Frjáls verslun - 01.01.2011, Síða 42

42 FRJÁLS VERSLUN 1.tbl.2011
Þórunn Erna Clausen leikkona:
Hún lék mjög vel og er líka
svo falleg og hefur þenn an
„elegans“ sem þarf í þetta
fræga hlutverk.
S
igríður Margrét er komin öðru
sinni að stjórnvelinum hjá Já.
Fyrstu rætur þessa fyrirtækis eru
í símaskránni gömlu, sem komið
hefur út í meira en 100 ár og enn
er símaskráin gefin út hjá fyrirtækinu. Það
er arfur frá fyrri tíð. Já er brot af því sem
einu sinni hét Landssími Íslands. Núna er
fátt eftir sem minnir á upprunann – ja, ann­
að en gamla símaskráin á pappír.
„Alveg frá því ég kom fyrst að þessu
fyrir tæki hefur dauða gömlu símaskrárinn­
ar verið spáð en hún kemur enn út í 150
þúsund eintökum og það er ekkert á lager
hjá okkur,“ segir Sigríður Margrét – eða
Sigga Magga. „Við skulum gefa henni nokk­
ur ár enn.“
En Sigríður handfjatlar ekki símaskrá
daglega. Já er upplýsingafyrirtæki sem
nú á sér sex ára sögu og markmiðið er að
hvenær sem einhver þarf að leita sér upp­
lýsinga detti honum eða henni Já fyrst í
hug. Vefsvæðið er núna meðal þeirra sem
flestir landsmenn heimsækja á hverjum
degi og þúsundir Íslendinga nýta sér dag­
lega þjónustu 118.
FRÁ SKJÁ Í JÁ
Núna í vetur tók Sigríður við forstjórastarfinu
hjá Já eftir að fagfjárfestasjóður í vörslu
Auðar Capital keypti fyrirtækið út úr Skipt­
um, sem áður voru í eigu Exista. Hrunið er
hluti af þessari sögu.
Áður var hún árin 2007­2010 sjónvarps­
stjóri hjá Skjá einum, sem einnig er hluti af
Skiptum. Nokkra mánuði í vetur var hún
raunar yfirmaður beggja fyrirtækja sam­
tímis. Hún segir að samstarf við Katrínu
Olgu Jóhannesdóttur, stjórnarformann Já
og fyrrverandi framkvæmdastjóra hjá Skipt­
um, hafi ráðið mestu um flutning milli starfa.
Um störf sín hjá Skjánum segir Sigríður
að það hafi verið afskaplega skemmtileg
reynsla og heiður að fá að vera ein þriggja
sjónvarpsstjóra í landinu.
Sigríður var í hópi fyrstu starfsmanna
hjá Já árið 2005. Hún var meðal þeirra sem
bjuggu fyrirtækið til úr þremur deildum
hjá Símanum. Þangað kom hún frá IMG
Gallup og vann við fyrirtækjaráðgjöf og
markaðsrannsóknir með aðsetur á Akureyri.
Upphaflega vann hún hjá Ráðgarði, sem
síðar rann inn í IMG Gallup.
FLUTNINGAR
Sigríður er þó ekki Akureyringur og hafði
áður en hún settist að í höfuðstað Norður­
lands átt heima í Reykjavík, á Skagaströnd
og í Njarðvík. Suðurnesin eru hennar
heima byggð.
Faðir hennar er sr. Oddur Einarsson, sem
varð landsfrægur fyrir að leika prestinn í
Kúrekum norðursins, hinni frægu kvik­
mynd Friðriks Þórs Friðrikssonar. Hann
var síðar um tíma bæjarstjóri í Njarðvík.
Móðir hennar er Una Dagbjört Kristjáns­
dóttir deildarstjóri. Þau hjón búa nú í
Reykjavík.
Sigríður fæddist í Reykjavík og bjó þar
fyrstu fimm ár ævinnar. Þaðan lá leiðin
á Skagaströnd þar sem fjölskyldan var í
fimm ár en síðan til Njarðvíkur þar sem
Sigríður átti sín unglingsár – og lærði að
vinna.
„Guðrún Hákonardóttir í Stapafelli kenndi
mér að vinna,“ segir Sigríður. „Ég vann þar
í fríum um jól og á sumrin. Það var mikil
og góð reynsla en stundum öfundaði ég
skólasystur mínar af að sitja úti og sleikja
sól skinið meðan ég stóð inni á bak við búðar­
borðið í leikfangadeildinni. Eða jólaösin í
Stapafelli. Hún er ógleymanleg.“
FYRIRMYNDARUNGLINGUR
„Hún var afskaplega góður unglingur, fyrir­
myndarunglingur,“ segir Guðrún, fyrrver­
andi kaupkona í Stapafelli. „Vinnusöm,
mætti vel og það var hægt að treysta henni
fyrir öllu. Ég var því afskaplega ánægð
þegar hún sótti um vinnu aftur eftir fyrsta
sumarið.“
Sigríður kom fyrst til vinnu í Stapafelli
14 ára gömul og var þar í fríum fram á
menntaskólaár. „Hún var mjög góð náms­
manneskja og aldrei vafi á að hún myndi
læra. – Það verður eitthvað úr henni, hugs­
aði ég,“ segir Guðrún.
Guðrún segir að Sigríður hafi verið fylgin
sér og að sér hafi virst sem hún hefði
ákveðna sýn að stefna að. „Hún er flott kona,
sem vekur eftirtekt hvar sem hún kem ur.
Sigríður Margrét Oddsdóttir, forstjóri Já, er í hópi yngstu stjórnenda á Íslandi en um leið í hópi þeirra sem
mesta reynslu hafa innan upplýsingatækni. Hún lærði að vinna bak við búðarborðið í Stapafelli í Keflavík.
TEXTI: GÍSLI KRISTJÁNSSON MYND: GEIR ÓLAFSSON
„Það verður
eitthvað úr henni“
– segir fyrsti vinnuveitandi Sigríðar Margrétar
SIGRÍÐUR MARGRÉT ODDSDÓTTIR, FORSTJÓRI JÁ, Í NÆRMYND