Frjáls verslun - 01.01.2011, Síða 27

FRJÁLS VERSLUN 1.tbl.2011 27
Þú ert sem sagt á móti því að ganga í
Evrópusambandið?
„Já.“
Og að EES dugi?
„Já.“
Myndir þú gera Evrópusambandið að frá gangs-
máli kæmi til viðræðna við Samfylk ingu um
myndun nýrrar ríkisstjórnar?
„Já, ég sé ekki að Samfylkingin sé í að­
stöðu til að setja neinum afarkosti um ESB­
viðræður. Málið er ekki á dagskrá hjá neinum
öðrum flokki en þeim. Það gerir þetta allt
svolítið snúið að meirihluti þingsins virðist
engu að síður styðja við ræð urnar. Best væri
auðvitað að kjósa til þings að nýju.“
En ef viðræðuferlið við ESB heldur áfram ætlar
Sjálfstæðisflokkurinn að sleppa því að koma að
þessum viðræðum og hafa áhrif á þær? Hunsa
þessar viðræður algjörlega?
„Nei, ef ferlið heldur áfram hef ég þá
frumskyldu að gera allt til að gæta hags­
muna íslensku þjóðarinnar.“
Hafið þið tekið þátt í þessum viðræðum á
einhvern hátt?
„Samningsmarkmiðin við Evrópu sam­
bandið voru mótuð af meirihluta Alþingis,
án aðildar Sjálfstæðisflokksins. Síðan hefur
þingið ekkert haft með framgang við ræðn­
anna að gera. Það eina sem við höfum getað
gert er að nýta okkur sam ráðs nefnd ina innan
þingsins sem fylgist með viðræðunum og
þar getum við kallað eftir upplýsingum um
það hvað stjórnvöld ætla að segja á samn­
ingafundum og hvernig þessu vindur fram.
Það hlutverk rækjum við af fullri einurð.
Við sitjum ekki með hendur í skauti á með­
an viðræðurnar fara fram.“
Sú spurning brennur á mörgum
sjálfstæðismönnum hvort þið kúvendið í ESB-
málinu líkt og þið hafið gert í Icesave-málinu og
farið yfir á ESB-línuna.
„Ég geri athugasemd við þessa fullyrð­
ingu, það eru engin umskipti í Icesave;
svo því sé haldið til haga enn og aftur. Það
er útilokað að Sjálfstæðisflokkurinn stígi
ein hver skref til breytinga á stefnu sinni
gagnvart Evrópusambandinu án þess
að það verði samþykkt á flokksráðs­ eða
lands fundi. Ég sé ekki að flokkurinn breyti
um stefnu varðandi aðild að ESB í bráð.“
Ertu þá sama sinnis varðandi evruna, að ekki sé
tímabært að kasta krónunni og stefna að því að
taka upp evru sem gjaldmiðil?
Ef við gefum okkur að skipta eigi um gjaldmiðil þá tel ég sterkara að gera
það með samstarfi um nýja mynt en
einhliða upptöku. Þetta finnst mér nokkuð
augljóst. En væringar á evrusvæðinu
undanfarin misseri gefa okkur tilefni til að
fara alveg sérstaklega varlega í breytingar
í gjald miðilsmálum. Á evrusvæðinu gildir
sú meginregla um þessar mundir að lönd í
uppsveiflu eru sátt, en lönd í þrengingum
eiga mjög erfitt, sum eru hreinlega í neyð.
Það er líka áberandi að ESB­lönd utan
evrusvæðisins halda að sér höndum og
andstaða við upptöku evru þar er vaxandi.
Allt þetta eigum við að láta vera okkur til
umhugsunar.
Það er athyglisvert að kynna sér hvernig
öðrum löndum hefur gengið að vinna
úr efnahagsvanda sínum frá því að fjár­
málakreppan skall á. Írar og Eystra salts­
löndin hafa til dæmis verið að glíma við
mikla erfiðleika líkt og við.
Írar eru með evru og hafa ekki aðra leið
en beinar launalækkanir og uppsagnir til
að bæta samkeppnisstöðu sína að nýju.
Það hefur kostað gríðarleg átök og nú
er stjórnarandstöðunni spáð stórsigri í
kom andi kosningum. Aðlögun um vinnu­
markaðinn hefur reynst afar torfarin og
kreppan er að dragast á langinn.
Lettar og Litháar fóru leið launalækkana
og uppsagna, gripu til afar sársaukafullra
aðgerða til að forðast gengislækkun.
Atvinnuleysi fór úr 7% í 23% í Lettlandi.
Öll Evrópa finnur til með þeim um leið
og margir furða sig á því að ekki skuli allt
hafa farið í bál og brand. Ég hef fylgst með
þessu úr fjarlægð og sé að forráðamenn þar
segja að fólki sé enn í fersku minni tíminn
fyrir sjálfstæði ríkjanna og þau lífskjör sem
þá giltu. Það hafi áhrif á þolgæði fólks.
Á Íslandi féll gengið við hrun fjármála­
kerfisins. Það hafði mjög alvarlegar afleið­
ingar, ekki síst fyrir skuldastöðu heim­
ilanna. Ekki er hægt að gera lítið úr alvöru
þess eða hinu mikla falli kaupmáttar. En
samkeppnisstaða okkar styrktist og það var
einmitt það sem við þurftum á að halda.
Atvinnuleysi, þótt mikið sé, er ekki nálægt
því sem þekkist víða annars staðar.
Loks er nauðsynlegt að átta sig á því að
allt bendir til að það muni kosta evruríkin
frekara framsal á fjármálalegu fullveldi
sínu að halda evrusamstarfinu áfram. Nú
er rætt um að Brussel þurfi að hafa agavald
vegna framkvæmdar fjárlaga aðildarríkjana
og vaxandi umræða er um að samræma
þætti í skattastefnunni. Allt finnst mér
þetta fráhrindandi og gefa tilefni til að
5NÝIR OG SPENNANDI ÁFANGASTAÐIR+ Bókaðu ferð á www.icelandair.is
Ferillinn
Ólst­upp­í­Garðabæ­og­fór­í­Flataskóla­
og Garðaskóla. Vann á sumrin í ungl­
ingavinnu og bæjarvinnu í Garðabæ.
Eftir­það­fór­hann­í­Menntaskólann­í­
Reykjavík. Þaðan lá leiðin í lögfræði við
Háskóla Íslands og útskrifaðist 1995.
Fór til Þýskalands og tók þar eina önn í
háskóla. Kláraði mastersnám í lögfræði
á einu ári í Bandaríkjunum. Kom heim
og­hóf­störf­í­tjónadeild­Eimskips­sem­
lögfræðingur og var þar í tvö ár. Hóf þá
störf í lögmennsku sem hann gegndi
þegar hann settist á þing. Bjarni lék
landsleiki í knattspyrnu í öllum yngri
landsliðum Íslands en slasaðist í íþrótt­
inni og þurfti að hætta 24 ára gamall.
Eiginkona­Bjarna­er­Margrét­Þóra­
Baldvinsdóttir.
Þau eiga þrjú börn: Margréti, 19 ára,
Benedikt, 13 ára, og Helgu Þóru, 6 ára.
Áhugamálin eru knattspyrna, golf,
útivist og veiði. „Ég fékk veiðidelluna
eiginlega aftur í sumar þegar ég fór í
tvo mjög skemmtilega veiðitúra. Hef
bæði gaman af að veiða silung og lax
og veiddi sem strákur mikið af silungi
í Þingvallavatni. Þá förum við hjónin
í nokkurra daga gönguferð á hverju
sumri með gönguhópi, jafnöldrum
okk ar og vinum.“
Morgun­ eða kvöldmaður? „Morgun­
maður. Vakna alltaf mjög léttur í lund.“