Læknablaðið - 15.04.2010, Síða 22

FRÆÐIGREINA
RANNSÓKN
R
Mynd 2a-d. Lífshorfur
(Kaplan-Meier) 213
sjúklinga eftir undirhópum
sem gengust undir blaðnám
vegna lungnakrabbameins af
ekki-smáfrumugerð á ístandi
1999-2008. Brotalínur sýna
95% öryggisbil og log-rank
prófvar notað til að bera
saman hópa.
Mynd 2a sýnir lífshorfur
fyrir allan hópinn, en 5 ára
lífshorfur voru 45,1%.
Á mynd 2b sjást lífshorfur
á stigum I, II og III.
Sjúklingum á stigi IV var
sleppt og stig IIIA og IIIB
setl saman í eitt. Fimm ára
lífshorfur voru 61,8% á stigi
I, 21,3% á stigi II og 20,5%
á stigi III. Ekki reyndist
marktækur munur á stigum
II og III (p=0,078) en hins
vegar var tnjög marktækur
munur á stigum I og II -III
(p<0,0001).
Mynd 2c sýnir lífshorfur
eftir stærð æxlis. Fimm ára
lífshorfur sjúklinga með
æxli <3 cm voru 55,2%
og 37,6% fyrir æxli >3cm
(p=0,002).
Á mynd 2d sjást lífshorfur
eftir vefjagerð, annars
vegar kirtilfrumu-
(n=132) og hins vegar
flöguþekjukrabbameins
(n=62). Fimm ára lífshorfur
reyndust 48,6% fyrir
fyrrnefndu æxlin og 35,3%
fyrir þau síðarnefndu
(p=0,02). Áðrar vefjagerðir
voru ekki teknar með
(samtals 19 sjúklingar).
Ár
og fimm ára heildarlífshorfur reyndust 82,7%,
55,1% og 45,1% (mynd 2a). Á mynd 2b-d má sjá
lífshorfur mismunandi undirhópa. Á mynd 2b
sjást lífshorfur á stigum I-III. Lífshorfur sjúklinga
á stigi I skáru sig úr og voru marktækt betri en
lífshorfur á stigi II og III (p<0,0001). Athyglisvert
er að ekki reyndist marktækur munur á
lífshorfum sjúklinga á stigi II og III (p=0,78).
Á mynd 2d sést samanburður á lífshorfum
sjúklinga með kirtilmyndandi krabbamein annars
vegar og flöguþekjukrabbamein hins vegar.
Marktækur munur var á horfum, kirtilmyndandi
krabbameinum í hag (p=0,02).
Tafla II sýnir niðurstöður úr fjölbreytugreiningu
þátta sem rannsakaðir voru með tilliti til
forspárgildis um lífshorfur. Stigun sjúkdómsins
við aðgerð (mynd 2b) og stærð æxlis (mynd 2c)
reyndust sterkustu forspárþættir lífshorfa þar sem
hækkandi stig og stærri æxli þýddu verri horfur.
Saga um hjartsláttaróreglu var ekki sjálfstæður
áhættuþáttur í einþáttagreiningu en var það í
fjölþáttagreiningu, ásamt FEV^ <75% af spáðu
gildi. Sjúklingar með kirtilmyndandi vefjagerð
höfðu marktækt betri horfur (HR 0,5, p<0,01) en
sjúklingar með aðrar vefjagerðir, þar með talið
flöguþekjukrabbamein (mynd 2d).
Umræða
I þessari rannsókn voru kannaðir ýmsir
forspárþættir lífshorfa meðal 213 sjúklinga sem
gengust undir blaðnám vegna lungnakrabbameins
á íslandi á 10 ára tímabili. Fimm ára lífshorfur
fyrir hópinn í heild voru 45,1%, sem eru svipaðar
niðurstöður og í öðrum nýlegum rannsóknum,
þar sem lífshorfur eru oftast á bilinu 30-63%.8'
9 Beinn samanburður er þó erfiður þar sem í
flestum erlendu rannsóknanna eru gefnar upp
lífshorfur fyrir blað- og lungnabrottnámsaðgerðir
saman en ekki blaðnám eingöngu.8'9 í rannsókn
Frys og félaga eru þó gefnar upp fimm ára
lífshorfur eftir blaðnám eingöngu og reyndust
þær 55%, 32% og 23% á stigum I-DI.10 í okkar
rannsókn voru lífshorfur á þessum sömu stigum
254 LÆKNAblaðið 2010/96