Þjóðlíf - 01.09.1987, Qupperneq 52

LISTIR
sniðið að þörfum karlmanna. Þjóðfélag okk-
ar er að grunni til mæðraveldi en það er rekið
á forsendum karlveldis. Samfélagið þarf að
viðurkenna þá staðreynd að meirihluti
kvenna eru mæður og meirihluti kvenna
vinnur utan heimilis. Þá fyrst getum við farið
að sníða þjóðfélagið að þörfum kvenna.“
Finnst þér hlutverk þitt sem rithöfundur sé
öðruvísi en annarra rithöfunda vegna þess að
þú ert kona?
„Eg held að við séum dæmdar á öðrum
forsendum en karlar. Bækur okkar eru
dæmdar eins og þær væru konur. Við erum
dæmdar útfrá einhverri hugmynd karla um
undirgefni."
Hvað myndir þú segja að vœri mesti mis-
skilningurinn? Var kannski sala fyrstu skáld-
sögu þinnar svona mikil vegna þess að al-
menningur misskildi hana. ?
„Eg held að fólk sem las bókina hafi al-
mennt skilið hana, aftur á móti voru þeir
fjölmargir sem aðeins heyrðu um Ericu Jong
og þá var ég oftast útmáluð sem hræðileg
kona. Fear of Flying var alls ekki hvatning til
Iauslætis. Flún var einfaldlega þroskasaga
ungrar konu, hvernig hún finnur sjálfstæðið
og finnur rétt sinn til þess að hugsa og láta sig
dreyma.“
Segðu mér um Serenissima. Hvað þýðir
þessi titill?
„Serenissima er nafn Feneyjabúa á borg
sinni. Það þýðir Hið æðrulausa lýðrœði. Það
má lesa það í hverri bók á hvaða róli rit-
höfundurinn er í eigin lífi. í Fear of Flying var
ég að berjast við óttann og öðlaðist kjark. Ég
skrifaði Serenissima aftur á móti á tíma sem
mig langaði til að öðlast æðruleysi. Mér datt
þessi bók í hug sumarið 1984 þegar ég bjó í
Feneyjum. Ég fór að krota í glósubók ímynd
fimmtán ára stúlku sem var þar í fríi. Svo
lagði ég hana til hliðar eins og ég geri iðulega.
Seinna var ég beðin að vera dómari við
kvikmyndahátíð í Feneyjum. Þá hugsaði ég
með mér, hvernig það væri ef Jessica, nýi
karakterinn minn, yrði fræg kvikmynda-
stjarna og kæmi til Feneyja til þess að dæma á
kvikmyndahátíð? Hvað myndi gerast ef hún
gengi fyrir horn og hyrfi með það sama inn í
sextándu öldina? Ég trúi því að við getum öll
ferðast í tíma. Mér finnst yndislegt að skrifa
sögulegar skáldsögur. En þessi saga gengur
lengra en að vera söguleg skáldsaga þar sem
söguhetjan ferðast úr tuttugustu öldinni í þá
sextándu."
Man hún þá nútímann?
„Já, hún hefur tvöfalt sjálf. Hún er bæði
tuttugustualdar kona og sextándualdar kona
og áhrif tuttugustu aldarinnar hverfa smátt
og smátt þegar hún flytur inn í þá sextándu."
En hver er aðaltilgangurinn með að skrifa
Serenissima?
„Ég vildi skrifa sögu þar sem ég segði skil-
ið við rás tímans. Ég vildi minnast Shake-
speares og Feneyja. Ég vildi líka skrifa skáld-
sögu þar sem sjálf ljóðskáldsins og skáld-
sagnarhöfundarins mættust í því að prósi fer í
ljóð og ljóðið fer í prósa. Mér finnst rangt að
aðgreina ljóð frá skáldsögunni. Mér finnst
þessi tvö form geti mæst á miðri leið og ég
held að ég hafí aldrei tengt þessi tvö form
eins rækilega og ég geri í Serenissima."
Pú ert Ijóðskáld og skáldsagnahöfundur.
Eitt afþví dásamlega við Serenissima er að þá
sýnir William Shakespeare eins oghann mjög
líklega var og þú sýnir að Ijóðformið er til-
finningalegur miðill, en ekki bókmenntir
menntaðrar yfirstéttar.
Gagnrýnendur skrifa út frá menntun -
ekki skáldin. Skáldin skrifa beint frá hjart-
anu.“
Ég er viss um að flestir þínir lesendur vita
ekki að þú ert Ijóðskáld.
„Það er sennilega rétt hjá þér. Ég held að
það sé vegna þess að fólk hér á Iandi leitar
stöðugt að bókum sem koma þeim að ein-
hverju gagni. Þeim finnst það að kanna eigin
tilfinningar ekki nógu praktískt. Þjóðfélag
okkar beinir öllum sínum skapandi kröftum í
að eignast meiri peninga og snýr baki við
öllum öðrum skapandi verðmætum. Fólk
snýr sér yfirleitt ekki að skáldskap nema það
sé eitthvað ruglað eða ástfangið. Við sveltum
andann í þessu þjóðfélagi."
• RagnheiöurÓladóttir
HRA ÐFLUTmnCAR
BORGARTÚN 33. 105 REYKJAVÍK. símar: 27622/27737
Með DHL hraðflutningum kemst sending
þín beint inná borð viðtakanda eins fljótt
og örugglega og hugsast getur.
Eitt símtal og DHL sækir skjölin eða
pakkann til þín. Hann er síðan í öruggum
höndum stærstu hraðflutningsþjónustu
heims.
DHL sér um allt! Hafðu samband og
kynntu þér þjónustu okkar — hún
kemur á óvart.
52