjóðfélagsins. Við
sem störfum í heilbrigðiskerfinu þurfum að vera
sterk og við getum ekki vænst þess að fá einhverja
sérmeðferð."
Hulda svarar því spurningunni um hvort
starfsfólki Landspítala verði fækkað á næstu mán-
uðum með einföldu jái. „Ég væri ekki heiðarleg ef
ég segði annað. Þegar fjárveiting næsta árs liggur
fyrir verðum við stjórnendur spítalans að reikna
út hvemig hægt verður að reka hann fyrir þá fjár-
muni. Starfsmannavelta hefur verið gríðarlega
mikil og spítalinn hefur nánast gegnt hlutverki
þjálfunarmiðstöðvar fyrir margar starfsstéttir
sem síðan hafa farið annað í þeirri þenslu sem hér
hefur ríkt. Þetta á eflaust eftir að breytast," segir
Hulda Gunnlaugsdóttir, forstjóri Landspítala.
Fraeðslufundur í Hlíðasmára 8 I Kópavogi
fimmtudaginn 4. desember kl 20:00.
Gray’s Anatomy 150 ára
Hannes Petersen yfirlæknir háls-, nef- og eyrnadeildar Landspítala.
Árið 1858 var Gray’s Anatomy gefin fyrst út í Bretlandi og fagnar því 150 ára afmæli með sinni fertugustu útgáfu. Bókin er
kennd við höfundinn Henry Gray en þó hún sé talin eitt þekktasta ritverk i læknisfræði hefur lítið verið vitað um höfundinn.
I fyrirlestrinum verður saga bókarinnar rakin og reynt að varpa ijósi á hver Henry Gray var.
Bókasýning
Sýning á Gray's Anatomy bókum ur Nesstofusafni og úr sérsafni Jóns Steffensen sem varðveitt er í Þjóðarbókhlöðunni.
Gestir ern hvattir til að koma með eigið eintak af Gray s Anatomy og leggja á sýningarborð.
Eftir fyrirlesturinn gefst fundargestum kostur á að skoða bækurnar og þiggja léttar veitingar að hætti Jóns Steffensen.
Fyrirlesturinn er öllum opinn.
Anatomy
t.V'lk
F R E T T I R
P í T A L A N S
LÆKNAblaðið 2008/94