Þjóðlíf - 01.02.1989, Síða 17

INNLENT
„Þrátt fyrir viðleitni okkar á alþjóðavett-
vangi og heima fyrir til að draga úr meng-
un sjávar þá steðjar margs konar meng-
unarhætta að okkur. Þessi hætta getur
reynst okkur afdrifarík og ber okkur því
að vera mjög á varðbergi" segir Gunnar
H. Ágústsson í viðtalinu.
höfum rætt um það, til dæmis á vettvangi
Norðurlandanna, að á friðartímum ættu öll
herskip og allur herbúnaður að uppfylla
ákvæði mengunarvarnasamninganna. Ann-
að er í raun og veru ástæðulaust.
Aukin samvinna við
Norðurlönd
Taka íslendingar nægilegan þátt í meng-
unarvörnum á alþjóðlegum vettvangi?
— Ég tel að svo sé. Þegar árið 1954 áttum
við þátt í alþjóðasamþykkt um varnir gegn
óhreinkun sjávar af völdum olíu og allar göt-
ur síðan höfum við verið virkir þátttakendur
í alþjóðlegri viðleitni til að draga úr þeirri
geigvænlegu mengun sem á margvíslegann
hátt berst í sjóinn. Og ef eitthvað er þá höf-
um við oft verið leiðandi afl á þessu sviði.
— Þó svo að Islendingar séu aðilar að
helstu alþjóðlegu mengunarvarnasamning-
um þá er engan veginn þar með sagt að við
getum lagt árar í bát og talið okkur í öruggri
höfn. Það er margt sem þarf að gera til við-
bótar, ekki síst að efla baráttuna á öllum
sviðum mengunarmála.
Hvernig er samstarfinu háttað við hinar
Norðurlandaþjóðirnar á sviði mengunar-
varna?
— Á þeim vettvangi er ýmislegt í bígerð
þessa dagana. Við erum til dæmis að kanna
og undirbúa aðild að svokölluðu Kaup-
mannahafnarsamkomulagi sem er sam-
vinnusamningur milli allra Norðurlandanna
nema íslands. Hann felst aðallega í samstarfi
vegna hugsanlegrar olíu- eða efnamengunar
í sjónum. Það er verið að endurskoða þetta
samkomulag núna og ég tel að það sé mjög
þýðingarmikið fyrir okkur vegna þess örygg-
is sem slíkt samstarf býður uppá. Við mynd-
um að auki læra mjög mikið af þessu sam-
starfi og spara okkur mikla fjármuni við
kaup á hreinsibúnaði.
— Það er ýmislegt fleira í deiglunni um
þessar mundir og til dæmis taka íslendingar
nú þátt í norrænum samstarfshópi sem vinn-
ur að mengunravörnum sjávar. Hópurinn
kemur saman nokkrum sinnum á ári til að
bera saman bækur sínar. Með þessu starfi er
m.a. verið að reyna að samræma sjónarmið
Norðurlandanna þannig að þau geti komið
fram meira sem ein heild á alþjóðavettvangi.
Fyrir tveimur árum var þessum sama hópi
falið að semja norræna mengunarvarnar-
áætlun sjávar og var hún lögð fram á auka-
þingi Norðurlandaráðs í Helsingör síðastlið-
inn nóvember.
— Það risu upp þó nokkrar deilur varð-
andi þessa áætlun enda bar hún þess glöggt
vitni að vera niðurstaða mikilla málamiðl-
ana. Engu að síður var hún samþykkt, með
ákveðnum breytingum þó. f tengslum við
þessa mengunaráætlun hefur í fyrsta sinn
komið fram hvað telst til norrænna hafs-
svæða. í þessari áætlun er raunverulega stað-
fest að Grænland er eitt af Norðurlöndun-
um.
Þörf á betra skipulagi
Telurðu skipulag mengunarvarnastarfs á
íslandi vera ábótavant að einhverju leyti?
— Hvað varðar mengunarvarnastarfið á
íslandi sérstaklega þá tel ég ástandið nokkuð
gott. En ýmislegt mætti þó betur fara. Ég tel
það t.d. mjög mikilvægt að samstarfið milli
þeirra aðila sem hafa með mengunarmál að
gera verði gert skipulagðara og formlegra en
nú er. Reyndar ríkir mjög góð samvinna milli
Hafrannsóknastofnunar, Geislavarna Ríkis-
ins, Hollustuverndar Ríkisins, Almanna-
varna og okkar, en ég hygg að það gæti orðið
enn nánara. Eins og málum er háttað í dag
byggist þetta samstarf fyrst og fremst á pers-
ónulegum kynnum og áhugasamtölum
manna, og það er að sjálfsögðu góðra gjalda
vert. Að mínu mati er mjög þarft að komið
verði á fót föstu en sveigjanlegu samstarfi
milli þessara stofnana.
Kristján Ari.
BILAGEYMSLAN
Ný
þ/ónusta
vlð
bifreiða-
eigendur
Bílageymsla aö Bakkastíg 16,
Njarðvík.
• Bíll sóttur að flugstöð og skilað
stuttu óður en þú kemur attur.
• Þú getur tengið: þvott, bónun,
djúphreinsun ó teppum
og sœtum, tjöruþvott.
• Upplýsingar ó söluskrifstofum
Arnarflugs og Flugleiða
og ferðaskrifstofum.
• Dróttarbíll allan
sólarhringinn.
985-24418 og
92-11659
BILAGEYMSLAN
17