Læknablaðið - 15.10.2010, Blaðsíða 44

UMRÆÐUR O G FRÉTTI
HEILSUGÆSLAN
R
taki og hugmyndafræði heimilislækninga annars
vegar og fyrirhuguðum breytingum á stærð
og starfsemi heilsugæslustöðvanna. „Talað er
um að til þess að auka áhuga unglækna á
sérnámi í heimilislækningum þurfi að gera námið
eftirsóknarvert. Það er hárrétt og satt að segja er
námið sífellt að verða betra og betra. Við erum að
mennta mjög góða heimilislækna. En þarf ekki að
gera starfið og starfsumhverfið eftirsóknarvert
líka? Hugmyndir um aðeins eitt rekstrarform og
stækkun og fækkun heilsugæslustöðva stefnir í
allt aðra átt en hugmyndafræði heimilislækninga
gerir. Við höfum líka bent á að með auknum fjölda
námsstaða aukist kennsluálag og því þurfi að
mæta með einhverjum hætti."
í athugasemdum stjórnar FÍH kemur ennfremur
fram að vegna þess hversu lítið má útaf bregða
vegna skorts á heimilislæknum sé nauðsynlegt
að semja hið fyrsta við sjálfstætt starfandi
heimilislækna en samingur við þá rennur út 31.
desember næstkomandi. „Skjólstæðingar þeirra
eru yfir 20.000 á höfuðborgarsvæðinu og alveg
ljóst að mál þess fólks verða í miklu uppnámi
ef ekki verður samið við sjálfstætt starfandi
heimilislækna."
Tilvísanakerfi ekki raunhæft
Ekki kemur á óvart að ein af tillögum nefndarinnar
kveður á um að innleiða „sveigjanlega tilvísana-
skyldu innan þriggja ára."
í röksemdum nefndarinnar segir: „tilvísana-
skylda er ein þeirra aðferða sem beitt er til
þess að stuðla að skilvirkri verkaskiptingu í
Loftfélagið auglýsir
eftir styrkumsóknum
Loftfélagið auglýsir eftir styrkumsóknum um vísinda-
eða gæðarannsóknir á lungnasjúkdómum, greiningu
þeirra og meðferð í heilsugæslu. Styrkirnir eru ætlaðir heilsugæslulæknum og
samstarfsaðilum þeirra. Um er að ræða styrki að upphæð 200.000 kr. hver. Óskað
er eftir einnar blaðsíðu greinargerð um áætlaða rannsókn, kostnaðaráætlun
og umsækjendur. Umsóknarfrestur er til 1. nóvember. Stefnt er að úthlutun í
nóvember 2010.
Umsóknir skal senda til:
Loftfélagið hjá GlaxoSmithKline, Þverholti 14, 105 Reykjavík eða rafrænt á
hadda.b.gisladottir@gsk.com
_______________________________________________________
heilbrigðiskerfinu. Sýnt hefur verið fram á að
heimilislæknar grípi síður til kostnaðarsamra
aðgerða en sá sérgreinalæknir sem fær sjúkling
til sín í fyrsta sinn milliliðalaust. Ráðist verði í
að koma á sveigjanlegri tilvísanaskyldu á næstu
þrem árum. Tilvísunarskyldan verði til að byrja
með bundin við tilvísun til gigtarlækna, hjarta-
lækna, lungnalækna, efnaskiptalækna og blóð-
meinafræðinga. Fljótlega myndu síðan barna-
læknar, háls,- nef,- og eyrnalæknar og ef til
vill fleiri sérgreinar falla undir tilvísanaskyldu.
Skipaður verði vinnuhópur til þess að vinna
með heilbrigðisyfirvöldum að því að koma
tilvísanakerfinu á og þróa það."
í athugasemdum stjórnar FÍH segir um þessa
tillögu: „framantaldur skortur á heimilislæknum
gerir það að verkum að innleiðing tilvísunarskyldu
er ekki raunhæf eins og staðan er í dag."
Þessu til nánari skýringar segir Halldór að ef
allir þeir sjúklingar sem leita beint til sérfræðinga í
dag ættu að koma fyrst til heimilislæknis þurfi að
fjölga læknunum til muna ef þeir ættu að ráða við
þetta. „Það þarf einnig að skipuleggja, þróa og bæta
boðskipti milli heimilislækna og sérfræðilækna;
gera átak í því að koma á fullkominni rafrænni
sjúkraskrá svo allar upplýsingar um meðferð
og lyfjagjöf séu aðgengilegar. Meðan svo er ekki
verður tilvísanakerfið í skötulíki og eykur til muna
álagið á heilsugæsluna og líkur á mistökum og
misskilningi munu aukast. Hugmyndin er góð en
til að hún nýtist þarf að gera ákveðna hluti fyrst.
Við í stjórn FÍH teljum afar mikilvægt að ekki sé
flanað að neinu og vel staðið að tilvísanakerfi með
hagsmuni almennings og skjólstæðinga í huga
og fagleg sjónarmið höfð að leiðarljósi. Stjórnin
styður tillögu nefndarinnar um skipan vinnuhóps
til að vinna með heilbrigðisyfirvöldum að því
að koma á einhvers konar slíku sveigjanlegu
tilvísanakerfi og þróa það á næstu árum. Þar
teljum við að sú framkvæmdaáætlun sem lýst er í
skýrslunni geti verið fullhröð, þar sem um flókið
mál er að ræða. Félagið lýsir yfir fullum vilja til að
taka þátt í slíkum vinnuhópi."
Halldór kveðst vilja leggja áherslu á vilja
stjórnar FÍH til að starfa með heilbrigðisyfirvöldum
að eflingu heilsugæslunnar í landinu. „Við höfum
ítrekað boðið heilbrigðisráðuneyti og ráðherra
fram krafta okkar, reynslu og þekkingu til að
vinna að eflingu heilsugæslunnar. Við bindum
miklar vonir við að nýr ráðherra taki boði okkar
um samstarf og samvinnu."
636 LÆKNAblaðið 2010/96