Frjáls verslun - 01.05.2012, Side 126

126 FRJÁLS VERSLUN 5. TBL. 2012
Tek fagnandi lögum
sem stuðla að jafnrétti
kynjanna
DHL er alþjóðlegasta fyrirtæki í heimi og brautryðjandi í alþjóðahraðsendingum.
DHL var stofnað í San Francisco árið 1969 og hefur þanist út á ævintýralegum hraða.
D H L
DHL á Íslandi var stofnað árið 1982 og því fögnum við 30 ára afmæli okkar nú í ár,“ segir Guðrún Tómasdóttir fram­kvæmda stjóri. Hjá DHL á Íslandi
eru 54 starfsmenn en fyrirtækið er einn af
stærstu atvinnurekendum í heiminum í dag.
„Við bjóðum upp á heildarlausnir í flutn­
ingum; hraðsendingar, flug og sjófrakt, en
þannig geta viðskiptavinir okkar ráðið hraða
sendinganna, hvort sem um er að ræða
inn­ eða útflutning. Meðal styrkleika okkar
er gríðarlega sterkt flutningsnet sem nær til
220 landa og 120.000 áfangastaða um allan
heim.“
fjölbreytileiki – enn betri árangur
Hvað finnst þér um lögin sem taka gildi 1.
september 2013 og kveða á um að hlutfall
hvors kyns verði aldrei lægra en 40% í stjórn­
um stærri fyrirtækja?
„Ég tek því fagnandi að með þessum lögum
sé verið að stuðla að jafnrétti kynjanna þegar
skipað er í stjórnir fyrirtækja. Ég tel að með
fjölbreytileika í stjórnum fyrirtækja séu meiri
líkur á enn betri árangri.“
áhersla á ábyrgðarstöður kvenna
Hvernig snerta þessi lög þitt fyrirtæki? Hversu
margar konur eru í stjórn fyrirtækisins?
„Stjórn DHL á Íslandi er nú skipuð þremur
karlmönnum en markmiðið er að finna á því
lausn með skipun konu sem hefur hæfni,
þekkingu og reynslu til að taka virkan þátt í
starfi stjórnarinnar. Hins vegar er stjórnenda­
teymi DHL á Íslandi skipað fjórum konum og
þremur karlmönnum. Hjá DHL fá konur jafnt
sem karlmenn tækifæri til að vaxa í starfi og
takast á við ábyrgðarstöður.
Yfirstjórn DHL í heiminum leggur ríka
áherslu á að konur fái tækifæri til að komast í
ábyrgðarstöður og njóti sömu tækifæra. Þess
vegna erum við hjá DHL á Íslandi afar stolt af
að vera öðrum löndum til fyrirmyndar.“

Aldur: 34 ára.
Menntun: Rekstrar- og viðskiptafræði
frá Endurmenntun Háskóla
Íslands. Stefnan sett á nám í
sálfræði í haust, samhliða
vinnu.
Hjúskaparstaða: Er í sambúð með Guðna
Rúnari Helgasyni, eigum
ekki börn saman en Guðni
á eina yndislega dóttur.
Tómstundir: Slökun í bústað í sveitinni.
Einnig heilsurækt, göngu -
ferðir, leikhús, matur, kvik-
myndir og tónlist.
Sumarfríið 2012: Við ætlum að flakka aðeins
um landið og eyða tíma
með fjölskyldum okkar og
kærum vinum. Þeir staðir
sem eru á áætluninni í dag
eru Kjósin, Húsavík,
Mývatns sveit, Egilsstaðir og
Stöðvarfjörður fyrir utan
tímann hérna heima í
Reykjavík.“
„Yfirstjórn DHL í heiminum leggur ríka áhers­
lu á að konur fái tækifæri til þess að komast í
ábyrgðarstöður og njóti sömu tækifæra.“
Guðrún Tómasdóttir er Starfsmannastjóri DHL á Íslandi.
Texti: Hrund Hauksdóttir / Mynd: Geir Ólafsson