Þjóðlíf - 01.09.1990, Síða 65

Börn að leik i Vesturbæjarskólanum.
foreldra? Er mikið um að börn séu tekin
úr skólanum og þau send annað?
— Starf skólastjóra felst m.a. mikið í
því að eiga samskipti við foreldra og nem-
endur. Eg hef sem skólastjóri reynt að
rækja þetta hlutverk mitt eftir bestu getu.
Fyrir utan daglegar fyrirspurnir og að
finna úrlausnir á margvíslegum vanda-
málum vil ég nefna formlegt samstarf í
stjórn Foreldra- og kennarafélags skólans.
Hvernig til hefur tekist verða aðrir að
meta. Mikil hreyflng er á nemendum
Vesturbæjarskóla eins og í öðrum skólum
borgarinnar. Þessir flutningar stafa í flest-
um tilfellum af búferlaflutningi fjöl-
skyldna. Eins gerist það að foreldrar í
hverfmu velja að senda börn sín í annan
skóla rétt eins og foreldrar úr öðrum
hverfum hafa valið Vesturbæjarskóla fram
yfir sinn hverfisskóla. í þessu sambandi
má geta þess að af 330 nemendum skólans
eru það 60 nemendur sem búa utan skóla-
hverfisins sem sækja Vesturbæjarskóla í ár
að ósk foreldra.
Um 20% barna á skólasvæði Vestur-
bæjarskólans stunda nám í Landakots-
skóla. Hver er þín skýring á þessu?
— Þannig hagar til að í gamla Vestur-
bænum eru starfræktir tveir grunnskólar
fyrir nemendur frá 1. bekk upp í 7. bekk.
Almennt gildir sú regla að nemendur til-
heyra ákveðnu skólahverfi eftir búsetu. Ef
foreldrar kjósa hins vegar að börn þeirra
sæki annan skóla en hverfisskólann er
þeim frjálst að velja annan skóla svo fram-
arlega sem þar er ekki yfirfullt. Það gegnir
hins vegar öðru máli um Landakotsskóla,
en eins og menn vita er þar um einn af
einkaskólunum á Reykjavíkursvæðinu að
ræða. Það er áratuga hefð fyrir því að
margar fjölskyldur í gamla Vesturbænum
hafa valið að senda börn sín í Landakots-
skóla og tel ég prósentuhlutfallið hafi lítið
breyst eftir að við tókum upp breytta
kennsluhætti í Vesturbæjarskóla án þess
að ég hafi um það handbærar upplýsingar.
Benda má á til samanburðar að nokkuð
stór hundraðshluti barna úr skólahverfi
Æfingaskóla Kennaraháskóla Islands
stunda nám við ísaksskóla sem er einka-
skóli í hverfinu.
Er nægjanlegt umferðaröryggi í nám-
unda við skólann? Hvað með umferðar-
ljós við Hringbrautina?
— Strax og starfsemi skólans fluttist á
Sólvallagötu var borgaryfirvöldum gerð
grein fyrir áhyggjum starfsfólks skólans
og foreldra af umferðaröryggi í námunda
við skólann. Á fyrsta starfsári á nýjum stað
stóð Umferðarnefnd Reykjavíkurborgar
fyrir könnun á gönguleiðum nemenda í
skólann. Á grundvelli þeirrar könnunar
og athugana á umferð annarra vegfarenda
og ökutækja um hverfið voru unnar tillög-
ur um breytt umferðarskipulag í gamla
Vesturbænum. Þessar tillögur voru
kynntar fulltrúum íbúasamtaka Vestur-
bæjar, Vesturbæjarskóla og foreldra- og
kennarafélagi skólans.
— Fulltrúar íbúa og foreldra hafa sýnt
mjög ábyrga afstöðu hvað varðar umferð-
aröryggi í hverfinu og má m.a. benda á að
þeir áttu frumkvæði að því að lækka há-
marksökuhraða innan gamla Vesturbæj-
arins niður í 30 km og koma upp hraða-
hindrunum (öldum) víðs vegar í hverfinu.
Fyrrnefndir aðilar ásamt mér röðuðu of-
angreindum tillögum í forgangsröð og
sendu umferðarnefnd. Nú í september
hafa ákveðnir þættir verið framkvæmdir
eins og einstefna á ákveðnum götum í
námunda við skólann og breytingar á
strætisvagnaleiðum.
— Því verkefni sem ég og fulltrúar íbúa
og foreldra töldu brýnast að tekið væri á,
þ.e. umferðarljós á Hringbraut við Fram-
nesveg, samfara breytingum á bílastæðum
og gangstéttum við gatnamótin, hefur
hins vegar ekki verið hrundið í fram-
kvæmd. Þegar starfsmaður gatnamála-
stjóra var inntur svara um þetta tiltekna
atriði fékkst það svar að einhver bið yrði
að öllum líkindum á því að þessi umferð-
arljós verði reist, þar sem á þessum gatna-
mótum væri hlutfallslega um færri svarta
bletti að ræða en á öðrum gatnamótum í
borginni, þar sem þörf er á umferðarljós-
um. Einnig var borið við manneklu í sam-
bandi við uppsetningu ljósanna. Annars
vísa ég þessari spurningu til yfirvalda um-
ferðar- og borgarmála, sem bera ábyrgð á
þessum málaflokki.
Eru að þínu mati líkur á að opinn skóli
á borð við Vesturbæjarskóla verði skóli
framtíðarinar?
— Eins og fram hefur komið hér að
framan hefur þróunarstarfið í Vesturbæj-
arskóla ekki staðið yfir nema í tíu ár. Það
er stuttur tími að mínu mati þegar um
skólastarf er að ræða. Einkum þegar
skólastarfi eru búin þau skilyrði að geta
hvorki mætt hinum margvíslegu þörfum
nemenda og heimila í þjóðfélagi sem hefur
gjörbreyst á stuttum tíma, né heldur boðið
starfsmönnum sínum upp á viðunandi
starfsaðstæður. Alkunna er að kennara-
starfið er mjög vanmetið í þjóðfélaginu í
dag. í þessu sambandi má geta þess að nýr
Vesturbæjarskóli er t.d. byggður með
tvísetningu í huga og má það furðu gegna
miðað við þær miklu umræður, sem farið
hafa fram og skýlausu kröfu foreldra í
landinu um einsetinn skóla.
— Ég held ég svari þessari spurningu
einna best með því að vitna í orð þess mæta
skólamanns Jónasar B. Jónssonar, fyrr-
verandi fræðslustjóra í Reykjavík, sem
hann lét falla í grein í Nýjum menntamál-
um fyrir tveimur árum síðan (2.tbl.6.árg.
1988), en þar segir hann m.a. um skóla
framtíðarinnar: „Ég er sannfærður um að
opni skólinn byggir á hugmyndum sem í
framtíðinni verða ráðandi í skólamálum. I
rauninni erum við með opnum skóla að
tala um breytta afstöðu til menntunar og
einstaklings.“
0
ÞJÓÐLÍF 65